ข้อพระคัมภีร์ยอดนิยมจาก MATIYU 28

แบ่งปัน

Dizugu ya kyɛma n‑yi m‑paai duniya wa lugri kam zaa n‑wulisiri tinsi zaa niriba. Ya deaama ba n‑su Naawunni koom ya Ba Naawunni yuuri zugu, ni u Biiya, ni u Siiya Vuusim Kasi yuuri zugu gba. Ya wulisima ba, ni, ba dɔla man zaali ya noori seem maa zaa. Ka ya baŋŋma, ni, n nin bɛ ya saani, halli ni duniya wa saha maa naari.”

Yisa daa paai ba na ka yɛli ba, ni, “Ba ti ma la yiiko zaa duniya wa ni, ni arizana ni gba.

Ka malaaka maa daa tɔ'asi n‑yɛli pɔ'aba maa, ni, “Ya di kyɛ ka dabeem mari ya. M mi halli, ni, ya boori la Yisa ziiya, Nazarɛti dɔsɔ ban daa kpaasi la. U laa n‑ka kpa. U yigsiya hoo ŋɔn daa pun yɛli seem. Ya kyɛm na n‑nya, ŋɔn daa dɔ seela nŋɔa!

Ka Yisa daa yɛli ba, ni, “Ya di zɔri dabeem. Ya kyɛma nti yɛli m mabiisi la, ni, ba kyɛm Galilii tingbaŋŋu ni - bɛni ka ba nin nya ma.”

Ka Toondaandima la daa la'asi kpamma zaa na nti zinni n‑ŋmɛ taaba saawara ka gbaai gbaari. Ba daa zaŋŋi la ligri pam n‑da tɔbbiisi maa noori ka yɛli, ni, sɔ yi ti boosi ba Yisa yɛla, ban yɛlima, ni, ba daa gbisiri ni yuŋŋu ka Yisa nyaandɔliba la kyɛ na n‑zu Yisa ningbiŋŋu la u tampifeoo gballi maa ni. Ni, “Gɔmna maa yi ti wum lala, ti nin tɔ'asi n‑ti u, ka kyɛ ka taaliseaa zaa ku gbaai ya.” Ka tɔbbiisi maa daa deaai ba ligri ka daa tum ban daa bulisi ba seem la. Di zugu lahabaari kanŋɔ na bɛ Yɛhudiya dima maa saani halli ni zuna.