ข้อพระคัมภีร์ยอดนิยมจาก ഓഗന്നാ് 19

แบ่งปัน

ഏസു പുളിര്‌ക്ക മുന്തിരി സാര കുഡിത്ത പ്‌റ <<എല്ലാമെ ണഡാന്ത് മുഡിന്ത്‌ദ്>> എന്ത് സൊല്ലി തലേന കപ്പാസി ഉജുറുണ ബ്‌ട്ടാ്.

അദ്‌ക്ക് പ്‌റ എല്ല കാര്യഗാമ് ണഡാന്ത് മുഡിന്ത്‌ദ് എന്ത് ഏസുക്ക് തെരിന്ത്‌ദ്. അദ്‌ണാലെ സാമി ബുക്കിലി എ്ള്‌ദിര്‌ക്കാദ് അദേപാസെ ണഡാക്ക്യ ബേ്ണ്ടി <<എനാക്ക് തണ്ണിബേ്ക്ക്‌ദ്>> എന്ത് സൊന്നാ്.

ഏസു തന്ന് അവ്വാസി മറിയണാമ് താന് സീവാ് ബ്‌ട്ട തന്ന് സൊല്ലുപഡി ണഡാക്കവാനാമ് അദിലി കണ്ടാ്. അക്കുളെ: <<ഇദാ പൊമ്പുളെ, ണിന്ന് മഗാ്>> എന്ത് അവ്വാസിക്കെ സൊന്നാ്. പ്‌റ തന്ന് സൊല്ലുപഡി ണഡാക്കവാന്‌ക്കെ: <<ഇദാ, ണിന്ന് അവ്വെ>> എന്ത് സൊന്നാ്. അപ്പിര്‌ന്ത് അയ്യി സൊല്ലുപഡി ണഡാക്കവാ് ഏസുദ് അവ്വാസിന തന്ന് കൂരേലി ബെത്ത് ണോഡിനാ്.

ആന അവാര് ഏസു പട്ട്‌ക്ക് ബന്ത് ണോഡുഗാട്ടി അവാ് സത്തിര്‌ന്താ് എന്ത് തെരിന്താദ്‌ണാലെ ഏസുദ് കാല്‌ഗണ മുറുക്കാലെ. എന്താല്‌മ് പഡെഗാളിലി ഒരുത്താ് ഏസുദ് അള്ളെന ഇ്ട്ടിക്കെ കുത്തിനാ്. അപ്പ്‌താനെ സോരേമ് തണ്ണിമ് കഡാന്ത്‌ദ്.

<<അവാന്‌ദ് ഒരു എല്‌മ്പ് ബീസാക്ക് മുറുന്തെക്ക മാട്ട>> എന്ത് സാമി സൊല്ലുസുലാക്കാത്തിലി എ്ള്‌ദിര്‌ക്കാദ് അദേപാസെ ണഡാക്ക്യ ബേ്ണ്ടിത്തെ ഇച്ചെല്ല ണഡാന്ത്‌ദ്. <<തമ്മ കുത്തിനവാന അവാര് ണോഡുവാര്>> എന്ത് സാമി സൊല്ലുസുലാക്കാദ് ബേ്റൊരു പട്ടിലി എ്ള്‌ദിര്‌ക്ക്‌ദ്.

ഏസു താന്‌താനെ കുരുസ്‌ണ സുമാന്ത്‌കൊണ്ട് തലെ ഓഡ്‌ദ് എ്ഡെ എങ്ക പട്ട്‌ക്ക് പോനാ്. ഈ എ്ഡേന എവുറാര് ണായാത്തിലി ഗൊല്‌ഗോത്ത എന്ത്‌ത്തെ സൊല്ലുറാദ്.

പഡെയാളിഗ മുള്ളു കൊഡിലി ഒരു ഗിര്യാഡ പെ്ണേന്ത് ഏസുദ് തലേക്കെ സൂഡ്‌സിനാര്. പ്‌റ സോരെ ണ്‌റാമ് ണീല ണ്‌റാമ് കലാന്തിര്‌ക്ക ജൊഗേന ഏസുക്കെ ഇക്കിസിനാര്.