ข้อพระคัมภีร์ยอดนิยมจาก 2 Koriniti 6

แบ่งปัน

Kei iokatia kētia koutou ki te hunga whakapono kore. Nō hea hoki te whakahoatanga o te tika rāua ko te tutū? Nō hea hoki te huihuinga tahitanga o te mārama ki te pōuri?

Ā, kei hea he tatanga mō te whare tapu o te Atua ki ngā whakapakoko? He whare tapu hoki koutou nō te Atua ora; ko tā te Atua hoki tēnā i mea ai: “Ka noho ahau i roto i a rātou, ka hāereere ahau i roto i a rātou; ā, ko ahau hei Atua mō rātou, ko rātou hoki hei iwi māku.”

Mō konei, “Puta mai i roto i a rātou, kia motu kē, e ai tā te Ariki. Kaua hoki e pā ki te mea poke; ā, ka riro mai koutou i ahau; Ko ahau anō hoki hei Matua mō koutou, ko koutou hoki hei tama hei tamāhine ki ahau, e ai tā te Ariki Kaha Rawa.”

Ko ēhea mea a te Karaiti i huihuia ki a Periara? Nā tēhea wāhi rānei i huanga ai te tangata whakapono ki te tangata whakapono kore?