ข้อพระคัมภีร์ยอดนิยมจาก Mataos 18

แบ่งปัน

Ebe, fum yiyɛh bʉr oba, nkʉ olɛl, lé edî Zyɛm sɔʼɔ é die lam ɨ, me mʉr tɨ, me óbe ó tɨʼ paʼra wɔɔ.»

«Me ebâʼle lɛɛ bɨn cyecye ó nɛɛ: ǃɨ bʉr oba é l'esama lɨn si di twii lé edî Sɔŋ wam ndɨ é jobo kʉ ɨ, sɔʼɔ nɛʼɛ, nye ósa be ya.

Yesʉs ze jebe mancyom, cyel nye é mih mɔɔ. Nye ó: «Me elɛɛ bɨn cyecye ó nɛɛ: ǃbɨn bé adwir mɨleme, bâʼle di mpʉ bwɔɔncyom nɛʼɛ, bɨn bé ákwoʼ ni é jwɨ̀ʼa mo Da.

Ebe no, mʉr nyiwɛh ófil nyʉl we si, di mpʉ mwan nwaʼ ɛ, nye óbe bwaʼbwaʼ sɔʼɔ é jwɨ̀ʼa mo Da.

Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ.

«Me elɛɛ bɨn cyecye ó nɛɛ: sa bɨn bé lé tiile kaʼ é si nwaʼ ɛ, yé diʼe sa gwar yé a bɛa tiilɔ é lal mo Zyɛm ɨ. Yaa nteme go ótii é si nwaʼ ɛ, yé óbe nteme ó yaa Zyɛm a bɛa tii é lal we e.

Yesʉs ze ko tɨʼ ó: «ǃBɨn si be, apɛʼ bɨbaa bɨ ebebe bɨn lé eniʼe obɨɔ bɨn e mɨleme min mimyɛh nɛʼɛ, Sɔŋ wam ndɨ é jobo kʉ ɨ, nye aŋa mɛʼle pɛʼ bɨbaa bɨ ebebe nye a niʼe mʉr nyiwɛh é l'esama lɨn ɨ.»

«É nko paʼ bwan ndɨ ejyɛʼ taa buʼo yɔɔ boo me e, laa ó, mʉr gomla ngwar tɨʼ é zi mɨsyem, fuo tiile yɛɛ bwaʼbwaʼ ekoʼ é twii zizii wam waa, wé guhɔ é maŋ, ebe, yé a ngbaa mbɨa é paʼ mo zizii wam waa ó, wé guhɔ é l'etoʼ e maŋ, dwè, abe ó, wé gomla mwan ngwar tɨʼ é zi mɨsyem waa.

Bɨn bé epahle sa yiʼ nyá ɛ? Yé be ó, mʉr, nye e bɨntœme nter, ntœme gwar ntɔʼ pɔhba, jyɛl ɨ diʼ nɛʼɛ, nye óliʼe bɨntœme mowʉm bu e bu é l'ecwɨʼ kʉ, ntɔʼ to saa yaa yé a jyɛl ɨ diʼ ɨ. Yé abe no?