ข้อพระคัมภีร์ยอดนิยมจาก ലൂക്കോച്ചു 5

แบ่งปัน

അദു നെരേയക്കു പറേഞ്ചുകാട്ടികൊടുത്തുകവുഞ്ചപ്പൊ ചീമോനുന്റൊന്റ: “തോണി ആവകീന്റ ജാഗത്തെക്കു കൊണ്ടുപോച്ചു മീനു പുടിപ്പ ബലെ ഇടു” എന്റു പറേഞ്ചു.

അയിങ്കു ചീമോനു ഏച്ചുന്റൊന്റ പറേഞ്ചയ്: “ഇമ്മത്തേ, അന്തിക്കൊക്ക നാങ്ക കട്ടപ്പട്ടിച്ചുമു ഒരു മീനുബരെ കിട്ടുവകാണി. എന്റദെമു നീ പറേഞ്ചെനെകോണ്ടു നാനു ബലെ ഇണ്ടെയ്.” അങ്ങാണെ അയിര ബലെ ഇട്ടപ്പൊ ഒരുഗുഡ്ഡെ മീനുവ ബലേക്കു കൂടിച്ചു ബലെ കീറുവപല്ലെയാനയ്.

എന്റെങ്കി ഏച്ചു പലേ ചമേയത്തിമു അയിരളെ ബുട്ടുകാന്റു ആരുമു കാണത്ത ജാഗത്തെക്കു പോച്ചു പുറാത്തിച്ചൊണ്ടിന്തു.

നേരുകാറെരളെ ബുളിപ്പനല്ല, പാപ്പകീന്റെര തങ്കട ആഗത്തമനാത്തിനെ ബുടുവബേണ്ടി അയിരളെ ബുളിപ്പനാന്റു നാനു ബന്തെയെയ്.”

ചീമോനു എന്റു പേരുകീന്റ പത്തുറോച്ചു ഏനെ മെലേഞ്ചിച്ചു ഏച്ചുന്റ മുല്ലെലക്കെ മണ്ടികുത്തികോണ്ടു പറേഞ്ചയ്: “കറുത്താവേ, നാനു പാപ്പകീന്റ ഒരു മയിച്ചെനാന്റു. അയിനെകോണ്ടു എന്നെ ബുട്ടു പോയികടുത്തെ.”

അയിങ്കു ഏച്ചു അയിരണ്ടൊന്റ പറേഞ്ചു: “ബെടുപ്പായികീന്റെരക്കല്ല ചുഗാകാണത്തെരക്കാന്റു ബയിദിയെനെകോണ്ടു ആവെച്ചകീന്റെയെയ്.

പിന്നെ അയിര തോണി കരേക്കു അടുപ്പിച്ചിച്ചു തങ്കക്കു ഇന്തെനൊക്ക ബേണ്ടെന്റു ബെച്ചുകാന്റു ഏച്ചുന്റ ബൊവ്വെ പോനരു.

ഒരു ജിന ഏച്ചു ഒരു അങ്ങടിലി ഉളേച്ചിപ്പടെക്കു മേലുപരാക്ക കുട്ടറോഗ പുടിച്ച ഒരു മയിച്ചെയ് അദുവാത്തെക്കു ബന്തയ്. അയിനു ഏച്ചുന്റ മുല്ലെലക്കെ അഡ്ഡളബൂന്തൊണ്ടു അദുന്റൊന്റ കേട്ടയ്: “കറുത്താവേ, നീക്കു മന ഇന്തെങ്കി എന്റ ബരുത്ത ചാരിമാടിച്ചു എന്നെ ചുദ്ദമാടുവനാവൊയ്.” ഏച്ചു കയി നീട്ടിച്ചു അയിനെ തൊട്ടൊണ്ടു പറേഞ്ചു: “എനാക്കു മനകീന്റൊയ്, ചുദ്ദകീന്റെനാഗു.” ബിരേന്റു അയിന്റ കുട്ടറോഗ ചാരിയാനയ്.

താനു ചെയിദ ഈ കാരിയ ആരുമു അറിവനാഗയ് എന്റു ഏച്ചു പറേഞ്ചിച്ചുമു അദുനെപറ്റികീന്റ ചുദ്ദി ആ നാടിലൊക്ക പരാന്തയ്. അയിനെകോണ്ടു ചുമാറു നെരേയ ഏച്ചുന്റ ബാക്കു കേട്ടിപ്പബേണ്ടിമു തങ്കട ബരുത്ത ചാരിയാവബേണ്ടിമു അദുവാത്തെക്കു ബന്തരു.