ข้อพระคัมภีร์ยอดนิยมจาก ruma 5

แบ่งปัน

walaynni rbbi imla‑yaġ mnšk a‑s‑ginnġ‑iḥnna, ašku immut fllannġ lmasiḥ lliġ sul a‑ntsala ddnub.

ula rrja ur‑rad‑aġ‑iẓẓigʷraẓ, ašku rbbi iɛmmr ulawn‑nnġ s‑lḥnant‑ns s‑tḥkimt n‑rruḥ lqudus lli‑aġ‑ifka.

walaynni urd ġir mayan a‑s‑a‑ntfraḥ. ar‑ntfraḥ ula s‑trfufnt nna‑darnnġ‑illan, ašku nssn izd s‑trfufnt a‑s‑ra‑ginnġ‑itzayad ṣṣbr. ula s‑ṣṣbr a‑s‑ra‑ntnru tassast nna‑illan. ula s‑tnri a‑s‑ra‑darnnġ‑yili rrja.

imma ġilad tlla‑yaġ sslamt ġ‑gratnnġ d‑rbbi f‑uwdm n‑siditnnġ yasuɛ lmasiḥ, ašku iga‑yaġ d‑wid‑f‑irḍa f‑ssibt n‑ma‑srs‑numn. f‑uwdm l‑lmasiḥ a‑f‑aġ‑tlla lbaraka‑yad lliġ srs numn. ar‑bahra‑ntfraḥ s‑rrja‑yad‑aġ‑ifka, ašku nssn is‑rad‑aġ‑išškšm s‑lmjd n‑rbbi.

ġakud lli‑iqṣad rbbi, lliġ sul nḍɛf, immut lmasiḥ ad‑aġ‑ijjnjm nkkʷni lli‑n‑irurn tiġurdin‑nnġ s‑rbbi.

imma ġilad ġ‑iskr sslamt ġ‑gratnnġ d‑rbbi s‑lmut‑ns, nssn bahra is‑rad‑aġ‑ijjnjm lmasiḥ zġ‑lġaḍab n‑rbbi.

ġakud lliġ iffuġ adam zġ‑wawal n‑rbbi, a‑irur mddn ggutnin ffuġn zġ‑wawal‑ns. ġakud lliġ iskr yasuɛ s‑wawal n‑rbbi, a‑irur mddn ggutnin irḍu fllasn rbbi.

walaynni urd ġir mayan a‑darnnġ‑illan. nkkʷni s‑lfrḥ iggutn a‑s‑a‑ntfraḥ s‑rbbi, ašku ifka‑yaġ sslamt ġilad ġ‑gratnnġ dids f‑ssibt n‑siditnnġ yasuɛ lmasiḥ.