ข้อพระคัมภีร์ยอดนิยมจาก JOHANA 14

แบ่งปัน

Thayũ nĩguo ndamũtigĩra; thayũ wakwa nĩguo ndamũhe; ti ta ũrĩa kũheanagwo nĩ andũ a gũkũ thĩ, ti ũguo ndamũhe. Mũtigatangĩke ngoro, kana mũgĩe na guoya.

Nake Jesu akĩmwĩra atĩrĩ, Nĩ niĩ njĩra, na nĩ niĩ ũhoro-ũrĩa-wa-ma, na nĩ niĩ muoyo; gũtirĩ mũndũ ũkinyaga gwĩ Ithe witũ, atokĩire harĩ niĩ.

MŨTIGATANGĨKE ngoro; nĩmwĩhokete Ngai, na niĩ mwĩĩ’hoke.

No rĩrĩ, Mũteithia, o ũcio Roho Mũtheru, ũrĩa ũkarekio nĩ Ithe witũ na rĩĩtwa rĩakwa, we akamũruta maũndũ mothe, na amũririkanagie mohoro mothe marĩa ndanamũhe.

Ũrĩa ũikaraga na maathani makwa na akamamenyagĩrĩra-rĩ, ũcio nowe ũnyenda; nake ũrĩa ũnyenda nĩarĩendagwo nĩ Awa, o na niĩ nĩndĩĩmwendaga, na ndĩĩonithagie we.

Na niĩ nĩngahoya Ithe witũ, nake nĩakamũhe Mũteithia ũngĩ, aikarage na inyuĩ tene na tene, na nĩwe Roho ũrĩa wa ma, ũrĩa ũtangĩhota gwĩtĩkĩrũo nĩ kĩrĩndĩ gĩa gũkũ thĩ, nĩ gũkorũo gĩtimuonaga, o na gĩtimũũĩ; inyuĩ-rĩ, nĩmũramũmenya, nĩ gũkorũo nĩatũire o na inyuĩ, na nĩakamũikara o ngoro thĩinĩ.

Naguo ũndũ o wothe mũkahoya na rĩĩtwa rĩakwa, nĩngawĩka, nĩ getha Ithe witũ agoocithagio na ũndũ wa Mũriũ. Niĩ mwa’hoya ũndũ o ũrĩkũ na rĩĩtwa rĩakwa, nĩngawĩka.

Akorũo nĩmũnyenda-rĩ, mũrĩmenyagĩrĩra maathani makwa.

Nyũmba ya Awa kwĩ na itũũro nyingĩ; gũtangĩrĩ ũguo, ingĩrĩ kũmwĩra; nĩ gũkorũo ngũthiĩ kũmũthondekera handũ.

Na ndathiĩ ndamũthondekera handũ, nĩ gũcoka ngacoka, ndĩmũtware mũgaikarage o harĩ niĩ, nĩguo harĩa ndĩ, na inyuĩ mũgĩage ho.

Toma akĩmwĩra, Mwathani, ithuĩ tũtiũĩ kũrĩa ũgũthiĩ; nayo njĩra-rĩ, twakĩmĩmenya atĩa?