ข้อพระคัมภีร์ยอดนิยมจาก 1 Yohane 4

แบ่งปัน

Pewipwali uwende pagaya muhwehwe, ena, uwende uwukwilaniche wawidaga umuhwehwe mbeguli. Pakuva umuhwehwe gwiletaga ukuhigwa, na umunyamuhwehwe salakwilanikila mu wende.

Neke nyenye, nye vanangu, mwivanu vakwe Nguluvi na yemuvalemite uludali iwo avavisi va uwudesi; pakuva Umuhe yealimugati mwanyenye ina uludali ululutye kwa umuhe yealimugati ava mung'i.

Hwehwe twina wende pakuva Nguluvi atasile ukutwenda.

Vanyawende vangu, twiyendage, pakuva uwende wihumaga kwa Nguluvi. Yeyeavesaga munu yeina uwende uyo ye mwana va Nguluvi, na amukagwe Nguluvi.

Umunu umugaya uwende siamukagwi Nguluvi, pakuva Nguluvi ye wende.

Mwa ulu we uwende! Siukuta hwehwe yetwatasile ukumwenda Nguluvi, pesi ulwa umwene yeatwendite hwehwe nambi amutumite Umwanakwe ave nambika ya ukutuhesekesa inzanangifu setu.

Vanyawende vangu, wone Nguluvi atwendite ndahihyo, ino, nahwe lutuvaje twiyendage.

Na Nguluvi alajee uwende wakwe kwa hwehwe kwa ukumutuma Umwanakwe yealiyena konivala, sambi tuve na uwumi ukwimila umwene.

Yeyeavesaga itigila ulwa Umunu wone atigile ulwa amwenda Nguluvi, kono we akumuvipila umunyalukolo vakwe, uyo mudesi. Pakuva yesiakumwenda umunyalukolo vakwe yeakumuwona, uyo sahwaniti ukumwenda Nguluvi yesialamuwona.

Yeyeavesaga munu yeakwidikila ulwa Yesu ye Mwana va Nguluvi, Nguluvi akwikala muwulilumwi nu munu yuyo, nave akwikala muwulilumwi na Nguluvi.

Sweno, ulu lwe lulagilo lweatupelye Kilisito: Yeakumwenda Nguluvi lumuvaje kangi na ukumwenda umunyalukolo vakwe.

Vanyawende vangu, mulagifuuwa imyuhe jejegivesaga tandi mutalage ukugigela we musikite, wone imyuhe ijo gisogoswa nu Muhe va Nguluvi, pakuva avavisi wolofu va uwudesi vatagalye mung'i. Na iyi ye ng'asi ya ukulukagula wone munu uyo isogoswa nu Muhe va Nguluvi. Yeyeavesaga akwidikila ulwa Kilisito aasile, swe iva munu, umunu uyo inave Umuhe va Nguluvi.

Neke umunu yeyeavesaga yesakumwidikila Kilisito ndahihyo, uyo mugaya uyo Umuhe yeihumaga kwa Nguluvi. Umunu uyo ina muhe yula umutavangu va Kilisito; nanye yemukemukapulike ulwa akusa, na linode yeafikite mung'i!