ข้อพระคัมภีร์ยอดนิยมจาก Noo Luke 7

แบ่งปัน

Shen‐y‐fa ta mee gra rhyt, Ta ny peccaghyn eck ta ymmodee, er nyn leih jee: shen‐y‐fa wheesh shen smoo ta yn ghraih eck: agh dasyn ta beggan er ny leih, cha vel e ghraih agh beggan. As dooyrt eh r’ee, Ta dty pheccaghyn er nyn leih dhyt.

As dooyrt eh rish y ven, Ta dty chredjue er dty hauail; immee ayns shee.

As hass ee ec e chassyn cheu e chooylloo keayney, as ren ee toshiaght dy niee e chassyn lesh jeïr, as rub ee ad lesh folt e king, as phaag ee e chassyn, as ren ee ad y ooillaghey lesh yn ooil.

As er‐yn‐oyr shen cha yeeagh mee orrym pene dy ve feeu dy heet hood: agh loayr y fockle, as nee my er‐mooinjerey coural. Son ta mish mee hene my ghooinney ayns pooar, as ta sidooryn aym foym, as ta mee gra rish shoh, Immee, as t’eh goll: as rish fer elley, Tar, as t’eh cheet: as rish my harvaant, Jean shoh, as t’eh dy yannoo eh. Tra cheayll Yeesey shoh, ghow eh yindys, as hyndaa eh mygeayrt, as dooyrt eh rish y pobble va geiyrt er, Ta mee gra riu, Lheid y chredjue lajer shoh, cha vel mee er gheddyn ayns Israel hene.

As ayns yn oor cheddin v’eh lheihys ymmodee jeh ny aslayntyn as ny doghanyn, as ny drogh‐spyrrydyn oc, as da ymmodee va doal v’eh coyrt soilshey. Eisht dreggyr Yeesey as dooyrt eh roo, Immee‐jee reue, as insh‐jee da Ean cre ny reddyn ta shiu er vakin as er chlashtyn, kys dy vel ny doail geddyn nyn soilshey, ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as y sushtal er ny phreacheil da ny boghtyn.