ข้อพระคัมภีร์ยอดนิยมจาก uMataayi 7

แบ่งปัน

“Mumulaavhaje uMulungu, pe woope kwe avhapanje, havhili mulondolaje, pe niimwe kwe muvwagaje, havhili muhonyonsyaje, pe niimwe kwe mwigulilwaje.

Nkuvhavhuuzya vhwevhulo, mwe pe umuntu wonti we akulaavha, akuposheela, woope we akulondola, akuvwaga, woope we akuhonyonsya, akwigulilwa.

“Pe ishi, umuntu we akugatejeelezya amazwi gaane nu kugalema, aliivha ngati muntu uwa vhushindamu uvhwa njeele we ázenzile inyumba yaakwe pi iyalaawe.

“Ishi muvhavhombelaje avhanji inza vwe niimwe mukwanza kuuti vhavhavhombelaje, mwe pe izyo zye ndajizyo izya Moose ni nsambiilizyo izya vhakuvhwi.”

Ileelo umulyango uwa kwinjiilila ku vhulanzi, mufinyanu, ni idala ilya kusogola ukwo lifinyanu, havhili avhantu vhe vhakulimanya, vhansi.”

“Mwinjile kutuushila umulyango umufinyanu, mwe pe umulyango umubabazu wukusogola kwi ilovwa, ni idala ilya kusogola ukwo libabazu nkaani. Havhili, avhantu vhe vhakwinjila kutuushila umulyango uwo, vhinji.

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa ivintu ivwinza nkaani vhaala vhe vhakumulaavha!

“Mutavhalongaje avhamwinyu, inga niimwe mutahinze mulongwe. Nkuvhavhuuzya isho, mwe pe vwe mukuvhalonga avhanji, vwe uMulungu alivhalonga niimwe. Havhili ishipimilo she mukuvhapimila avhanji, she niimwe mulipimilwa.

Ileelo umuntu we akutejeelezya amazwi gaane iga, ishisita kugalema, ali inza umuntu umupukupuuku we ázenzile inyumba yaakwe pa lusenga.

“Shooni she ukwenya ahababazula he hali mwi lyinso ilya wamwinyu, ileelo utakwenya ulupaliho lwe luli mwi lyinso lyaho? Havhili, ungamuvhuuzya vhuli uwamwinyu kuuti, ‘Wamwitu, leha inkwefwe ahababazula he hali mwi lyinso lyaho,’ lwe mu lyaho muli ulupaliho?

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi. Avhakuvhwi ivho mulivhamanya ku mbombo zyavho, mwe pe avhantu vhatakutonola imvilo mu lwangwa poosye insongwa mwi ijijimvwa.

Ikwi ilyinza likuhoma amantonongwa aminza, lyope ikwi ivhiivhi likuhoma amantonongwa amavhiivhi.

Litaliipo ikwi ilyinza lye likuhoma amantonongwa amavhiivhi, poosye ikwi ivhiivhi lye likuhoma amantonongwa aminza.

Ikwi lyonti lye litakuhoma amantonongwa aminza, likudibwa nu kusumbwa mu mwoto.