ข้อพระคัมภีร์ยอดนิยมจาก Jesu Tondiba Tuona 2

แบ่งปัน

Pieli den guani ki yedi ba: «Lebidi mani yi pala, yi siiga yuakuli n batisi Jesu Kilisiti yeli nni, ke yin baa sugili yi tuonbiadi po. Lani, yi baa baa U Tienu paabu yaabu n tie U Tienu Fuoma Yua.

Yaaba n den ŋoadi Jesu, den kuani bi yama bonŋanla Jesu tondiba bangima nni, ki taandi li dandanli yaaba taanli nni, ki go taandi ki di, ki jaandi yogunu kuli kaa cedi.

Bikuli den gbie leni U Tienu Fuoma Yua ki cili ki maadi mabuotoe nni nani mi Fuoma n puni ba ban maadi maama.

Lanyogunu lanyogunu, ku fuugu den ñani tanpoli po ki naani leni ku faaciangu, ki gbieni ban ka yaa dieli nni. Bi den laa yaa landi n naani leni mi fantanlanma yeni ke i paadi paadi ki maani yuakuli po. Bikuli den gbie leni U Tienu Fuoma Yua ki cili ki maadi mabuotoe nni nani mi Fuoma n puni ba ban maadi maama.

Daali kuli, bi den lindi ki taagi U Tienu diegu nni leni yanyenma, ki caa biyaba deni ki taagi ki di, ki boagidi bi jiema leni biyaba leni li pamanli leni li padingili. Bi den pagi U Tienu, ki baadi li seli bi niba kuli nintuali. Daali kuli o Diedo go den faabidi nitoaba ki pugidi Kilisiti Nitaanli.

U Tienu yedi: ‹Mi juodima yogunu n baa teni n Fuoma n jiidi Ki yadi yadi bi nisaaliba kuli po, Yi bijaba leni yi bisiaba baa yaa pua saawali. Yi jawaaba baa baa li bonlekaala, Yi jakpela mo baa dangi ti dangidi.

Yaaba n den daani Jesu kuli den ye kaanyendu, ki taani bi bonpiakaala ke li tie bikuli yaala. Bi yen kuadi bi kuani leni bi loagi, ki boagidi laa ligi bi siiga nani yuakuli n luo maama.

Lane, yua n taa Diedo yeli, Ki jaandi ki mia o kuli, baa faabi.›

U yienu baa lebidi ki biigi, O ŋmaalo moko baa lebidi ki moandi nani mi soama yeni, Hali ke o Diedo daali, yaa dacianli n pia ti kpiagidi yeni, daa cua.