ข้อพระคัมภีร์ยอดนิยมจาก മര്‌ക്കോസു 8

แบ่งปัน

ആരാറ്റ തന്ന് ഉജുരുന കാപാറ്റ്യ ആസെപട്ടദാന അയാള് അദ്‌ന കെ്ഡേസമാട്ടാന്. ആന എനാക്ക് ബേ്ണ്ടിമ് നല്ല സേദിക്ക് ബേ്ണ്ടിമ് തന്ന് ഉജുരുന കൊഡുത്തദാന അയാള് അദ്‌ന കാപാറ്റുവാന്.

ഒരുത്താന് ഉലഗാത്ത്‌ല് ഇര്‌ക്കുവാദ്‌ന ഒട്ടുക്കു കെ്ഡേസിമ് തന്ന് ഉജുരുന നജ്‌ട്ടപഡ്‌സ്‌ന അയാള്‌ക്ക് എന്ത് പ്‌ണ്ണ്യ ഇര്‌ക്ക്‌ന്റ്?

പ്‌റസാരി ഏസ്സ് ആള്‌ഗാള്‌നാമ് സൊല്ലുപഡി നഡാക്ക്‌ന്റവാര്‌നാമ് അര്‌ഗെ ബ്‌ളിത്ത് ഇത്തെ സൊന്നാന്: <<ആരാറ്റ എന്ന് പിന്ന്‌മേലെ ബര്യ ആസെപട്ടദാന അയാള് തനാക്ക് ഇര്‌ക്കുവാദ്‌നെല്ല ബ്‌ട്ട്‌തള്ളി തനാക്ക് ബരുവ കജട്ടഗാള്‌ന താങ്കി തന്ന് ഉജുരുന ഗുഡി കൊഡുക്ക്യ ഒരിങ്കി കൊണ്ടു എന്ന് പിന്ന്‌മേലെ നഡാക്കുഡൊ.

മറിസി തന്ന് പോന ഉജുരുന കെ്ഡേസ്യ ബദ്‌ലായി മന്‌സാന് എന്ത്‌ന കൊഡുക്കുവാന്? ഇന്നാല്‌ല ആള്‌ഗാള് കണ്ടപഡിക്ക് പാവ ഗേന്ത് കൊണ്ടു നഡാക്ക്‌ന്റാര്. ഈ കാലാത്ത്‌ല് ആരാറ്റ എനാന പറ്റ്യൊ എന്ന് സൊല്ലുസുലാക്കന പറ്റ്യൊ നാണപട്ടദാന മന്‌സാനായി പ്‌റാന്തവാന് തന്ന് അപ്പാന് തന്ത മദ്‌പ്പ്‌ല് സാമിദൂദാരൊപ്പ ബര്‌ഗാട്ടി അവാര്‌ന നെനേത്ത് നാണപഡുവാന്.>>

ആന <<നാന് ആര് എന്റ് നിമ്മ നെനേക്ക്‌ന്റ്‌റ്?>> എന്റ് അയാള് കേ്ട്ടാന്. അദുക്കുള പത്ത്‌റോസു: <<നീ ക്‌റ്‌സ്‌ത്ത്>> എന്റ് സൊന്നാന്.