ข้อพระคัมภีร์ยอดนิยมจาก 1 Corinth 12

แบ่งปัน

Ove ve iele haela oaria aeakila, ehovea erero lei mekaka leivahaeakive.

E oaria Keriso ve maea. E va areve maea ve eharu oaria.

Maea ve uku ae va kakare la leikilava, uki oaria hareho kakare leivahaeakilai. Maea ve eharu ae va veveke la leikilava, maea ve eharu oaria are i hareho ikiveveke leivahaeakilai.

Ehovea Ove va haela ve ikiore la avarakilai; haela aea va ore leiki okiharo aea la Ove avarakilai. La Ove haela ikikekela veveke avarakilai, haela ae maea veveke leikive la horova. Haela ae va ikiore horova aea, haela ae va peroveta horova; haela ae ove lahua lahua ore leikive; haela ae va uri lahua lahua; haela ae va uri helarikive.

Aka ma eharu oaria Ove haroapo hiki aiaravila: Ove ve ikivere hovea haela lahua lahua aiaravila.

Laelave, maea ve ukuku lahua lahua leivahaea va ka; aka la ukuku elarelare kiva leivahaeakilai.

Ikiore meru lahua lahua va oaria, aka Ove va haroapo. Horova kara lahua lahua oaria, aka Amua haroapo hiki aeave. Horova ve okiharo oaria apearo, aka Aualari haroapo hiki la okiharo va kiva leivahaevila.

Aualari ve ekalesia haela uku are va aposetolo leivahaeape, uku peroveta haela, uku kilea haela: aireaki va horova lahua lahua haela, maea veveke leilula haela, koaraki haela, aka horova kiva leivahaelula haela, uri lahua lahua ore haela.

Ehovea maea va hakaea haroapo hiki ka, areve iele hakakaea oaria.

Iele havahu, mahuka leilula la maea ve ukuku, erero kara maea ikivere eapapo leive.

Maea hareho ovohae hiki la leikilava, are va learia iapakilai ha? Are va hareho avako hiki la leikilava, are muo learia koakilai ha? Aka Aualari ikivere leipe hovea, are maea ve eharu lahua lahua oaria karikivahaeape. Ere oaria hareho hakaea haroapo hiki la leikilava, maea laria lei aeakilai ha?