ข้อพระคัมภีร์ยอดนิยมจาก Hebreos 10

แบ่งปัน

Xaq arewi, chqamolo qib' pa taq molb'al ib'; mqamayij u'ankil. Qatzij, je o jujun kkimol ti chik kib' qu'. Xwiri utz kqamol qib' yoj man keje ile kqaya ukowil qak'ux chqawach, wo'or mas neri o rajwaxik, man ya knaqajab' i ij re uk'unik tan chik i Ajwal.

Chqato qib' chqawach chunimarsaxik i k'axnab'al qak'ux, xaq chu'anik i utz.

Choj-oloq jikil qak'ux che chi kqil na wach taq usujum i Dios chqe. Mqo'taj kan ukub'ib'al qak'ux che, xaq mb'a'krij qak'ux chroy-exik, man i Dios lik ku'an na wach usujum chqe.

Mb'a'krij ik'ux chupam i k'ax, lik chich'ija k'a kik'is ni u'anik ni'pa kraj i Dios chiwe chi ki'an na. Te'uri kya' ni chiwe wach usujum ire.

Chojtejeb' ru' i Dios lik ru' ronojel qak'ux; mqa'an keb' qapalaj chu'ankil, chqa'ana ru' ukub'ib'al qak'ux saqil. Ire u'anom chik ch'am che i qanima, rumali, kuna qak'ux chi nti chik qamak; xaq i qach'akul ch'ajtal chik ru' i ch'am laj ya.

Rumali, misach ukowil ik'ux, man ile kuk'am li jun nim laj sipon re i Dios chiwe.

Yoj chi qeta'am chik i saq laj tzij, we xa chu'ankil kojok tan chik che makunik, nti chik jun chik qak'exel uri tojb'al re i qamak. We keje ile kqa'ano, mqoy-ej uri chi Dios kril tob'al qawach; xa kqoy-ej i nim laj tojb'al mak kpe ni pqawi. Xa kqoy-ej i a' chi kusachsaj ni kiwach ni'pa i je ajch'oj ru' i Dios.