ข้อพระคัมภีร์ยอดนิยมจาก ŴaEfeso 4

แบ่งปัน

kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.

ndi uzimbwa wose ndi upovu, ndi chilekerezga, pakukunthiriyana mu chanju

Mazu ghawiyu ghangatuwanga kose mu mlomo winu cha, kweni ghenigho ngamampha kwachizenge kwakuyana ndi usauchi, kuti ghapaske wezi ku ŵakuvwa.

Kurunda kose, ndi chikwiya, ndi kandundu, ndi gazamu, ndi utusi, vituzgikeko kwinu, pamoza ndi uheni wose

Tundiyani, ndikweni mungalakwanga cha: pa chikaralizga chinu lingasere dazi cha: ndipo ku diabolo yo mungandere malo cha.

muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi; ndipo kuti muŵe ŵafya mu mzimu wa vinjeru vinu, ndi kuti muvware munthu mufya, yo kwakuyana ndi Chiuta ngwakulengeka mu urunji ndi ukhovu wa uneneska.

ndikupamphuka kusunga umoza wa Mzimu mugoŵa la chimangu.

Ndiyo nayo wangupaska ŵanyake kuŵa ŵakutumika; ndi ŵanyake ŵamchimi; ndi ŵanyake ŵaevangeli; ndi ŵanyake ŵaliska ndi ŵasambizgi, kwachikongoreske ŵakupaturika wo ku mlimu wa uteŵeti, kwachizenge liŵavu lo laku Kristu; mpaka tamfikiya tose ku umoza wo wa chivwanu, ndi wa chiziŵisku cha Mwana waku Chiuta; ku munthu wakukhoma, ku mwesu wa msinkhu wakufikapo wa uzali waku Kristu

kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi; kweni pakuneneskerana mu chanju tikuliye kosekose kwaku mweniyo ndi mutu, ndiyo Kristu