ข้อพระคัมภีร์ยอดนิยมจาก Aroma 1

แบ่งปัน

Nenga niibonali oni kwiala Abali Inannoga ya Yesu Kilisitu, kwa mwanjaa nga makakala ga Nnu'ngu' gagaakosopolya bandu kwa kila ywau'bi'lya, tumbulya kwa Ayahudi na kwa bangali Ayahudi.

Kwa mwanjaa, Abali Inannoga ilaya mu'lu' Nnu'ngu' mwaabalangilya aki bandu nnu'ngi' yake. Likowe lyo liwesekanali ila kwa ndi'la ya imani bai. Kati mu'lu' mwaiandikilwe mu Maandiko Mapeleteu gagabaya panga, “Mwene aki aalama kwa ndi'la ya imani.”

Bu'ka palu' Nnu'ngu' paumbike dunia, uweso wake wa milele na unnu'ngu' wake, pamope no panga ubonekanali kwa minyo, yendatanganikwa pangali iya. Bandu bawesa kugatanga makowe go bu'kana na ikowe yaumbite Nnu'ngu'. Kwa nyo, ntu'pu' ndi'la yoyoti ya kwiiyi'mya.

Pamope no panga batangite kubile na Nnu'ngu', lakini bampeyali isima na kunsukulu kati mwaipalikwa. Mawaso gabe malalo na malango gabe gatwi'li lubi'ndu'.

Baigalambuya kweli yaibu'kana na Nnu'ngu' kwa ubu'su', bendaisimu no kilikitya kyumbe paali pamwene ywaumbike, ywembe nga ywapalikwa alumbilwe milele! Amina.

Kwa mwanjaa, nyongo ya Nnu'ngu' ibonekine bu'ka kunani bu'kana no kotoka yu'wa na ulau woti kwa bandu babaitaukya kweli kwa ulau wabe.

Kwa nyo, Nnu'ngu' aalei bakoleye maminyikio gabe gagaleta oni. Ata alwawa bagalambwa matumiko gagayendana na mwabaumbilwe. Nabembe analu'me nyinyonyo, bagalambwa matumiko gagabi'kilwe kwa analu'me na alwawa, kabaminyikiana analu'me kwa analu'me kabapangyana makowe ga oni. Kwa kitumbu so, baipalya bene ukumu yaibu'kana na ulau wabe. Kwa mwanjaa bandu bakani kuntanga Nnu'ngu', Nnu'ngu' nembe aalei babi'ngi'ye malango gabe go oba li'nga bapange makowe gangali pwaika kugapanga bembe.

Baipuna panga bene ikima, kumbe alogeloge. Bakotwike kunkilikitya Nnu'ngu' ywalama milele, no kilikitya inyago yailandana na, inyama, iyuni, inyama yaikwaba au bandu babawaa.