ข้อพระคัมภีร์ยอดนิยมจาก Y-Yôhan 14

แบ่งปัน

Kâo lui klei êđăp ênang mbĭt hŏng diih; Kâo brei kơ diih klei êđăp ênang Kâo pô. Kâo brei kơ diih amâo djŏ msĕ si lăn ala brei ôh. Đăm brei ai tiê diih rŭng răng ôh, kăn huĭ rei.

Yêsu lač kơ gơ̆, “Kâo jing êlan, klei sĭt nik, leh anăn klei hdĭp; amâo mâo pô dưi nao kơ Ama, knŏng hŏng Kâo.

“Đăm brei ai tiê diih rŭng răng ôh; đăo bĕ kơ Aê Diê, leh anăn đăo kơ Kâo msĕ mơh.

Ƀiădah Pô Đru, jing Yang Mngăt Jăk, Pô Ama srăng tiŏ hriê hlăm anăn Kâo, Ñu srăng mtô jih jang klei kơ diih, leh anăn Ñu srăng brei diih hdơr jih jang klei Kâo lač leh kơ diih.

Hlei pô mâo klei Kâo mtă leh anăn djă pioh digơ̆, ñu anăn yơh jing pô khăp kơ Kâo. Hlei pô khăp kơ Kâo, Ama Kâo srăng khăp kơ pô anăn, Kâo srăng khăp kơ ñu leh anăn bi êdah Kâo pô kơ ñu.”

Leh anăn Kâo srăng akâo kơ Ama, leh anăn Ñu srăng brei kơ diih Pô Đru mkăn dôk mbĭt hŏng diih nanao, jing Mngăt Myang klei sĭt nik. Pô anăn lăn ala amâo dưi jum ôh, kyuadah lăn ala amâo ƀuh Gơ̆ ôh, kăn thâo kral Gơ̆ rei. Diih thâo kral Yang Mngăt Jăk, kyuadah Gơ̆ dôk mbĭt hŏng diih, leh anăn srăng dôk hlăm diih.

Ya klei diih akâo hlăm anăn Kâo, Kâo srăng ngă klei anăn, čiăng kơ Ama dưi mâo klei guh kơang hlăm Anak. Tơdah ya klei diih akâo kơ Kâo hlăm anăn Kâo, Kâo srăng ngă klei anăn.”

“Tơdah diih khăp kơ Kâo, diih srăng djă pioh klei Kâo mtă.

Hlăm sang Ama Kâo mâo lu anôk dôk; tơdah amâo djŏ snăn ôh, Kâo hưn leh kơ diih. Kâo srăng nao mkra sa anôk kơ diih.

Leh anăn tơdah Kâo nao mkra sa anôk kơ diih, Kâo srăng lŏ hriê leh anăn mă diih kơ Kâo pô, čiăng kơ ti anôk Kâo dôk diih dưi dôk msĕ mơh.

Y-Thômas lač kơ Ñu, “Ơ Khua Yang, hmei amâo thâo ôh ti anôk Ih nao. Si hmei dưi thâo bĭt êlan anăn lĕ?”