ข้อพระคัมภีร์ยอดนิยมจาก တမၢၼ်ႇ 17

แบ่งปัน

မၼ်းၸဝ်ႈ​ႁဵတ်း​ၸိူဝ်ႉ​ၼင်ႇ​ၼႆ​ပုၼ်ႈ​လွင်ႈ​ၼင်ႇ​ႁိုဝ်​ၵူၼ်း​ႁဝ်း​တၵ်း​ၸၢမ်း​ႁႃ​ၽြႃးပဵၼ်ၸဝ်ႈ​လႄႈ​မီး​လွင်ႈ​ဢၼ်​ၸၢင်ႈၶႄး​တၵ်း​ထူပ်း​ဢေႃႈ။ ၼႂ်းဝႃႈၼၼ်​သေၵေႃႈ၊မၼ်းၸဝ်ႈ​ဢမ်ႇ​မီး​ၵႆ​ၵၼ်​တင်း​ႁဝ်း​သေၵေႃႉသေၵူၼ်း။

မၼ်းၸဝ်ႈ​ဢဝ်​တင်း​ၵူၼ်း​ၵေႃႉ​ၼိုင်ႈ​ၽၢၼ်ႇသၢင်း​ႁဵတ်း​ပဵၼ်​ၵူၼ်း​ၵူႈၸိူဝ်ႉၵူႈၶိူဝ်း၊ႁႂ်ႈလႆႈ​ယူႇ​ၵႃႈၼိူဝ်​လိၼ်မိူင်း​လေႃးၵႃႉ​ၼႆႉ​ၸွတ်ႇတူဝ်ႈ​ၵႂႃႇ​ဢေႃႈ။ ၸဵမ်မိူဝ်ႈ​ဢွၼ်တၢင်း​ၼၼ်ႉ၊ၶိင်ႇၵႃႇလႃႉ​ဢၼ်​တႅပ်းတတ်း​ဝႆႉ​လႄႈ​သင်၊တီႈ​ယူႇ​တီႈ​သဝ်း​လႅၼ်လိၼ်​ဢၼ်​ၶၼ်ႈ​ဝႆႉ​ၶႅၼ်ႈ​ဝႆႉ​လႄႈ​သင်၊တူဝ်​မၼ်းၸဝ်ႈ​မၢတ်ႈမၢႆ​ဝႆႉ၊ပုၼ်ႈ​ၵူၼ်း​ႁဝ်း​ဢေႃႈ။

ၽြႃးပဵၼ်ၸဝ်ႈ​ဢၼ်​ၽၢၼ်ႇသၢင်း​ၸႃႉၸဵမ်​လေႃးၵထၢတ်ႈ​တင်း​ၵႃႈ​ဢၼ်​မီး​ၼႂ်း​မၼ်း​ၼႆႉ​ၼၼ်ႉ၊ပဵၼ်​ၸဝ်ႈ​ဢၼ်​ဢုပ်ႉပိူင်ႇ​ၵၢင်ႁၢဝ်​တင်း​လိၼ်မိူင်း​ဢေႃႈ။ မၼ်းၸဝ်ႈ​ဢမ်ႇ​ယူႇ​ၼႂ်း​ၵျွင်း​ပိၵ်ႈမၢၼ်ႇ​ဢၼ်​ဢဝ်​တင်း​မိုဝ်း​ၵူၼ်း​ႁဵတ်း။

လွင်ႈ​မၼ်း​ၸမ်ႉ၊မၼ်းၸဝ်ႈ​ၶဵၼ်း​ဝၼ်း​ဝၼ်း​ၼိုင်ႈ၊ဢၼ်​မၼ်းၸဝ်ႈ​တၵ်း​ဢဝ်​ၵူၼ်း​ၵေႃႉ​ၼိုင်ႈ၊ၵေႃႉ​ဢၼ်​မၼ်းၸဝ်ႈ​လိူၵ်ႈ​ဢဝ်​ဝႆႉ​ယဝ်ႉ​ၼၼ်ႉ​လႄႈ ႁႂ်ႈ​ၸီႇယၢင်ႇ​ၵူၼ်းလေႃးၵီႇ​တင်းလၢႆ၊ၸွမ်းၼင်ႇ​တြႃး​ဢၼ်​သိုဝ်ႈတေႃႇ​ၼၼ်ႉ​ဝႆႉ​ယဝ်ႉ။ မၼ်းၸဝ်ႈ​ၼႄပျႃး​သၢၵ်ႈသေႇ​ဢၼ်​လီ​ယုမ်ႇ၊တီႈ​ၵူၼ်း​တင်းသဵင်ႈတင်းလူင်​ၼႂ်း​တၢင်း​ဢၼ်​ႁႂ်ႈ​ၵူၼ်း​ၵေႃႉ​ၼၼ်ႉ၊လုၵ်ႉ​ၵႃႈ​တၢင်းတၢႆ​ၶိုၼ်းလိပ်း​မႃး​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​သြႃႇ​ ပေႃးလု၊ ႁေႃးလၢတ်ႈ​ဢေႃႈ။

ၸွမ်း​လူၺ်ႈ​ႁဝ်း​ပဵၼ်​လုၵ်ႈလၢင်း​ၽြႃးပဵၼ်ၸဝ်ႈ​ၼၼ်ႉ​လႄႈ​ႁဝ်း​ဢမ်ႇ​ထုၵ်ႇလီ​ထၢင်ႇ​ၸႃႇတိ​ၽြႃးပဵၼ်ၸဝ်ႈ​မိူၼ်​ၵၼ်​တင်း​ႁုၼ်ႇႁၢင်ႈသၢင်းထု​ၶမ်း၊ႁုၼ်ႇႁၢင်ႈသၢင်းထု​ငိုၼ်း၊ႁုၼ်ႇႁၢင်ႈသၢင်းထု​မၢၵ်ႇႁိၼ်​ဢၼ်​ၵူၼ်း​ႁဝ်း​ဢဝ်​တင်း​ပိင်ႇၺႃႇ​ၶႆႈၸႂ်​လႄႈ​တွင်ႈ​ႁဵတ်း​ဝႆႉ​ၼၼ်ႉ။