ข้อพระคัมภีร์ยอดนิยมจาก Yakobo 1

แบ่งปัน

Vanyalukolo vangu, mulukagulage ukuta mbepali pemwigelwa ulo lukuvanogela muhekelelage, pakuva mukulukagula ukuta ulufuuwo lwenyu pelwidwesa ukugelwa ukwindawe uko, pepene pemupelwa ulwikangaliso ulwihumila mumo.

Neke wone uyumwi venyu akepite uluhala, sweno, lumuvaje amusukage Nguluvi ye amupela; pakuva Nguluvi akuvapelaga mbevali ifyolofu na mu wudeke.

Vanyalukolo vangu avende, mwiwukage ulukani ulu yeyeavesaga munu avelage mupefu ukupulika neke alawa mupefu ukulonga, nambi ukuva na ililakali lya pipi.

Mwihuvilage hilo ukuta ulwikangaliso lwenyu luvakangasa mbaka ku mudugo, sambi muve mukwilaniche mumbali mbesili wesimwineema chechekivesaga.

Muvelage mwivapisi va ulukani, mulemwage ukuva vapulisi hela, kono we mukwisanga.

Alikiba umunu yula umufunyilile yeisigala muhuvilwa mu ukugelwa, pakuva peakangalye ukugelwa saapelwa ikipelwa cha uwumi we Nguluvi alavahuvise vala avamwenda umwene.

Chechekivesaga ikipelwa ikinofu na chechekivesaga kipelwa ikikwilaniche kihumaga kuchanya; kihumaga kwa Dada, umugafi va uwenzelufu, umwene sipitukagi, kangi mugaya nambi imimile jejegivesaga ja ukupitukapituka.

Yeyeavesaga munu yeipulikisa hilo ulukani kono wesipiga, uyo indawe umunu yeakwilava ulwihwano lwakwe yumwene mukilole. Akwilava yumwene, swe akwibitilaga, na sakwiyiwuka lweiwali.

Ulufuuwo ulofuge na ulugaya wananzi pa Nguluvi Dada lwe ulu: Ukuvatanga avana avakiva na avang'inetu avafwile mulugudo lwawo, na ukwikomalila wunofu ukuta mulatifuswa na isa mung'i umu.

Neke umunu peigelwa alatigila, “Ndigelwa na Nguluvi.” Pakuva Nguluvi sahwaniti agelwe na uwanangifu na yumwene sakumugelagi munu yeyeavesaga. Pesi umunu aigelwa na ukukwegelesewa na uwudobokesi wakwe yumwene.

Umunyalukolo umumikaa lumuvaje ahekelelage ulusika lwe Nguluvi akumukung'umika pachanya