ข้อพระคัมภีร์ยอดนิยมจาก MATIUS 28

แบ่งปัน

B̄ara ndedena laopu d̄i sara'a suku bangsa d̄i sara'a dunia, kandad̄ipu siad̄oho anamori-anamori Nahu. Kandeu karasopu siad̄oho kai ngara Ama, ro Ana, ro Roh Allah. Teipu siad̄oho loakud̄u b̄atu ra to'akaina d̄i samenana au rawa'u parentakai b̄a Nahu d̄i nggomid̄oho. Ro kawarapu Nahu d̄imad̄ende ra wa'a nggomid̄oho ncau sampe cumpukai dunia.”

Ruma Isa mai d̄enina d̄i siad̄oho, ro nggahina, ”Samenana kuasa aka saroga ro ara dunia wa'ura d̄onggo d̄i Nahu.

Nggahi mala'eka ede d̄i dou-dou siwe ede, ”Aina dahu! Nahu kab̄adeku nggomid̄oho mangupaku Ruma Isa rasalib ede. Sia watid̄u warana ta ake. Sia nawa'ura mori mbali b̄une rawa'u nggahi-Na ntoina. Mai tiopu hid̄i rakarukai Sia.

”Aina dahu!” nggahi Ruma Isa d̄i siad̄oho, ”Lao ngoapu cina ra angi Nahu loakud̄u siad̄oho laona aka Galilea; ta aka siad̄oho d̄i edakaina Nahu.”

Dou-dou mana'ekai imam ede mafakana lab̄o dou-dou mana'ekai Yahudi, edempara mbeina piti mamboto d̄i ru'u b̄a tentara majaga ede, ro nggahina, ”Nggomid̄oho pab̄uapu nggahi b̄a one anamori Ruma Isa mai mpangana timba Isa aimangad̄i wunga maru nggomid̄oho. Nggara ringasi b̄a gubernu lampa rawi ede, nami d̄imasiwina loakud̄u nggomid̄oho wati rakamu susa au-au.” Edempara tentara majaga ede wehana piti ede, ro karawina b̄une au rawa'u kaukai d̄i siad̄oho. B̄ara ndedena nggahi ra eli ede mbuipu warana d̄i ade woha dou Yahudi sampe ainaina ake.