ข้อพระคัมภีร์ยอดนิยมจาก Римдегилерге 1

แบ่งปัน

Мен Христостыҥ Сӱӱнчилӱ Јарынаҥ уйалбай јадым, нениҥ учун дезе ол – Кудайдыҥ кӱчи, ол бӱдӱп турган ончо улусты аргадайт: озо баштап иудейлерди, анайда ок еллиндерди.

Бу Јар улусты Кудайга бӱткени ажыра оноҥ кӧп бӱдерине экелип, Кудай канайда актап турганын кӧргӱзет, бичилгениле: «Акту кижи бӱдӱп, тирӱ јӱрер».

Кӧскӧ кӧрӱнбес немелер – Оныҥ ӱзӱлбес-тӱгенбес кӱчи ле кудайлыгы телекейдиҥ јайалганынаҥ ала иле кӧрӱнет. Олор Оныҥ јайаганы ажыра аайлалат. Оныҥ учун бу улус бойлорын актап, нени де айдып болбос.

Олор Кудайды билип алып, Оны Кудайды чылап мактабадылар, Ого алкыш-быйанын айтпадылар. Карын, бойлорын куру санаа-шӱӱлтелерге берип койдылар. Мынаҥ улам неме аайлабас јӱректери караҥуйга алдырган.

Кудайдыҥ чындыгын меке-тӧгӱнге солыгандар, јайалган немелерди байлап, олорго бажыргандар. Јайаачыбыс дезе ӱргӱлји чакка алкышту, аминь.

Кудайды тообой, јаман эдип, јаманыла чындыкты јаба базып турган улуска теҥеридеҥ Кудайдыҥ чугулы келип јат.

Бу учун Кудай олорды уйатту кычаларына берип койгон: олордыҥ ӱй улузы эр улусла ары јанынаҥ берилген колбуны јектеп, ого удура кылынып јадылар. Анайда ок эр де улус ӱй улусла ары јанынаҥ берилген колбуны јектеп, бой-бойлорын сӱрекей кӱӱнзейдилер: эр улус эр улусла уйатту немелер эдип, бойлорыныҥ азып тургандары учун бойлорында бойлоры кезедӱ алып јадылар. Кудайды билип аларын керектебеген учун Кудай олорды саҥ-тескери санаага берип койгон. Оныҥ учун олор этпести эдедилер.

Бойлорын ойгор деп адап, тенек болуп калдылар. Ӧлбӧс Кудайга бажырардыҥ ордына ӧлӱмдӱ кижидий, куштардый, тӧрт санду тындулардый ла јылып, јорголоп јӱрер тындулардый сӱр-кеберлерге бажырадылар.