ข้อพระคัมภีร์ยอดนิยมจาก Hebreos 13

แบ่งปัน

Miya ik'ux che i pwaq; chixkikot ru' ni'pa o iwu', man i Dios are Ire kixuchajij. Ire ub'im: “Lik katinkanaj ti kanoq; xaq katwo'taj taj;” xub'ij.

I Jesucristo ire lik arewi, pacha iwir, wo'or i ronojel ij saq.

Rumali, chi lik ru' ukub'ib'al qak'ux chqab'ij i tziji chi tz'ib'talik: Are i Ajwal are i kintowik; kinxij ti wib' wach wa ktiki jun winaq chu'anik chwe.

Msach chik'ux, chi'ana i utz, xaq chito iwib' chiwach ru' ub'itaq iwe. Keje ile, utz kril i Dios, are i b'iroxik iri chi utz kril i Dios.

Rumali lik arewi kqab'ixaj i Dios rumal i Jesucristo. Man i b'ixi are i sipon chi rajwaxik kqasujuj. ¡Lik chqab'ixaj uri ub'i!

Jun achi, utz we o rixoqil, xwiri, utz taj we k-e chik ru' jun chik ixoq we k'ulinaq ti ru'. Xaq i rixoqil lik utz taj we k-e chik ru' jun chik achi chi k'ulinaq ti ru'. I Dios ku'an atb'al tzij pkiwi ike chi kkiqajsaj ki'ij chkiwach.

Msach chik'ux chi ni'pa i keupon iwu' ru' ja, utz kik'ulaxik chi'ana. O i ki'anom keje ile, xe'eloq chi are i ángel xkik'ulaj ku', tupu xketamaj taj.

I Dios chi kyaw i utz laj olem, xuwalijsaj i Qajwal Jesucristo che i kamik, ire are i atz laj ajyu'unel pqawi. Ru' ukik'el xuya ucho'ab' i qatrat ru' i Dios, i trat chi nti uk'isik. Kintz'onoj che i Dios chi chu'ana ni suk'ul laj taq winaq chiwe ru' ronojel ni'pa i ki'ano, man keje ile ki'an na pacha urayijb'al uk'ux ire. Chu'ana ni wach i utz kraj Ire chqe, chu'ana pqak'ux rumal i Jesucristo, chi aj-anol uchak i Dios pqak'ux. ¡Choksax u'ij ronojel ij saq! Keje ile kqaj (Amén).