ข้อพระคัมภีร์ยอดนิยมจาก Mbete Rɔmri 5

แบ่งปัน

Sew ké nah ɓa nzuk suya ɓáy ra, Ŋgermbay hu ɓay tul wah. Kandɔkaw mí nah ƴo ko law sana Ŋgerzah ké-e mbu̧h ziŋ na.

Mí law ké te tul suki-aw ra ɓaŋ su̧hru kan nun nzuku ya ɓay fe le, Ŋgerzah ku̧ law sana ye ké ɓil law wah tumbɔl Tempuki ké-e hi̧ na.

Náh vba̧ wuri haŋ ɓay riŋ ɗina-u kaŋto ya wara le, náh vba̧ wuri haŋ ɓil koseh pi ɓay fe le, nah tu-tu goso koseh ra ɓa sú̧h law. Goso sú̧h law ɓa law ké vbo kandɔk lari kú-u vbo lu vbi̧ri-u poŋ mun lari-u. Mun law ra hi̧ law te tul suki ké ƴo gina.

Kandɔk ké sa̧w wah mbew ke Ŋgerzah ɓa záh wah ɓay sal in ye ké ɗɔ-ɗɔrna ya ra, mí náh mgba wuri ɗeŋ ké nah ziŋ ké ta̧w Ŋgerzah ɓay Gaŋ wah Ŋgermbay Zezu, Tumbɔl ye mí nah ziŋ ful-ƴo ta̧w Ŋgerzah ɓay mgba suki ye ké nah ƴo wuri ɓilu-ay, mí náh vba̧ wuri haŋ ɓay riŋ ɗina Ŋgerzah ké ƴo geŋ na.

Ké nah ta̧h yɔh ra Ŋgermbay hu ɓay tul wah nzuk-saŋ Ŋgerzahri ke sewu-aw.

Kaŋ dale aŋay ké Ŋgerzah ŋga̧h sal in ziŋ na ɓa záh wah ɓay sem Ŋgermbay da-ay, ɓay laɓ ani mí ke él hi̧ na ti̧h ɓil law fa̧hna ɓay tul Ŋgermbay ya le wo ?

Mí ɓay tul nzuk mbew ké mba nzak Ŋgerzah ra, mí riŋ daɓa nzukri mgbe ɓa nzuk suyari. Kaŋ pi mí ɓay tul nzuk mbew ké lah nzak ra mí hi̧ daɓa nzukri ƴo mbew ke Ŋgerzah ɓa záh woyri.

Ta ɓa a a̧w kaŋto ya wara le nah vba̧ haŋ pi ɓay sa̧w wah ké ɓa Ŋgerzah. Sa̧w wah ɓa Ŋgerzah ɓay tul Gaŋ wah Ŋgermbay Zezu, ɓay tul ye mí Ŋgerzah mgba nzak nzaw ziŋ na.