ข้อพระคัมภีร์ยอดนิยมจาก 1 Pedro 3

แบ่งปัน

Xwiri, lik chikojo u'ij i Cristo pik'ux chi are i Ajwal. Moqxa o jun kutz'onoj chiwe chi b'uchak ikub'am ik'ux che i Ajwal, lik chiyijb'a iwib' chula'ik uwach che xaq ulapik usujunik. Mi'an i utz taj, chi'ana ajaj che iwib', ix utz laj taq winaq man keje ile, ik'ux utz kuna'o we nti imak i'anom. We o jun kunuk' tzij chiwij xa rumal ix re i Cristo, che ire i k'ixb'al. Lik kuya uk'ix utukel man yix utz i ki'ano.

Man i Ajwal keuchajij i je suk'ulik lik kuta wach kkitz'onoj che, xwiri, tzel kerilo ni'pa i utz ti kki'ano.

Are kiwiq iwib' are chiwiqa ik'ux, xwi ti kiwiq iwij. Mixk'achir taq chuyijb'axik iwi chi lik kik'aw tan chik ki'an che, xaq mixk'achir che i'u' chi lik chomiq xaq mixk'achir che i arit, i uwaj chom chi paqal rajil. Are chib'isoj u'anik chom che ik'ux, man i chomal le ksach taj. Chix-ol che unimal ik'ux; xaq chixkikot piwanima. Are chom ile kril i Dios.

Qeta'am ile, man kub'ij uwuj i Dios: We jun kraj uk'aslemal chom, we kraj lik kkikotik, chu'atij utzam ra' uri; mu'an i k'ax kch'awik chu'atij uchi'; mu'an t'oronik. Mumin rib' chu'ankil i utz taj, are chu'ana i utz. Chutzukuj i utz olem ku' konojel.

Pa k'isb'al re, kinb'ij chiwe iwonojel: Chi'ana xaqjun che inojb'al chiwach; we o jun chiwe kb'isonik xaq chiya iwach ru' wach taq ub'is; k'ax china iwib' qachalal chwach i Cristo. Utz rilik iwach chi'ana chiwach; mi'an nim che iwib'. We o jun o umak chiwe, mitzalij uwach che. We xaq o jun kixuyo'ya, mitzalij uwach che, are i chi'ana, chitz'onoj che i Dios chi kuya utzil chomal puwi. We ix utz chke konojel, i Dios kuya uri i utz piwi yix; rumal ile xixusik'ij ru'.

¿Xatab'a o jun ku'an i utz taj chiwe, we yix lik kiya ik'ux chu'ankil i utz?

Mumin rib' chu'ankil i utz taj, are chu'ana i utz. Chutzukuj i utz olem ku' konojel.

We kitij i k'ax xa rumal u'ankil i utz, we keje ile kraj i Dios chiwe, utz uri. Utz ni ile chwach utijawik i k'ax we xa rumal jun utz taj ki'ano.