ข้อพระคัมภีร์ยอดนิยมจาก Romanee 3

แบ่งปัน

Son ta ooilley er n’yannoo peccah, as er jeet giare jeh gloyr Yee. Dy nastee jeant seyr liorish e ghrayse, trooid y livrey‐ys ta ayns Yeesey Creest

Dy jarroo cairys Yee, ta liorish credjue Yeesey Creest, dauesyn ooilley, as orroosyn ooilley ta credjal; son cha vel liettrimys erbee

Eh ta Jee er chiarail dy ve ny lhiassaghey, trooid credjue ayns e uill, dy hoilshaghey magh e chairys son leih peccaghyn t’er n’gholl shaghey, trooid meenid Yee: Dy hoilshaghey magh, ta mee gra, ec y traa‐shoh e chairys: dy voddagh eh ve cairagh, as eshyn y heyrey ta credjal ayns Yeesey.

Shen‐y‐fa liorish obbraghyn y leigh cha bee dooinney erbee er ny heyrey ayns e hilley: son liorish y leigh ta toiggal ain jeh peccah.

Myr te scruit, Cha vel fer erbee cairagh, cha vel unnane: Cha vel fer erbee ta toiggal, cha vel fer erbee ta shirrey lurg Jee. T’ad ooilley er n’gholl ass y raad, t’ad ooilley dyn ymmyd: cha vel fer hene ta jannoo dy mie, cha vel unnane.

Shen‐y‐fa ta shin briwnys, dy vel dooinney er ny heyrey liorish credjue fegooish obbraghyn y leigh.

Ny lhig eh Jee: dy jarroo, lhig da Jee ve firrinagh, as dy chooilley ghooinney ny vreagerey; myr te scruit, Dy voddagh oo v’er dty heyrey ayns dty raa, as ynrick tra t’ou briwnys.