ข้อพระคัมภีร์ยอดนิยมจาก मत्‍ति 24

แบ่งปัน

खोन्‍कि अ़त्‍लो च़मा पोन्‌ओसा ब़द्‍धेसोओ अ़चुसोम्‍तुक्‍मा माखात। मेन साङ आदेङ्‌तारि साकोङ्‌छ़ङ मुयुङ, मो लेन।

खोन्‍कि निनाम्‍हाङ्‌होन्‌ओ ओ नुय़ङ्‌खान झारा हेन्‍खामादा झारा रावाचि सालुम्‍स़ङ्‌ओ निम्‍पाङ खालु, खोन्‍किना अ़लुक्‍मा ता।”

खानानिन्‌आ च़क्‍चिदात्‍नि म़लियाङ्‌ओ ङेन्‌चि खोन्‍कि अ़थाह्‍तात्‍नि लिमा मुयाङ्‌ओ ङेन्‍चिओ य़ङ्‌खान्‌चि त़एनुम्‍च़म्‌हिदा मान्‍क़दानिन। खानुम, ओ झारा य़ङ्‌चि लिमाङादोत, मेन अ़लुक्‍मा तामा ना हान्‍छाङ युङ्‌याङ।

देकिनालो रावाओ अ़देङ्‌सालाप्‍पादा रावा खोन्‍कि हेन्‍कोप्‌ओ अ़देङ्‌सालाप्‍पादा हेन्‍कोप पुक्‍लोन। खोन्‍कि खादा-खादा स़ङ्‌साक्‌वाचि म़लु खोन्‍कि झारादात्‍नि लुत्‍लिचि म़खात। मेन ओचि ना छातोक्‍मा दुखाओ अ़पुङ्‌मान्‍चिन ओन्‍ङा ओ।

निनाम्‍मा खोन्‍कि हेन्‍खामा लुक्‍खात, मेन अ़ङ्‌य़ङ देम्‍खाछाङ अ़लुक्‍निन्‍खात्‍निन।

देकिनालो ब़द्‍धे म़नाचि अ़ङ्‌ऩङ्‌दा ‘अ़ङ्‌का ख्रिस्‍त ओ!’नि य़ङ्‌सा म़ता, खोन्‍किना ब़द्‍धे म़नाचि म़थेम्‍सुचि।

खोन्‍किना म़नाचिआ खानानिन चाअ़त्‍लो दुखा प़सि निचिओ अ़चुछुक्‌दा ऩप़न, खोन्‍कि खानानिन ऩसेरिन, खोन्‍कि अ़ङ्‌का कात़ङ्‌चिओसा झारा रावाचिआ खानानिन ऩङाऩछिरिन। मोन्‍ग़रि ब़द्‍धेकापाङ अ़चुसाकोङ्‌छ़ङ्‌दाङ्‌का म़ला, खोन्‍कि अ़क्‍छा निएदा धान्‍का-धान खोन्‍कि ऩङाछित्‍काछित म़मु। ब़द्‍धे सोज्‍जेओ निनाम्‍हाङ्‌य़ङ खाकालुचि म़लोन्‌कि ब़द्‍धे म़नाचि म़थेम्‍सुखात्‍तुचि।

खोन्‍कि येसुआ मोचि म़लासुलोचि, “चाप्‍चेत्‍तानिन्‍चिन, साङ्‌आछाङ खानानिन ऩथेम्‍सिमिन्‍ने।

खानानिन्‌छाङ चुम्‍सायुङ्‌सानिन्‍चिन। देकिनालो खानानिन्‌आ त़मित्‍तिमिन्‌येन्‌ओ ग़रिदा अ़ङ्‌का म़नाओ अ़छा ताङा।

खोन्‌ओसा चाप्‍चाप्‍चाप्‌वा युङानिन, देकिनालो खाउ लेन आम्‍नुओ हाङ्‌पा म़ता, खानानिन त़सिन्‍तिमिन्‌येन।

मेन मो लेन माङ्‌लो ग़रिओ अ़तुक्‌वादा साङ्‌आछाङ अ़सिन्‍तुन्‌योन, ना निनाम्‍मादुओ निनाम्‍हाङ काफाचिआ ना निनाम्‍हाङ्‌ओ अ़चुछाआङा, मेन निनाम्‍हाङ पापाआ ओन्‍ङा अ़सिन्‌याङ।

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

म़नाओ अ़छाओ अ़तामा नोआओ लेन्‌दा लिसाओवात्‍निङा लि। देकिनालो वाधुप तामा बुया नोआ वाप्‍तेलाहुत्‌दा वाङ्‌मा लेन्‌तारि म़नाचि म़चाङा, म़दुङाङा, साया म़काम्‍साङा, खोन्‍कि निचि साया म़काम्‍सुप़ङुचि। वाधुप ताकि मोचि झारा वामान्‍लेक्‍खात्‌युक्‍तुचितारि मोचिआ दे लिमा मुवाङाओ मो य़ङ मान्‍सिन्‌अ़दा। म़नाओ अ़छाओछाङ अ़तामा मोवात्‍निङा लि।