ข้อพระคัมภีร์ยอดนิยมจาก Matíe 19

แบ่งปัน

Lé Zozíi dʋdʋ̀ a, lé ɔ́ srʋ á mà: «Wɔlɩ́ɛ́ nyɔ nɩ́ ka míi a, Lagɔ yi míi, wɔlɩ́ nɩ́ kɔ́ kʋ lé ɩ ká Lagɔ sɩa.»

A nɩ́ ka yɩ́ sɔ́ bhli, á ŋwɔ́ɔ yɩ́ lɛ́ a múó. Lɛ́ɛ́ Lagɔ ya jányɩ a, nyɔ ná sɩsa yɩ́ mɛ́ yɩ́!»

Bhʋ́ Zozíi srʋ á mà: «A nɩ́ à zà Lagɔ̀bɔ̀gʋ a mnɩ́ zɛɛ, lé a ká nú mà: Zɩkpa a bháàda a, Lagɔ nɩ yʋwlɩ lé ɔ́ nɩ ŋwnɔ́. Lé ɔ́ anɩ́: Ɩ́mɩ́ kà ŋnɩ́ a zà, Nyɔ yi ɔ Tʋ́ yà ɔ Nɛ́ sɔ́ gɔ̀ wlʋ́, lé ɔ yà ɔ ŋwnɔ́ sɔ́ yi jányɩ, lé á yi lɛ́ a múó plɩ́.

Bhʋ́ Zozíi srʋ á mà: «A cíe yúó sá a ká mɔ́ɔ gɔ̀ yi, a ná yɩa á kwlɩ́, mà Lagɔ a Léyibhlɩɛ́ nyɔɔ́ nà kà wlʋ́ mànɩ́ yʋ́ a, ɔ́mɔ́ kɛ̀ɛ̀.»

A lɛ́bhɛɛ, nyʋa fɩ́ɛ́ kʋ̀ lɛ́ drɩ̀ a, kɔ́kɔ́mnɩ́ kʋ ʋ́ lé á yi bɩ́ plɩ́ɩ̀, lé nyʋa kʋ bɩ́ a, kɔ́kɔ́mnɩ́ yi drɩ̀ plɩ́ɩ̀.»

Nyɔɔ́ nà kà ná ŋnɩ́ mʋ́ ɔ ghlɩ tɩ, ɔ nɩ́ayúó tɩ, ɛ́ yi náa ɔ tʋ́ ò, ɔ nɛ́ ò, ɔ yúó ò, ɔ lágbɩ ò, bhʋ́anɩ nyɔɔ́, lɩ́ɛ́ fɩ́ɛ́ ɔ́ wlʋ́ lɛ́ sɩ́tɛ̀ gɔ̀ a, ɔ́ yi ɩ cí a gwlɩ̀ gbɩ́ yɛ́, fɩ́ɛ́ lé kɔ́ɔ́ ʋ̀ nɩ́ bhɩàda ka a, ɔ́ yi ʋ́ yɛ́.

Bhʋ́ Zozíi srʋ ɔ́ mà: «Nɩ̀ yrá lé nà nɩnɩgbɩ ká Lagɔ a drɩ̀ sá srí a, ŋwʋ́ nà kakalɩɛ́ fɩ́ɛ́ pɛ́lʋ́, lé bhábha moníe ŋazɩ̀nyʋa mà ɩ̀ yi Lagɔ̀duú mɔ̀ léyri li, lé yi lé kà mɔ́ɔ kʋ́ jɩ́!»

Zozíi srʋ ɔ́ mà: «Ɛ̀kʋ̀ʋ̀ lé ɩ̀ yra lɛ mɔ́ɔ námɛ a niníé a wɔlɩ́ kʋ́ à? Lagɔ a múó coco naa. Nɩ̀ yrá lé kà kɔ́ɔ́ ʋ̀ nɩ́ bhɩàda ka a, yɛ́ a, ŋwʋ́ Lagɔ a Jràmáá kpá.»

Náa srʋɛ sɔ́kʋ́ amɔ mà, lóo ká Lagɔ a Léyibhlɩɛ́ a mnɩ́ pla a, ɩ́ ka gbʋ́ lé ɩ́ zi mnagwlì ká kwʋɛ́ a fleé a mnɩ́ blée a kʋ́.»

Mà ná srʋɛ sáà yɩ́ lɛ́ amɔ mà, ŋwnɔ́ nɩ nɩ́ bheyi li lé ɔ nyɩtʋ nɩ sɔɔ́ glù lé ɔ nɩ bhá ŋwnɔ́ ànɔ a, bhʋ́anɩ nyɔɔ́ ya ŋnɩ́gbʋ yɛ́.»

Lé Zozíi srʋ ɔ́ kʋjɩ̀nyʋ̀àà mà: «Cɩ́cása lé náa srʋɛ amɔ mà lóo ká Lagɔ a Léyibhlɩɛ́ a mnɩ́ pla a, ɩ́ ka kpanyɩ gbʋ́!