ข้อพระคัมภีร์ยอดนิยมจาก Кердипэ 6

แบ่งปัน

О Сагбус о Яхвэ аяды, кай кердяс манушэс опэр пху, тай о ило Лэско пхэрдило дукх.

О Сагбус о Яхвэ дикхляс, кай о мануша опэр пху улэ бут канлыдэс, тай алаи лэнги тюшундиматэс екхараи бангёнас карин канлылыки.

Ай о Ной аракхляс мила андэ якха ки Сагбуски Яхвэски.

Аки о пхукаипэ катар Ной тай лэски пуендар. Машкарэ ко мануша одолэ вахытески екх о Ной сас чячё тай бидошако; ов пхерэлас э Дэвлэса.

Тай пхэнляс о Сагбус о Яхвэ: — Мэ кан кхосав опрал муй ки пхуяко э манушыкани порода, сави Мэ кердём. Мэ кан мударав ли э манушэн, ли э гайванен, тай кай балакадиен, тай э чириклен опрунэн, вай Мэ аядияв, кай кердём лэн.

О мануша лилэ тэ бутён опэр пху, тай лэндэ аракхлёнас чяя. О чявэ э Дэвлэски дикхлэ, кай о манушыканэ чяя шукара, тай лилэ тэ лэн пэски ромнен лэн, кажын савя мангляс. О Сагбус о Яхвэ пхэнляс: — На екхараи кан овэл о Духос Минро андэ мануш. О мануш э си тэни; мэ овэн о деса лэнги шэлу биш брэш. Андэ адала деса (тай пал адалэ десендэ) опэр пху сас нефилимя, кана о чявэ э Дэвлэски лэнас э манушыканэ чяян тай овэнас лэндар пуя. Адава сас муршаря намлыдэс авгутнэ вахытендар.

О Ной кердяс алаи аякха, сар пхэнляс лэски о Дэл.

Дэчи о Дэл пхэнляс э Ноески: — Мэ кан тхав бытима алаески, со бэшэл опэр пху, вай андар лэндэ э пху пхэрдили джюнгалимаса. Мэ кан кхосав лэн екхетханэ алаи э пхуяса.

Кер туки кавчеги катар тэрэки гофер, тай кер андэ лэстэ тхана, тай мак смоласа лэс андар тай аврял.

О Дэл дикхляс, сар паровдили э пху андар одолэстэ, кай алаи о мануша опэр пху гелэ опэр налаче дрома.

Гел андэ кавчеги алаи э гайванен по дон, муршэс тай джювля, тэ ачён он дживиндэ екхетханэ туса.