ข้อพระคัมภีร์ยอดนิยมจาก San Mateo 23

แบ่งปัน

Pe tuichavéva pende apytépe pe tembiguáicha ojejokuaiuka vaerã.

Ha upe oñembotuvicháva ojupe ojerereko vaerã mba'eve ramo, ha pe oñemomba'eguasu'ỹva katu ojerereko vaerã mba'eguasu ramo.

‘¡Angái peẽ mbo'ehára ha fariseo kuéra rova mokõi! Peme'ẽva Tupã Ñandejárape diezmo menta ha anís ha comínogui ha pemboykéva umi ley mbo'epyre rehegua tuichavéva, hekopeteguáva ha poriahuvereko ha jerovia. Pejapo tapia vaerã umíva umi mba'e, peheja'ỹ rehe ko'ã mba'e avei.

‘¡Angái peẽ mbo'ehára ha fariseo kuéra rova mokõi! Pemopotĩva umi vaso ha ña'ẽmbe ijapéguio ha hyepýpe katu henyhẽ umi mba'e pemonda va'ekue mba'epota tarovágui.

‘¡Jerusalén, Jerusalén, rejukáva ñemoñe'ẽhára kuérape ha rembo'itáva umi ndéve Tupã Ñandejára omboúvape! ¡Mbovy jevy piko ambyatyse raka'e nde ra'y kuéra, pe ryguasu ombyaty háicha imemby kuéra ipepo guýpe, ha ndereipotái!

Upeichaite avei peẽ, pene porãvaicha pende apéguio yvypóra kuéra renondépe ha pende py'apýpe katu pene renyhẽ tova mokõiha ñañágui.