ข้อพระคัมภีร์ยอดนิยมจาก Rôm 8

แบ่งปัน

Snăn, drei thâo Aê Diê mjing jih jang klei jing jăk kơ phung khăp kơ Aê Diê, čiăng lač phung Aê Diê iêô leh tui si klei Ñu čuăn.

Kyuadah kâo thâo sĭt nik thâodah klei djiê, klei hdĭp, phung dĭng buăl jăk, phung khua kiă kriê, mnơ̆ng ênuk anei, mnơ̆ng ênuk êdei, klei myang hlăm lăn adiê, boh dlông, boh êlam, amâodah ya mnơ̆ng mkăn hlăm jih jang mnơ̆ng hrih leh, amâo srăng dưi bi ktlah drei ôh mơ̆ng klei Aê Diê khăp bi êdah leh hlăm Krist Yêsu Khua Yang drei.

Msĕ mơh Yang Mngăt Jăk đru drei hlăm klei drei jing awăt; kyuadah drei amâo thâo ôh wah lač bi djŏ, ƀiădah Yang Mngăt Jăk pô đru wah lač brei kơ drei hŏng klei krao amâo dưi mblang ôh.

Snăn, ya drei srăng lač kơ klei anei lĕ? Tơdah Aê Diê dôk tĭng kơ drei, hlei pô dưi bi kdơ̆ng hŏng drei?

Kyuanăn ară anei hin amâo lŏ mâo klei bi kmhal ôh kơ phung dôk hlăm Krist Yêsu.

Klei khăp mĭn kơ klei tui si kđeh jing klei djiê; ƀiădah klei khăp mĭn kơ klei tui si Yang Mngăt Jăk jing klei hdĭp leh anăn klei êđăp ênang.

Hơăi, ƀiădah hlăm jih jang klei anăn hŏng Pô khăp kơ drei, drei jing phung dưi hĭn nanao.

Kâo yap klei knap mñai ênuk anei amâo năng ôh bi mđơr hŏng klei guh kơang srăng bi êdah kơ drei ênuk êdei.

Hlei srăng bi ktlah drei mơ̆ng klei Yêsu Krist khăp? Klei knap mñai, klei rŭng răng, klei arăng ngă jhat, klei ư̆ êpa, klei lưng mlŭn, klei jŭ jhat, amâodah đao gưm mơ̆?

Leh anăn Aê Diê Pô ksiêm ai tiê mnuih, thâo leh klei mĭn Yang Mngăt Jăk, kyuadah Yang Mngăt Jăk đru wah lač kơ phung doh jăk tui si klei Aê Diê čiăng.

Kyuadah jih jang phung Yang Mngăt Jăk Aê Diê atăt jing phung anak Aê Diê.

Kyuadah phung dôk hdĭp tui si kđeh khăp mĭn kơ klei tui si kđeh čiăng, ƀiădah phung dôk hdĭp tui si Yang Mngăt Jăk khăp mĭn kơ klei Yang Mngăt Jăk čiăng.

Kyuadah Ñu amâo hơưi Anak Ñu pô ôh, ƀiădah jao Gơ̆ leh kyua jih jang drei, Ñu amâo srăng brei ôh hĕ kơ drei jih jang mnơ̆ng mbĭt hŏng Gơ̆?

Yang Mngăt Jăk pô yơh hưn bi sĭt kơ mngăt drei klei drei jing anak Aê Diê. Leh anăn tơdah drei jing phung anak, drei jing mơh phung dưn ngăn, phung dưn ngăn Aê Diê, leh anăn phung dưn ngăn mbĭt hŏng Krist, sĭt nik tơdah drei tŭ klei knap mñai mbĭt hŏng Ñu, drei srăng dưi mâo klei guh kơang mbĭt hŏng Ñu msĕ mơh.

Kyuadah klei khăp mĭn kơ klei tui si kđeh jing roh hŏng Aê Diê. Kđeh anăn amâo gưt kơ klei bhiăn Aê Diê ôh, sĭt nik ñu amâo dưi gưt ôh.

Kyuadah jih jang mnơ̆ng hrih leh gĭr dôk čang hmăng kơ hruê phung anak Aê Diê srăng bi êdah.

Truh kơ hruê anei, drei thâo jih jang mnơ̆ng hrih leh ur krao mđrăm mbĭt hlăm klei knap mñai msĕ si mniê đih pui.