ข้อพระคัมภีร์ยอดนิยมจาก Mbete Rɔmri 12

แบ่งปัน

Mí í ndɔl fe laɓna tukala a seway ya. Wara le í hi̧ Tempuki ɓá sɔɓ wuri í ru̧ ma pol pol ma. Le i ɓay tu fe ké law Ŋgerzah yih, i tú ke mun woiri law yihna ye na ɓa suki, ndɔ-ndɔh, ƴo gelu ɓa fe gama.

Aŋay dale yi̧n biri ɓay law in Ŋgerzah ké-e mgba ziŋ na ra mi ƴo hew wuri keni : Í hi̧ mun woiri ɓa fe puhna a nunu. Sam fe puhna-aw mah nun Ŋgerzah mí ke ya̧ ɓa pihna nzuk kani ké i laɓ hi̧ ni, ké si ke gelu gelu.

Suki ké i geŋ, ɓá na ɓa fe law rihna woiri, koseh ké i ko, ɓá na ɓa fe ké i ƴo su̧h law ɓilu, ɓayri ké i ƴo ɓah ziŋ Ŋgerzah ɓá na ɓa fe laɓna ké i ƴo tulu kȩk

Kandɔkaw mí suya ɓá mba tul wo ya. Mú mba tul suya ke suki ma.

Law in le, ɓá na ɓa fe ké hi̧ law woiri te tul hani. Hȩ́k hani ba, ɓá na ɓa fe ké i kpak hani tulu.

Law sana ta mbu̧h ke nzak seɗe ya dale, fe a pipiri-u, ɓá na ɓa fe fu̧yna woiri. Suki le, ɓá na ɓa fe mbɔhlɔ wuri.

Mahful ƴo ri ké fál ta̧w woiri le, í hi̧ ɗeŋ ɓá ƴo haŋsekle woiri ke nzukri gbam.

Gun sanari dál baa ke mun woiri ɓá ta-a dale, í poŋ ful hi̧ law fa̧hna Ŋgerzah mí ɓá dal baa-u kandɔk kú-u vbeh lewsa̧ ɓahri, dál baa ɓa fe bi, mi sɔ́r mbɔlu . Kaŋ mí Gaŋ tul feri riw ɓah.

Zayna law woiri ɓay laɓ suki ɓá na ɓa fe ké i ta ke zoh ɓilu ya, Tem ké mun woiri ɓá na ɓa fe ké ɗaŋ ké mun woiri kaɗ kaɗ, Ŋgermbay le, ɓá na ɓa nzuk ké i laɓ pihna hi̧ ni.

Tumbɔl lawsuki ké Ŋgerzah laɓ ziŋ mi, mí-i ƴo ɓah hi̧ a ge ge ké sakra woiri ɓahri se, kerɓay nzuk a suŋ suŋ le ɓá hu̧h tul ya. Wara le a ge ge ɓá ko tul ye mah ke kerɓay a ru̧-u ké gi ke kanlaw tul Ŋgerzah ké-e wal hi̧ na mbew mbew

Mbɔl suya ba, puh ke suya ya, kerɓay-laɓ suki hi̧ nzuk a suŋ suŋ gbam ɓá na ɓil law woiri hi̧ kú ko.

Í ko haniri mah hani, kó mun ɓa nzuk a luki ɓá ta-a. Í mgba̧hra ke ko̧hkori ma. Ko-ko í ko mun woiri ɓa ru̧nari.

Í dal baa ya, wara le ɗaka i nzukbaa woiri le, mú hi̧ ni fe su̧na. Kɔkmbih i ni, í hi̧ ni mbih. Láɓ kaŋaw ɓa fá̧h hȩkre hɔrɔ ke hɔrɔ-u ku̧ tul ye munu .

Í lu mgbɔkɔ ku̧ tul nzukri ké laɓ wuri koseh. Í lu mgbɔkɔ, í haɓ fe ya. Le nzukri ké ƴo ke law rihna, law woiri ɓá rih ziŋ niri. Nzukri ké ƴo vuh rew, law woiri ɓá se ziŋ niri.

fe zɔklɔ ké ziŋ sa̧w nzuk Ŋgerzahri, ɓá na ɓa fe ké i ƴo ɓilu ziŋ niri, mgbá gahruri ndɔk seɗe ɓá na ɓa fe ké i takra laɓu pi.

Kandɔk ké mun nzuk ƴo ke kehrna ɓoɗ ɓoɗ ra mí kehrnari-aw le pihna woyri kara ɓoɗ ɓoɗ pi. Kaŋ pi mí a wah ké nah ɓa daɓa ra nah ɓa mun mbew ziŋ Ŋgermbay, mí nah mbɔhlɔ hani hani.