ข้อพระคัมภีร์ยอดนิยมจาก Римдегилерге 6

แบ่งปัน

Кинчектиҥ јалы – ӧлӱм ине, Кудайдаҥ сыйы – Христос Иисус Кайраканыс ажыра ӱргӱлји јӱрӱм.

Кинчек слерди бийлебес, нениҥ учун дезе слерди Јасак эмес, јакшылык башкарат.

Креске тӱжӱп, Оныҥ ӧлӱминде кожо туружаачылар боло берип, Оныла кожо бойыбысты кӧмдис. Ол Аданыҥ мактулу кӱчиле тирилгени чилеп, бис те јаҥы јӱрӱмле јӱрели деп, анайда эткенис ол.

Эди-каныгардыҥ ӱйелерин јаманныҥ јепсели эдип, кинчекке бербегер. Оныҥ ордына јӱрӱмге тирилген бойыгарды Кудайга беригер. Эди-каныгардыҥ ӱйелерин слерди актайтан јепсел эдип Ого беригер.

Бисти кинчектиҥ кулы болбозын деп, кинчегис бисти бийлебезин деп, бистиҥ јебрен кижибис Оныла кожо кере тартылганын бис билерис.

Анайып слер де, бойыгарды кинчекке ӧлӱп калганыгар, је Христос Иисус Кайраканыс ажыра Кудайга тирӱ деп бодогор.

Айдарда, не деп айдарыс? Јакшылык арбындазын деп, кинчек эдип јӱрерис пе? Јок туру! Бис кинчекке ӧлӱп калганыс. Айдарда, канайып кинчек эдип јӱрерис?

Кемге бойыгарды бактыртып, кулга берип турган болзогор, ого кул боло берип турганыгарды билбей туругар эмеш пе? Ол эмезе ӧлӱмге барарга багадыгар, ол эмезе акталайын деп багадыгар.

Башкыда кинчектиҥ кулдары болгоныгар, је Кудайга баш, бойыгарды учурлаган ӱредӱге бастыра јӱрегеердеҥ бактыгар. Кинчектеҥ јайымдалып, чын эдип јӱрерге, Кудайдыҥ кулдары боло бердигер.