ข้อพระคัมภีร์ยอดนิยมจาก RUMA 4

แบ่งปัน

Io tehtep porocaya tutang eam bembang ahkan bowot Pohotala. Malah koporocayaoh ngonjorian io botambah ba'as, nyiring io toturus monara-nara Pohotala. Io porocaya samasino ijo Pohotala duon nguaioh inon ijo jari tonobowot-Oh.

Kotului Pohotala nuhtui koloutuh ahkan Abraham, ‘‘Ahku ius ngonjorian ihko amai bagi aro uhtus.’’ Kolouorih Pohotala nonga bowot rih ahkan Abraham. Tutang Abraham porocaya umba Io. Io rih Pohotala ijo mombolum ulun mahtoi: Iorih ka'a Pohotala ijo honong nuhtui iu, napa inon ijo eam pu'u anai, monjadi anai.

Yesus rih jari tonyorahoh ahkan tomunu tului dusa-dusan ihto; turus Io tonombolum hoduli bain Pohotala mangat nonga-jalan ihto hokohinut hoduli umba Pohotala.

Abraham toturus ih harap tutang porocaya oluka eam anai harapan hino. Tului orih io monjadi amai aro uhtus. Numbun ijo tonyurat ang Surat Borasih. ‘‘Lihit'mu ahkan monjadi aro samasino.’’

Jadi bowot Pohotala rih, hogalangrih porocayaoh ulun ahkan Pohotala. Orih monjadi ihco jaminan ahkan paring lihit Abraham, ijo bowot rih tononga ahkan iro monjadi ihco pononga cuma-cuma tahkan Pohotala; eam tihkas mangat iro ijo bokehtep umba hukum agama Yahudi bewe, tahpi ka'a ahkan iro ijo porocaya umba Pohotala sama kolou Abraham porocaya umba Io. Tului Abraham orih rih amai ihto paring socara rohani.

‘‘Kosanangrih ahkan ulun ijo kosalai-kosalaioh tongapun tutang dusai-dusaioh ius tongapun Pohotala! Kosanangrih ahkan ulun ijo dusai-dusaioh eam tonuhtut bain Tuhan!’’

Luwang Surat Borasih anai tonyurat: ‘‘Abraham porocaya umba Pohotala, tutang tului koporocayaoh rih Io norima bain Pohotala, monjadi ulun ijo ngojorih ahtoi Pohotala.’’