ข้อพระคัมภีร์ยอดนิยมจาก Ireevi 26

แบ่งปัน

Ọnị vaa raa pe wa; ọnị vaa vị Ohomorihi ẹnịnị, dị ẹnịnị vị aza anị.

ịjọnọọ, ọnị vaa zụ̀ orihii yị wa ịnị ụmẹ anị, dị ẹtẹ ọnọọ aa mẹ̀ ịsaa yị wa, dị ọchị ene hi ịnị aarẹ ẹnị raa tụ ẹtụtụ ẹnịnị.

Ẹnịnị àa ra ẹhẹ ẹnịnị ọnị mẹ kà a yị wa, dị ẹ́ yaa saasa ọda anị nị

Ọ kà ọnị vaa sị ẹngwọọrọọ yị wa ịnị ẹtẹ ẹnịnị. Ẹnịnị vaa sụ̀ ara, dị ẹ́ yị nyị ịsị e vee chire wa angwa. Ọnị vaa dụ uye edivi-edivi hụụnị ẹtẹ ẹnịnị. Ọnịvị ẹnịnị ẹ yị ma vana kụ ịrẹkụ ve tu wa ịnị avaba ẹtẹ ẹnịnị.

Ọ kà ọnị vaa mẹ ọyịzaa yị wa, dị ẹ yaa rụrụụ hu avọọ. Ọnị vaa mẹ ana vị aanị ịnị ịrẹyị ọnị ọnịrị wa hị́ eku yị ẹngụ tụ.

Ọ kà ọnị, Ẹnẹyịmavara Ohomorihi ẹnịnị ọ kụ́ wa hụrị ẹtẹ Ijipiti ka à sị ẹ kụkụ vị ọrịhị ẹnịnị nị. Ọnị ộ dọ wa hụrị aza ana sị ụkata za wa hi ẹtẹ, dị ọnị mẹ kụ̀ra ịrẹsụ tụ ẹba dị ẹẹ zị ụsẹ nị.

Ọnị vaa rá ịnị ajẹngụ anịị pe wa; dị ọnị ẹ́ yị ma vana và hụrẹ wa ẹngụ.

Ẹnẹyịmavara ộ kà a yị Anisirẹrị nịnị ka, à sị ẹnịnị mẹ ori nịnị yị ẹngụ ẹnịnị o. À sị ẹ sị ụmọmọ ịsa ọnyọọnyị jẹẹ, à sị ẹ́ sị ịrẹta mẹ ọhẹ jẹẹ, à vị ka ẹ̀ bẹ́ ịrẹta jẹẹ ịnị ẹtẹ ẹnịnị dị ẹẹ vàa ku ẹtẹẹ yị ọ o, agụvị ka ọnị ọ vị Ẹnẹyịmavara Ohomorihi ẹnịnị nị.

Ịsa ẹnẹ ẹ́ vaa kụụ hụụnị aarẹ vaa rụrụ ẹtẹẹtẹrẹ, dị ẹ rị ọ mẹ ịrayị ọyịvụrụ. Vị́ ẹnịnị vaa kụ́ ịsa ọkụkụ ana vẹtẹẹ kwooze, di è ré aha kụ ịsa ọwọọwa hi nị.

Aza ẹnị ẹẹhị ẹnịnị vaa dụ ọnịvị ẹnịnị ẹchẹhị, dị aza ẹnị ẹchẹhị ẹnịnị dụ ọnịvị ẹnịnị akahị-akahị oze ẹẹwụ. Ọnịvị vị ana vaa hyẹdụụ yị wa eyi ịrẹkụ.

Ọ kà ịsa ịnị aarẹ ẹnịnị vaa rụrụ ẹtẹẹtẹrẹ dị ahịka vị ẹnịnị aa kụ waa gụ pooro dị o tù ụmẹ ana aa sịị há igirepi nị. Igirepi ẹnịnị vị ẹnẹ ẹ́ vaa ha pooro nee tu ụmẹ enee sii chire ịsa. Ẹnịnị vị ana vaa rị ịsa dị ịnẹ ha wa, dị ẹ rá ịnị ẹtẹ ẹnịnị dị ẹ́ yị nyị ịsị ẹ mẹ̀ wa.

Ẹnẹyịmavara kà ọnịvị ẹnịnị vị ẹnẹ ẹ́ vaa dụ, dị ẹyaa hyẹdụ hi ẹtẹ ọvịdị ẹnịnị eyi ịrẹkụ.

Ọ kà ẹnịnị ẹ̀ sị ụvọ za ịrẹyị ẹkụhị ụhwọtụ anị nịnị dị ẹ̀ sị ụbanyị yị aha ana a yaa hẹkẹ ọnị. Ọnị ọ vị Ẹnẹyịmavara nị.