ข้อพระคัมภีร์ยอดนิยมจาก 1 PETERO 1

แบ่งปัน

Atĩrĩrĩ, we ũrĩa ũrĩ Ngai wa Mwathani witũ Jesu Kristo, na nowe Ithe, arogathwo, o we watũciarire rĩngĩ nĩ ũndũ wa tha ciake nyingĩ, nĩ getha tũgĩe na kĩĩrĩgĩrĩro kĩĩ muoyo, nĩ ũndũ wa ũrĩa Jesu Kristo aariũkire akiuma kũrĩ arĩa akuũ, na nĩ getha tũgwate igai rĩrĩa rĩtangĩbutha, rĩrĩa rĩtheru rĩtangĩhwererekera; narĩo nĩrĩo mũigĩirũo Igũrũ

Na ũhoro ũcio nĩguo mũkenagĩra mũno, o na gwatuĩka atĩ no nginya mũkorũo mũiguithĩtio kĩeha kahinda, mũkĩgerio na magerio ma mĩthemba mĩingĩ, nĩ getha wĩtĩkio wanyu, warĩkia kũgerio ta ũrugutĩirũo mwaki-inĩ, ũmenyeke atĩ nĩ wa bata gũkĩra thahabu ĩrĩa ĩthiraga, o na yatuĩka ĩrugutĩirũo mwaki-inĩ; naguo ũmũrehere rũgooco na riri na gĩtĩo, hĩndĩ ĩrĩa Jesu Kristo akaguũranĩrio.

Ĩndĩ kuona atĩ ũrĩa wamwĩtire nĩ mũtheru, o na inyuĩ tuĩkai atheru mĩthiĩre-inĩ yanyu yothe; nĩ ũndũ kwandĩkĩtwo atĩrĩ, No nginya mũtuĩke atheru, nĩ ũndũ niĩ ndĩ mũtheru.

Tuĩkai ciana cia gwathĩka, na mũtikehaananie na mũhianĩre wa ũrĩa mwatariĩ mbere, rĩrĩa mwatũire mũtoĩ Ngai na mwathagwo nĩ merirĩria moru.

Tondũ ũcio, wĩhotorei meciria-inĩ manyu, na mũikarage mũterigĩtwo, mũkĩĩrĩgagĩrĩra o kwĩrĩgĩrĩra Wega wa Ngai, ũrĩa mũkareherũo hĩndĩ ĩrĩa Jesu Kristo akaguũranĩrio.

Tondũ rĩrĩ, Andũ othe mahaana ta nyeki, Na ũthaka wao wothe ũtariĩ ta wa kĩro kĩa nyeki. Nyeki ĩo nĩyũmaga, na kĩro kĩayo gĩgaitĩka: No rĩrĩ, kiugo kĩa Mwathani nĩgĩtũũraga tene na tene. Nakĩo kiugo kĩu nokĩo kĩrĩa kĩa Ũhoro-ũrĩa-Mwega mwahunjĩirio.