ข้อพระคัมภีร์ยอดนิยมจาก Isaías 60

แบ่งปัน

Ndakoo, vi ñuu Jerusalén, te yeꞌe ron, chi ni kenta ia sieꞌe ña jin ron, te ja yeꞌe tajan Jitoꞌo ni yeꞌe nuu oo ron.

Te kikuei ñayiu taka ñuu nuu yeꞌe niꞌnu ron, te suni vi koo tee ka kuu rey nuu ni yeꞌe niꞌnu ron.

Chi kunee nuu ñuyiu, te kunee ñuñuꞌu nuu sava ka ñuu. Su nuu maa ron, chi yeꞌe Jitoꞌo, te vi kuni ñayiu ja yeꞌe tajan ya nuu ron.

Te in tatatnoꞌo luluu ni ndakaya, te nduu kuakuaꞌa ñayiu. Te in tatatnoꞌo ja vi tu jiniuꞌu saꞌun ndakaya, te nduu in ñuu ndakui ndevaꞌa. Te maa rin ja kuu rin Jitoꞌo ron kaꞌan rin, ja nuu kenta mamaa kiuu, te ñama saꞌa rin, ma kokuu kuee rin.

Te ma kojiniuꞌu ka ron nikandii ja koyeꞌe tnoꞌo nduu, te ni yoo ja koyeꞌe tnoꞌo jakuaa, chi maa rin ja kuu rin Jitoꞌo ron kokuu rin ñuꞌu ja koyeꞌe nikuii nikani, te maa rin ja kuu rin ia Dios ron koyeꞌe niꞌnu.

Te ni ma saꞌu saꞌun ka nikandii ron, te ni ma nuu ka ja yeꞌe yoo ron, chi maa rin ja kuu rin Jitoꞌo ron kokuu rin ñuꞌu ja koyeꞌe nikuii nikani, te naa ndiꞌi kiuu ja ni otnaꞌa ron tnoꞌo suchi ini.

Yun te nuu kuni ron, te vi suaꞌa ndukuaꞌa ron ja kusii ini ron, te kuu kitni anu ron ja kusii ini ndevaꞌa ron, chi kikuei ñayiu ka oo taka ñuu jika jin javii ka nevaꞌi, vi kikuei ñayiu ñuu naꞌnu jin jakuika ka nevaꞌi, te vi skutaꞌu ñai jin ron.

Kondiaꞌa nii nuu oo ron, te kuni ron ja ndiꞌi ñayiu ni ka ndututu, te vajikuei nuu ron. Te ndikuei seyii ron ndee ñuu jika, te vi kunundee ñayiu sesiꞌi ron ndikuei jin.

Saa te ndiꞌi ñayiu ñuu ron vi kokuu ñayiu ndaa, te vi saꞌa jajin ñui nikuii nikani. Te vi kokui in yutnu jaa ja ni nanandee yika yutnu ja ni ndaxtee maa rin, in ja ni saꞌa maa rin jin ndaꞌa rin, nagua ja xneꞌe rin ja kuu kaꞌnu rin.

Te ma vi kokaꞌan ka ñayiu ja oo tnoꞌo kiti ini nuu ron, ni ma vi xnaa ka ña jin ron, ni ma vi suꞌu ka ja nevaꞌa ron nuu ñundeꞌi ron, chi suaꞌa vi kaꞌan ron ja muro ron nani “ja skaku niꞌnu ña”, te yeꞌe ron nani “vi saꞌa kaꞌnuo”.

Te siun ni konune yeꞌe ron, te ma ndandesi ni tnoꞌo nduu, te ni tnoꞌo jakuaa, nagua ja kuu vi kisiaꞌa ñayiu jakuika ka oo sava ka ñuu naꞌnu nuu ron, te kikuei jin tee ka kuu rey ja ka ndikin ña kuaꞌa ñayiu ja vi kunukuechi nuu ron.

Te vi chitu kuakuaꞌa cameyu nuu ron, chi kikuei ñayiu tatatnoꞌo Madián vi ñayiu tatatnoꞌo Efa jin cameyu kuechi, te suni ndiꞌi ñayiu ñuu Sabá kikuei jin cameyu ja ka ndiso ti oro vi suja vixin, te vi kaꞌin ja kaꞌnu ndevaꞌa tniuu saꞌa Jitoꞌo.

Te ñayiu inka ñuu vi ndasaꞌa muro ron, te tee ka kuu rey ñayiu yun vi kunukuechi nuu ron. Chi nuu ni kiti ini rin nuu ron, te ni tetniuu rin tnundoꞌo siki ron, te jin javaꞌa ini rin, te kundaꞌu ini ña rin jin ron.

Te visi ni ndoo maintnoꞌo ron vi ni ka skexiko ña jin ron, te ni in ka ñayiu, tu na in ni yaꞌa nuu ron. Su saꞌa rin ja na koo jayiñuꞌu nuu ron nikuii nikani, te siun ni na koo jasii ini nuu ron.

Te koteku ron jin xikui ñayiu ñuu naꞌnu, te kokaa ron jakuika ka nevaꞌa tee ka kuu rey. Saa te kuni ron ja maa rin kuu Jitoꞌo ron, te maa rin skaku niꞌnu ña jin ron. Maa rin kuu ia ndakui Jacob ja ni ndatau ña rin jin ron.