ข้อพระคัมภีร์ยอดนิยมจาก Efesios 6

แบ่งปัน

Man i ajch'oj chqij, ne te winaq, xa je are i utz ti laj taq tew chi je aj chwa kaj; chke ike le je pacha atol tzij, xaq o i nimaq kipatan chke, xaq je o i mas o kicho'ab'. Ike le wo'or lik ketijin chu'anik waral chwach i jyub' ta'aj pacha i kkaj ike, tz'aqat k'a oj o che i ij re i equmal.

Ronojel inb'im le, chi'ana, xwiri mimayij lapanik ru' i Dios. Lik arewi chitz'onoj tob'al iwe che Ire; man i Lo'laj Utewal lik kixuto na. Mb'a'krij ik'ux, xaq mimayij utz'onoxik che pkiwi konojel i je re Ire.

Chi'ana yix pacha ku'an jun chke achiyab' chi je yij che i ch'oj. Ire, we o chwach i ch'oj, k'i i tob'al rib' kukojo. Xaq keje yix, chik'ama ronojel wach uyijb'am i Dios chiwe re tob'al iwib' man kixtzaq ti rumal i Itzel are kraj kixut'oro.

Rumali, chik'ama ronojel wach uyijb'am i Dios chiwe re tob'al iwib', man are kuriq i ij chi kek'un i ajch'oj iwu', kixtiki uri chuto'ik iwib' chkiwach. Are kixtiki che i ch'oj le, ke'el uri lik jikil ik'ux.

Misach uri ukub'ib'al ik'ux che i Ajwal, man ukub'ib'al ik'ux lik keje pacha jun tob'al ib' chi kixuto chwach i ch'ab' chi o a' chutzam re i Itzel. I tob'al iwib' keje na pacha kki'an i achiyab' chi je yij che i ch'oj, kkikoj kixamparel ch'ich' che kijolom, tob'al kib'. Xaq utzij i Dios keje pacha jun ch'ich' o pi'ab' re tob'al iwib', yatal chiwe rumal i Lo'laj Utewal i Dios.

Lik chikowij xaq chijikb'a ik'ux; pacha kki'an i achiyab' chi je yij che i ch'oj. Chix-ol che i atb'al tzij xaq i saq laj tzij re i Dios, chixuto na pacha jun ximb'al pamaj nim uwach tob'al re ich'akul. Lik chiyijb'a iwib' chupaxsaxik uwach utzijol i utz laj tzij re chomb'al ib'.

Wo'or wachalal chwach i Cristo, pa k'isb'al re kinb'ij chiwe: Chitzukuj icho'ab' ru' i Ajwal. Ire, nim ucho'ab'; chiya che kukowirsaj icho'ab' yix.

I nab'e utzij upixab' i Dios kub'ij: “Chakojo ki'ij aqajaw achuch man kupetsaj ni utz re i Dios piwi pacha usujum kanoq, man keje ile katkikot na, xaq naj na katk'asi waral chwach i jyub' ta'aj.”

Yix chi ix alk'uwalxelab', o chiqul kixkojon chke ichuch iqajaw we ix re chik i Cristo; ile lik kmajaw chiwe, man are usuk'.