ข้อพระคัมภีร์ยอดนิยมจาก Kejadian 42

แบ่งปัน

Habis itu, Yusuf pu sodara spulu tu dong baku bicara sendiri, “Pasti tong dapa hukum gara-gara tong pu sala sama tong pu sodara dulu. Dulu de mohon-mohon sama kitong baru tong smua bikin tra mo tau. Padahal tong liat de su stenga mati skali. Skarang baru tong rasa de pu susa.”

Di Mesir ni, Yusuf su jadi raja pu wakil. Baru Yusuf de ni juga yang atur bagian jual-jual gandum ke orang-orang smua. Jadi, waktu Yusuf pu kaka dong datang, dong tunduk hormat ke Yusuf sampe ke tana.

Pas Yusuf liat de pu kaka dorang, de langsung knal dorang. Tapi de bikin diri macam orang lain begitu, trus de bentak-bentak tanya de pu sodara dorang, “Kam ni dari mana?” Dong jawab, “Dari Kanaan, bapa. Tong datang mo bli makanan.”