ข้อพระคัมภีร์ยอดนิยมจาก Rome 8

แบ่งปัน

Ahin Pathen ngailuho chengse, ama lunggot lam doltah-a kikouho ding vang chun, thiljouse hin aphat nadingu atongkhom sohkeije, ti chu iheuve.

Ajeh chu I-Pakaiyu Christa Jesu'a um Pathen ngailutna kon chun thina ahin, hinna ahin, vantil ahin, vaipo pipu ahin, thuneina ahin, tulai thudol le khonung ding thu ahin, Chungsang ahin, noilam thuhtah hijongle, thilsem adang imachan eikhen thei lou dingu ahi, tia dettah-a katahsan ahitai.

Chutichun Lhagao jongin ihatmonauvah eikaihoijun eihu jingjiuve; ajeh chu eihon adol lamtah-a ipi-a dinga itao diuham ihepouve; ahivangin Lhagaovin eiho dingin seidoh thei louvin peng pengin eitaopeh jiuve.

Chuti ahile hicheng thua hi ipi isei dingu ham? Pathen eiho lama apanle, koiham eidou thei dinguva?

Hitichun tuvangin, Christa Jesu'a umho, tahsa thua chonlouva lhagao thua chonho dinga themmo channa himhim umlou ahitai.

Tahsa lam lunggel chu thina ahin, Lhagao lam lunggel chu hinna le lungmonna ahi.

Ahinla eingailupau vangin hicheng thua hin eiho galjou sanga galjou ihiuve.

Tulaija ithohnao hi khonunga ichan dingu loupina hung kilang ding chutoh kikot hoi themin kangaito poi.

Christa ngailutna-a kona koiham eikhen dinguva? Hesoh gentheile, lungdonna, bolsetna, gilkel, pon beija um, settona, chemjam, hicheng chun eikhen thei dingham?

Chule Pathen lunglam doltah-a mithengte dinga ataopeh jeh chun, lungthimgil kholtoh-a Pathen chun Lhagao lunglam chu ahejin ahi.

Ajeh chu Pathen Lhagao kaihoija umho chengse chu, Pathen chate ahiuve.

Ajeh iham itile tahsaphe lam dana chonteho chun tahsaphe lam thudol agelun; Lhagao lam dana chonho chun Lhagao lam thudol bou agelun ahi.

Achapa khen louhela eiho jouse dinga pedoh jengpa chun, eiho lungset mana ama chutoh thakhatna ijakai eipeh khom lou dingu ham?

Lhagao chun amatah-in eiho lhagaotoh kitho-a Pathen chate ihiu eihetsah-u ahi. Chule chate ihiule gou lo ding ihiuvin, Pathen gou lo ding, chule Christa toh lo khom ding ihiuve; amatoh ithoh khomule, amatoh choi-atna iumkhom dingu ahi.

Ajeh chu tahsa lam lunggel chu Pathen toh kidou ahi; ajehchu Pathen danthu noija um ahipon, umjong umthei louding ahi.

Thilsem chengse kinem ngui nguitah-a Pathen chate hung kilah ding chu angalel lheh jengu ahi.

Ahin tugei hin thilsem jouse naosonat thoh banga gim thoh-a peng penga umkhom ahi ti iheuve.