1
ಮತ್ತಾಯ 19:26
ಕೊಡವ ಬೈಬಲ್
ಕೊಡವ
ಯೇಸು ಅಯಿಂಗಳ ನೋಟುವಂಜಿ: ಇದ್ ಮನುಷ್ಯಗಂಕ್ ಕಯ್ಯುಲೆ, ಆಚೇಂಗಿ ದೇವಕ್ ಎಲ್ಲಾ ಕಯ್ಯೂಂದ್ ಎಣ್ಣ್‌ಚಿ.
เปรียบเทียบ
สำรวจ ಮತ್ತಾಯ 19:26
2
ಮತ್ತಾಯ 19:6
ದೇವ ಇನ್ನನೆ ಮಾಡ್‍ನಗುಂಡ್, ಅಯಿಂಗ ದಂಡಾಳು ದಂಡಾಳಾಯಿತ್ ಇಲ್ಲತೆ ಒರೇ ತಡಿಯಾಯಿತ್ ಇಪ್ಪ. ಆನಗುಂಡ್ ದೇವ ಒಂದ್ ಮಾಡ್‍ನಯಿಂಗಳ, ಮನುಷ್ಯ ಬೋರೆ ಬೋರೆ ಮಾಡ್‌ವಕ್ ಆಗಾಂದ್ ಎಣ್ಣ್‌ಚಿ.
สำรวจ ಮತ್ತಾಯ 19:6
3
ಮತ್ತಾಯ 19:4-5
ಅದ್ಂಗ್ ಯೇಸು: ದೇವ ಈ ಲೋಕತ್‍ನ ಸೃಷ್ಟಿ ಮಾಡ್‌ವಕ ಆಣಾಳ್ ಪೊಣ್ಣಾಳಾಯಿತ್ ಸೃಷ್ಟಿ ಮಾಡ್‍ಚಿ. ಇದ್ಂಗಾಯಿತ್ ವಡಿಯ ಅಂವೊಂಡ ಅಪ್ಪವ್ವನ ಬುಟ್ಟಿತ್ ತಾಂಡ ಪೊಣ್ಣ್‌ರ ಕೂಡೆ ಒಂದಾಯಿತ್ ಇಪ್ಪ, ಅಯಿಂಗ ದಂಡಾಳು ಒರೇ ತಡಿಯಾಯಿತ್‌ಪ್ಪಾಂದ್ ಎಣ್ಣ್‌ನ ವಿಷಯತ್‍ನ ನಿಂಗ ಓದಿತ್‌ಲ್ಲೆಯಾಂದ್ ಕ್‍ೕಟತ್.
สำรวจ ಮತ್ತಾಯ 19:4-5
4
ಮತ್ತಾಯ 19:14
ಅಕ್ಕ ಯೇಸು: ಚೆರಿಯ ಮಕ್ಕ ನಾಡ ಪಕ್ಕ ಬರಡ್ ಅಯಿಂಗಳ ತಡೆ ಮಾಡ್‌ವಕ್ಕಾಗ. ಪರಲೋಕ ರಾಜ್ಯ ಚೆರಿಯ ಮಕ್ಕಡನೆಕೆ ಉಳ್ಳಯಿಂಗಡದ್‍ೕಂದ್ ಎಣ್ಣಿಯಂಡ್
สำรวจ ಮತ್ತಾಯ 19:14
5
ಮತ್ತಾಯ 19:30
ಮಿಂಞತ್‍ಲ್ ಇಪ್ಪ ದುಂಬ ಜನ ಬಯ್ಯತ್ ಆಪ, ದಾರ್ ಬಯ್ಯತ್‌ಲ್ ಇಪ್ಪ ಅಯಿಂಗ ಮಿಂಞಕ್ ಬಪ್ಪ ಎಣ್ಣಿಯಂಡ್ ಯೇಸು ಎಣ್ಣ್‌ಚಿ.
สำรวจ ಮತ್ತಾಯ 19:30
6
ಮತ್ತಾಯ 19:29
ಇದ್‍ಲ್ಲತೆ, ನಾಕಾಯಿತ್ ನಿಂಗಡ ಅಪ್ಪವ್ವನ, ನಿಂಗಡ ಅಣ್ಣತಮ್ಮಣಂಗಳ ಅಕ್ಕತಂಗೆಯಳ, ನಿಂಗಡ ಮನೆನ, ನಿಂಗಡ ತೋಟ ಬೇಲ್‍ನ ಬುಟ್ಟಿತ್ ಬಂದಯಿಂಗಕ್ ನೂರ್ ಪಾಲ್ ಜಾಸ್ತಿ ಕ್‍ಟ್ಟ್‌ವ ಪಿಂಞ ನಿತ್ಯ ಜೀವತ್‍ಲ್ ಪೋಪಕ್ ಹಕ್ಕ್‌ದಾರಂಗಳಾಯಿತ್ ಇಪ್ಪಿರ.
สำรวจ ಮತ್ತಾಯ 19:29
7
ಮತ್ತಾಯ 19:21
ಅದ್ಂಗ್ ಯೇಸು: ನೀನ್ ಒರ್ ಕುತ್ತವು ಇಲ್ಲತೆ ಬದ್‍ಕಂಡೂಂದ್ ನೀಕ್ ಆಸೆ ಉಂಡೇಂಗಿ, ಮನೆಕ್ ಪೋಯಿತ್, ನೀಡ ಪಕ್ಕ ಉಳ್ಳ ಆಸ್ತಿನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.
สำรวจ ಮತ್ತಾಯ 19:21
8
ಮತ್ತಾಯ 19:17
ಅದ್ಂಗ್ ಯೇಸು: ನಲ್ಲದ್ ಎಂತದ್‍ೕಂದ್ ನನ್ನ ಎನ್ನಂಗ್ ಕ್‍ೕಪಿಯ? ದೇವ ಒಬ್ಬನೇ ನಲ್ಲಂವೊ. ಆಚೇಂಗಿ, ನೀಕ್ ನಿತ್ಯ ಜೀವ ಕ್‍ಟ್ಟ್‌ವಕ್ ನೀನ್ ಒಂದ್ ಮಾಡಂಡು. ನ್ಯಾಯಪ್ರಮಾಣ ಎಣ್ಣ್‌ನನೆಕೆ ಮಾಡಂಡೂಂದ್ ಎಣ್ಣ್‌ಚಿ.
สำรวจ ಮತ್ತಾಯ 19:17
9
ಮತ್ತಾಯ 19:24
ಪಣಕಾರಂಗ ಪರಲೋಕ ರಾಜ್ಯಕ್ ಪೋಪಕಿಂಜ ಚೂದ್‌ರ ಕಣ್ಣ್‌ಲ್ ಒರ್ ಒಂಟೆ ನುಗ್ಗ್‌ವದ್ ಸುಲಬಾಂದ್ ಎಣ್ಣ್‌ಚಿ.
สำรวจ ಮತ್ತಾಯ 19:24
10
ಮತ್ತಾಯ 19:9
ಒರ್ ಪೊಣ್ಣ್ ತಾಂಡ ವಡಿಯನ ಬುಟ್ಟಿತ್ ವ್ಯಬಿಚಾರ ಮಾಡ್‍ಚೇಂಗಿ, ಅವಡ ವಡಿಯ ಅವಳ ಬೋಂಡಾಂದ್ ಬುಡ್‌ವಕ್ ಕಯ್ಯು, ಅನ್ನನೆ ವ್ಯಬಿಚಾರ ಮಾಡ್‍ನ ಕಾರಣಕ್ ಅಲ್ಲತೆ ಬೋರೆ ಏದ್ ಕಾರಣಕಾಯಿತು ಒಬ್ಬ ತಾಂಡ ಪೊಣ್ಣ್‌ನ ಬುಟ್ಟ್‌ರ್‍ತೇಂಗಿ, ಅವ ವ್ಯಬಿಚಾರ ಮಾಡ್‌ವಕ್ ಇಂವೊ ಕಾರಣ ಆಪ. ಅನ್ನನೆ ಬೋಂಡಾಂದ್ ಮಾಡ್‍ನವಳ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ವಂವೊನಾಯಿತ್‌ಪ್ಪ.
สำรวจ ಮತ್ತಾಯ 19:9
11
ಮತ್ತಾಯ 19:23
ಅಕ್ಕ ಯೇಸು: ಪರಲೋಕ ರಾಜ್ಯತ್‍ಲ್ ಪೋಪಕ್ ಪಣಕಾರಂಗಕ್ ದುಂಬ ಕಷ್ಟ ಆಪಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಅಂವೊಂಡ ಶಿಷ್ಯಂಗಕ್ ಎಣ್ಣ್‌ಚಿ.
สำรวจ ಮತ್ತಾಯ 19:23
หน้าหลัก
พระคัมภีร์
แผนการอ่าน
วิดีโอ