Kandozi - 2010 Edition (NT)

<div class="version vid213 iso6393cbu" data-vid="213" data-iso6393="cbu">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Mishat, yuwaa Isus yusur Irusarinap naatarangu anoo kamanchintspa</div><div class="p"> 1Iy Uta&#225;shuchini kurakarini Isusoo pachamaam zandarangusin, Isussha Uta&#225;sh tsap xiytcheezi; nuwaa pcharundama t&#225;yaru, Galileyshuri tsap xiyrangiya. 2Zapishsha Uta&#225;shucheem shambatshini pakchimsha pishtarangu. An shambatshini watach Irusarinush tambtayarusin, tsimbun matayaru maarangana anu. 3Ashirucha, Isussha zoonll: Nee tsap kasayarush, Uta&#225;psha tsap taangcha; Isusoo, t&#225;rangu. &#191;Mayaamsha amb nda wizpurirish ipunsheemish y&#225;mandaksha? 4&#191;Nitaati tputs nish machin taaru anush waritareeja? nda. Shaanaatsi kurakaam &#237;napi &#225;tush, ashiri tputsush zapanish shingcha. Ashkachinaareesha, tputs shiyaa ichingurusin natstachshapsinaya, t&#225;rangana Isusootsi. 5Zoonll Isusoo nda mangoonarangsin, Isusoo tanaseerangana. 6T&#225;rangusin, Isussha: Naturitana nuwaam nda waritariya; nuw zari nda tatsamooriya. Itaru, ichinguru zari siyaam waritariya, t&#225;rangu. 7-8Tputs siyaa nda natsakana. Itaru, nuw tputsee yutaritshishee itsinsaru kamankuri, uwshtisin anumand nuwaa natsakana. Ashiriya, siyma naatssa. Nuw naturi naacheezi, watam Apanll yandamarini nuwaam nda tatsamooruwa; t&#225;rangiya zoonlleetsi. 9T&#225;yaru, Isus anush Galileyash natumasina taarangiya.</div><div class="p"> 10Zoonll naayarandsin, uwsha ushimun naatarangiya. Nda tputs wazapanpata naatarangiya; tputs machin naatarangiya; iyaptatam naatarangani. Irusarinush kuseeramchuni, waanaatsi pishurangiya. 11Iy Uta&#225;shuch kurakarini Isusoo nachungarangana. Tputs zapan shambatshisheem shaniyarsin, kuraksha anush: &#191;Isusuwa? t&#225;ta t&#225;ta ashirangana. 12-13Itaru, tputs waanpatatin zapan tsiyatarangana; itaru nda kapung zamangarangana. Kurakarini iyaa nambuneepa atusin, apinlliri tsiyatarangana. Waanpatatin tsiyatkusin, ashpatam tputs: Isus wanasirimishcha tputsi, t&#225;rangana. Itaru, ashpatam tputs: Nduni; Isus ngichikcha, t&#225;rangana waanpatatina.</div><div class="p"> 14&#193;ntarusin, wand Isus waanaatsi pishurangiya. Itaru, wandari shambatshishee nda itupshingarsin, tuchipparee maats tushiyaru, anush Isussha Apanllush pang' pshtuyaru, kapung tayaspatarangiya. 15Iysha kurakarini punirustayarusin, &#191;Tamaru tayaspataka? Watam iyash iskoweerarini nda pshturanguwa. Mangutari kapung tayaspatakuwa; t&#225;rangana.</div><div class="p"> 16Isussha anoo mazinayaru y&#225;marangiya; Nitaati nuwaana chinaki anoo tayaspataki, nda. Waana Apanll nuwaa zanganirangu, ashirucha Apanlleetsimaritam kuk kamanki, t&#225;rangiya. 17Tputs Apanllee kuk payumaam zandkinaariya, nuwaa kuki yasachiya. &#191;Chakaja kuku? &#191;Waantazuwa kuku? &#191;Nduntaati ashiru, Apanlleezuwa kuku? t&#225;yarusin, nuwaa itsinsaru natstachinllinaya. 18Chaanaatstamari kukich kamankuch, ashiru chaanaatstamari ungirtamaam zandku ashtarchi. Itaru, chiyaa kamachtarangu anootsimari kuk kamankuch, nitaati chaanaatsi ungirtakeezich, dancha. Itsinsaru tayaspatachchi; ngichiz nduncha. 19Itaru, siysa; &#161;maya! M&#243;ysisarini Apanllee kamachtamarini siyaam yandarangitaa, itaru siysa, nda minamtiyam tputs, nda itsinsaru payuksa, watam nuwaa pachamaam zandaksawa, t&#225;rangiya Isusu.</div><div class="p"> 20T&#225;mpu, tputs ichingurusin: &#161;Miroosinlltishcha shiya! &#191;Chak shiyaa pachamaam zandka? atusin, 21Isussha: Nuw kizpureeruri, tputsee minamari yararanguri, siysa anumun kapung xaraksa. 22S&#225;patush kanusamaam waritaktaa, ashiritaa anush zari kanusisush nlluraa tasi ktsupaksawa. Yuwamand M&#243;ysisarini: Nlluraa wayumshiree tas ktsupangcha &#225;tu anumand ashiksa. Kaapana M&#243;ysisarini ktsupamaam nda kamachtarangiya, watam zitaminarini anoo uru payuranganawa. 23Ashiruch kamachtamarini yuwaatsimari kasiru taaru anoo payuksa. Ashiriya, kanusisush ktsupamaam waritakinaari ashiru, &#191;mayaamsha tsiyantaksa yuwamand kanusisush tputsee yararangi anumanda? 24Watsta, Iwaziri chinarintspa; itsinsaru chinangtsa, t&#225;rangiya Isusu.</div><div class="p"> 25T&#225;yaru, Irusarinshuchsha tputs: &#191;Ndusha in watat tputs yuwaa pachamaam zandkana anu? waanpatatin, t&#225;rangana. 26Pa; kamirana tayaspatakiya. Iy kurakarini watsta nda atanaya. Chinakpasinaya. Isus Apanllcha Ipusamarini &#225;tpasinaya. 27Itaru, Apanlleeja Ipusamarini, ndambaree. Apanll Ipusamarini kuskachu, &#191;yapimasaja shitungach? Anoo yasamaam pinasaktanicha. Itaru, Isusootssha yasaktanicha; Galileyshuchcha tputsi, t&#225;rangana Irusarinshuch tputsi.</div><div class="p"> 28T&#225;rangusin, Isussha tayaspataku kuk kapung tsiyatarangiya anshu. T&#225;rangiya; Zuraktishcha. Siy nuwaa yasamana yasaktischa. Taarasheetsi yasaktamsa. Yasaktaateesa, itaru yuw nuwaa zanganirangu anootscha nda yasaksa siya. &#191;Nitaati nuwaantaa nish kusarangee? Nllitarit waana nuwaa zandeeru, kamachtayaru zanganirangiya. Siy kaapa waa nda yasaksa; mangoonkeezis siya. 29Itaru, nuwna waa yasaktana, watam waanpata taaranguri, uwsha nuwaa zanganiranguwa; t&#225;rangiya Isusu.</div><div class="p"> 30T&#225;yaru, iy kurakarini Isusoo putamaam zandarangana. Itaru, pinasarangana, watam Apanll yandamarini Isusoom nda tatsamooranguwa. 31Itaru, tputssha zapan Isusoo mangoonamana mangoonarangana. &#191;Isus Wizpuririni waninllee? t&#225;rangana. Apanll Ipusamarini kuskachu, &#191;antaati Isusoo kasicheeja? ndambari, t&#225;rangana waanpatatina.</div><div class="p"> 32Kamapshirangitaatssin, Par&#237;siypanshuchsha tputs yasarangana. Ashiri Par&#237;siypanshuchpat Uta&#225;shuchpat apanllpan urkari tsiyatarangana. Tsiyateersin, Apanllee pang' ksutamapanee kamachtarangana Isusoo putamaama. 33Isusush kuseersin, Isussha: Natumasana nish pakich taachima, t&#225;rangu. Sheeri, waptam kanapchima. Yuw nuwaa zanganirangu ambitam waptam kanapchima. 34Amb taakamchuri, itaru siy amb naamaam pinasachpasa. Naatachuri, siysa nuwangaz zandachpasa. Itaru, nuwaa nda pangatssa, watam amb naamaam pinasaksawa; t&#225;rangiya Isusu. 35T&#225;yaru, kuraksha waanpatatin, &#191;Yapeeja naach? t&#225;rangana. &#191;Nachungakchuch tamaree nda pangchich? Piyaripparee tsap naayaranllu, nda pangachchi. Ambeezuwa naayaru, iyashcheetstam Uta&#225;shucheetsini tputs pakchu, &#191;ndusha anoo tayaspatapi &#225;tu naachima &#225;t? t&#225;rangana. 36&#191;Mayachta &#225;t? yasakeezini. Naaki siy amb naamaam pinasaksa. Mishat, nuwaa nachungakitaateesa, ashiritaa nuwaa nda pangatssa, watam atuwa. Anoo mangoonkeezini iya, t&#225;rangana waanpatatina.</div><div class="p">Ashiri yuwaa Isus Irusarinush kapung tayaspatarangu anoo kamaneena.</div><div class="s">Mishat, yuwaa Isus tayaspataku anumand putayani atitaatssin, xapoorangana anoo kamanchintspa</div><div class="p"> 37Minush zari shambatshishush, zari kizpurcha shambatshishimuna, anpasha zari shambatshishee uru iwaptaranaya. Ashiriya, anush zari Isus chiyzayaru, ichinguru tputs mazinapana &#225;tu, kizpur tsiyatarangiya. Sachispaz ashiru Apanllingaz t&#225;marakus, nuwsha izuuru istachintspa Apanlleema. 38Nuwamun mangis tatkus, mangishis Apanll ta&#225;rash urutamari taachiya; pastacheeja, ndambaree. Kung naantar ashkitaa nda pasitaru ashiritam siyaam nda pastachiya,#7.37-38 Is&#225;ysa 44.4; Is&#225;ysa 55.1, misha Jeremiyasa 2.13 tsiyatsis nipta tatsamooru taaritamta. watam Apanll kuk atuwa; t&#225;rangiya Isusu.</div><div class="p"> 39Isus anoo kamanku, Apanllee Wani &#225;tu, t&#225;rangiya. Nduma Isus tsipachu, nduma Waparip kanapchu, anpur Apanll Wani iyash mangini ndunimuncha. Itaru, Isus waptam kanapuramchu, Apanll Wani iyash tsapush kusarangiya. Isusumun mangini tatkuni, Apanll Wani urutari iyash mangishini taakiya. Anoo ashchu anoo Isus kamanirangiya.</div><div class="p"> 40Ashirucha, Isus anoo, t&#225;rangu, tputssha waanpatatin zapan tsiyatarangana. Ashpatamsha tputs: Isus watacha Apanllee kuk kamanimapani, naanchpa atini anu,#7.40 Tayusima 18.18-19; Wanga 1.21 tsiyatsis nipta tatsamooru taaritamta. t&#225;ranganaya. 41Ashpatamsha tputs: Apanllcha Ipusamarini, t&#225;ranganaya. Itaru, ashpatamsha tputs: Nitaati Apanll Ipusamarini, ndambaree, t&#225;rangana. Apanll Ipusamarini Galileyshucheeja tputsi. 42&#191;Nitaati Apanll kuk anoo t&#225;ranlleeja? nda. Dapiyarinchichcha tputsi. Dapiyarinish yaktarini, Biringush#7.42 Ruti 1.2; Mikiyasa 5.2 tsiyatsis nipta tatsamooru taaritamta. nllurtachiya, &#225;tcha Apanll kuku, t&#225;ranganaya. 43Min tputs &#225;tu, min tputs &#225;tu, ashkusin, minamari chinamaam pinasarangana Isusootsi. 44Apanllee pang' ksutamapansha ashpatam Isusoo putayani, t&#225;rangana. Ashpatamsha tputs watsta, t&#225;rangana. Ashirucha, Isusoo nda putarangana; xapoorangana.</div><div class="p"> 45Xapooyarandsin, apanllpanip urkari xunarsin kanapurangana. Kuseersin, anush apanllpan urkar Par&#237;siypanshuchpat tputs shaniyeersin, apanllpansha urkar: &#191;Mayaamsha nda putarangsa, xunarus kanapeeshinsawa? mang, t&#225;rangana. 46Ksutamapansha: Xapoorangtanicha; uw kuk kizpurcha. &#191;Chakpataja uw kuk waritach? t&#225;rangana. 47Par&#237;siypanshuchsha tputs: &#191;Tamasha ngichzeetsimsha siy kis mazinaksa? t&#225;rangu. 48Iyaatssha kurakaatsini napangtsa. &#191;Nitaati minamtiyam Isusoo mangooncheezini? ndambaree. 49Itaru, &#191;piyartachee tputs chakaja anoo chinaku chinach? Tputstisin M&#243;ysisarineetsi kuk pakchiyam nda yasakana. Nllur tamapari ashiru mangshartawa. &#191;Antaati Apanll anoo tputs ksaja napach? mang, t&#225;rangiya. 50Itaru, N&#237;kodemsha kurakaa mang y&#225;marangiya. N&#237;kodem Par&#237;siypanshuchimuntamta tputsi. Watatam sir&#250; Isuspat psaan tsiyatarangu antamta tputsi. 51Ashirucha, N&#237;kodemsha: Ichtaru, tputsee tuxiykeeruni, mashkuni, tsiyatssee ichinguru mazinayaruni, anumunsha natstatariniya. Natstayaruch, wanitarchi. Ndunnaa ashkuch, itsinsamaam pinasakiya. &#191;M&#243;ysisarini anoo kamachtaranguwa? Ashiri Isusoo yasayanimani, t&#225;rangiya N&#237;kodemu. 52T&#225;yaru, apanllpansha urkari: Watsta; &#191;mayaamsha &#225;tsha? Ndusha Isusoom wipunash kinapi atupsha shiyaya, t&#225;rangana. M&#243;ysisarinee wirkar napeerush natstangcha. &#191;Nitaati Apanllee kuk kamanimapan Galileyashparee nllurtachiya &#225;t? M&#243;ysisarini kuk anoo ateeja, nda, mang, t&#225;rangiya kuraka.</div><div class="p"> 53T&#225;yaru, tsiyatamaam tuwatspayarusin, kuraksha waptam ichingurusin kanaputaranganaya.</div><div class="p">Ashiri yuwaa Isusoo putamaam xapoorangana anoo kamaneena.</div>
 </div>
 </div>
</div>

Iy Utaáshuchini kurakarini Isusoo pachamaam zandarangusin, Isussha Utaásh tsap xiytcheezi; nuwaa pcharundama táyaru, Galileyshuri tsap xiyrangiya. Zapishsha Utaáshucheem shambatshini pakchimsha pishtarangu. An shambatshini watach Irusarinush tambtayarusin, tsimbun matayaru maarangana anu. Ashirucha, Isussha zoonll: Nee tsap kasayarush, Utaápsha tsap taangcha; Isusoo, tárangu. ¿Mayaamsha amb nda wizpurirish ipunsheemish yámandaksha? ¿Nitaati tputs nish machin taaru anush waritareeja? nda. Shaanaatsi kurakaam ínapi átush, ashiri tputsush zapanish shingcha. Ashkachinaareesha, tputs shiyaa ichingurusin natstachshapsinaya, tárangana Isusootsi. Zoonll Isusoo nda mangoonarangsin, Isusoo tanaseerangana. Tárangusin, Isussha: Naturitana nuwaam nda waritariya; nuw zari nda tatsamooriya. Itaru, ichinguru zari siyaam waritariya, tárangu. Tputs siyaa nda natsakana. Itaru, nuw tputsee yutaritshishee itsinsaru kamankuri, uwshtisin anumand nuwaa natsakana. Ashiriya, siyma naatssa. Nuw naturi naacheezi, watam Apanll yandamarini nuwaam nda tatsamooruwa; tárangiya zoonlleetsi. Táyaru, Isus anush Galileyash natumasina taarangiya.
Zoonll naayarandsin, uwsha ushimun naatarangiya. Nda tputs wazapanpata naatarangiya; tputs machin naatarangiya; iyaptatam naatarangani. Irusarinush kuseeramchuni, waanaatsi pishurangiya. Iy Utaáshuch kurakarini Isusoo nachungarangana. Tputs zapan shambatshisheem shaniyarsin, kuraksha anush: ¿Isusuwa? táta táta ashirangana. Itaru, tputs waanpatatin zapan tsiyatarangana; itaru nda kapung zamangarangana. Kurakarini iyaa nambuneepa atusin, apinlliri tsiyatarangana. Waanpatatin tsiyatkusin, ashpatam tputs: Isus wanasirimishcha tputsi, tárangana. Itaru, ashpatam tputs: Nduni; Isus ngichikcha, tárangana waanpatatina.
Ántarusin, wand Isus waanaatsi pishurangiya. Itaru, wandari shambatshishee nda itupshingarsin, tuchipparee maats tushiyaru, anush Isussha Apanllush pang' pshtuyaru, kapung tayaspatarangiya. Iysha kurakarini punirustayarusin, ¿Tamaru tayaspataka? Watam iyash iskoweerarini nda pshturanguwa. Mangutari kapung tayaspatakuwa; tárangana.
Isussha anoo mazinayaru yámarangiya; Nitaati nuwaana chinaki anoo tayaspataki, nda. Waana Apanll nuwaa zanganirangu, ashirucha Apanlleetsimaritam kuk kamanki, tárangiya. Tputs Apanllee kuk payumaam zandkinaariya, nuwaa kuki yasachiya. ¿Chakaja kuku? ¿Waantazuwa kuku? ¿Nduntaati ashiru, Apanlleezuwa kuku? táyarusin, nuwaa itsinsaru natstachinllinaya. Chaanaatstamari kukich kamankuch, ashiru chaanaatstamari ungirtamaam zandku ashtarchi. Itaru, chiyaa kamachtarangu anootsimari kuk kamankuch, nitaati chaanaatsi ungirtakeezich, dancha. Itsinsaru tayaspatachchi; ngichiz nduncha. Itaru, siysa; ¡maya! Móysisarini Apanllee kamachtamarini siyaam yandarangitaa, itaru siysa, nda minamtiyam tputs, nda itsinsaru payuksa, watam nuwaa pachamaam zandaksawa, tárangiya Isusu.
Támpu, tputs ichingurusin: ¡Miroosinlltishcha shiya! ¿Chak shiyaa pachamaam zandka? atusin, Isussha: Nuw kizpureeruri, tputsee minamari yararanguri, siysa anumun kapung xaraksa. Sápatush kanusamaam waritaktaa, ashiritaa anush zari kanusisush nlluraa tasi ktsupaksawa. Yuwamand Móysisarini: Nlluraa wayumshiree tas ktsupangcha átu anumand ashiksa. Kaapana Móysisarini ktsupamaam nda kamachtarangiya, watam zitaminarini anoo uru payuranganawa. Ashiruch kamachtamarini yuwaatsimari kasiru taaru anoo payuksa. Ashiriya, kanusisush ktsupamaam waritakinaari ashiru, ¿mayaamsha tsiyantaksa yuwamand kanusisush tputsee yararangi anumanda? Watsta, Iwaziri chinarintspa; itsinsaru chinangtsa, tárangiya Isusu.
Táyaru, Irusarinshuchsha tputs: ¿Ndusha in watat tputs yuwaa pachamaam zandkana anu? waanpatatin, tárangana. Pa; kamirana tayaspatakiya. Iy kurakarini watsta nda atanaya. Chinakpasinaya. Isus Apanllcha Ipusamarini átpasinaya. Itaru, Apanlleeja Ipusamarini, ndambaree. Apanll Ipusamarini kuskachu, ¿yapimasaja shitungach? Anoo yasamaam pinasaktanicha. Itaru, Isusootssha yasaktanicha; Galileyshuchcha tputsi, tárangana Irusarinshuch tputsi.
Tárangusin, Isussha tayaspataku kuk kapung tsiyatarangiya anshu. Tárangiya; Zuraktishcha. Siy nuwaa yasamana yasaktischa. Taarasheetsi yasaktamsa. Yasaktaateesa, itaru yuw nuwaa zanganirangu anootscha nda yasaksa siya. ¿Nitaati nuwaantaa nish kusarangee? Nllitarit waana nuwaa zandeeru, kamachtayaru zanganirangiya. Siy kaapa waa nda yasaksa; mangoonkeezis siya. Itaru, nuwna waa yasaktana, watam waanpata taaranguri, uwsha nuwaa zanganiranguwa; tárangiya Isusu.
Táyaru, iy kurakarini Isusoo putamaam zandarangana. Itaru, pinasarangana, watam Apanll yandamarini Isusoom nda tatsamooranguwa. Itaru, tputssha zapan Isusoo mangoonamana mangoonarangana. ¿Isus Wizpuririni waninllee? tárangana. Apanll Ipusamarini kuskachu, ¿antaati Isusoo kasicheeja? ndambari, tárangana waanpatatina.
Kamapshirangitaatssin, Parísiypanshuchsha tputs yasarangana. Ashiri Parísiypanshuchpat Utaáshuchpat apanllpan urkari tsiyatarangana. Tsiyateersin, Apanllee pang' ksutamapanee kamachtarangana Isusoo putamaama. Isusush kuseersin, Isussha: Natumasana nish pakich taachima, tárangu. Sheeri, waptam kanapchima. Yuw nuwaa zanganirangu ambitam waptam kanapchima. Amb taakamchuri, itaru siy amb naamaam pinasachpasa. Naatachuri, siysa nuwangaz zandachpasa. Itaru, nuwaa nda pangatssa, watam amb naamaam pinasaksawa; tárangiya Isusu. Táyaru, kuraksha waanpatatin, ¿Yapeeja naach? tárangana. ¿Nachungakchuch tamaree nda pangchich? Piyaripparee tsap naayaranllu, nda pangachchi. Ambeezuwa naayaru, iyashcheetstam Utaáshucheetsini tputs pakchu, ¿ndusha anoo tayaspatapi átu naachima át? tárangana. ¿Mayachta át? yasakeezini. Naaki siy amb naamaam pinasaksa. Mishat, nuwaa nachungakitaateesa, ashiritaa nuwaa nda pangatssa, watam atuwa. Anoo mangoonkeezini iya, tárangana waanpatatina.
Ashiri yuwaa Isus Irusarinush kapung tayaspatarangu anoo kamaneena.

Minush zari shambatshishush, zari kizpurcha shambatshishimuna, anpasha zari shambatshishee uru iwaptaranaya. Ashiriya, anush zari Isus chiyzayaru, ichinguru tputs mazinapana átu, kizpur tsiyatarangiya. Sachispaz ashiru Apanllingaz támarakus, nuwsha izuuru istachintspa Apanlleema. Nuwamun mangis tatkus, mangishis Apanll taárash urutamari taachiya; pastacheeja, ndambaree. Kung naantar ashkitaa nda pasitaru ashiritam siyaam nda pastachiya, watam Apanll kuk atuwa; tárangiya Isusu.
Isus anoo kamanku, Apanllee Wani átu, tárangiya. Nduma Isus tsipachu, nduma Waparip kanapchu, anpur Apanll Wani iyash mangini ndunimuncha. Itaru, Isus waptam kanapuramchu, Apanll Wani iyash tsapush kusarangiya. Isusumun mangini tatkuni, Apanll Wani urutari iyash mangishini taakiya. Anoo ashchu anoo Isus kamanirangiya.
Ashirucha, Isus anoo, tárangu, tputssha waanpatatin zapan tsiyatarangana. Ashpatamsha tputs: Isus watacha Apanllee kuk kamanimapani, naanchpa atini anu, táranganaya. Ashpatamsha tputs: Apanllcha Ipusamarini, táranganaya. Itaru, ashpatamsha tputs: Nitaati Apanll Ipusamarini, ndambaree, tárangana. Apanll Ipusamarini Galileyshucheeja tputsi. ¿Nitaati Apanll kuk anoo táranlleeja? nda. Dapiyarinchichcha tputsi. Dapiyarinish yaktarini, Biringush nllurtachiya, átcha Apanll kuku, táranganaya. Min tputs átu, min tputs átu, ashkusin, minamari chinamaam pinasarangana Isusootsi. Apanllee pang' ksutamapansha ashpatam Isusoo putayani, tárangana. Ashpatamsha tputs watsta, tárangana. Ashirucha, Isusoo nda putarangana; xapoorangana.
Xapooyarandsin, apanllpanip urkari xunarsin kanapurangana. Kuseersin, anush apanllpan urkar Parísiypanshuchpat tputs shaniyeersin, apanllpansha urkar: ¿Mayaamsha nda putarangsa, xunarus kanapeeshinsawa? mang, tárangana. Ksutamapansha: Xapoorangtanicha; uw kuk kizpurcha. ¿Chakpataja uw kuk waritach? tárangana. Parísiypanshuchsha tputs: ¿Tamasha ngichzeetsimsha siy kis mazinaksa? tárangu. Iyaatssha kurakaatsini napangtsa. ¿Nitaati minamtiyam Isusoo mangooncheezini? ndambaree. Itaru, ¿piyartachee tputs chakaja anoo chinaku chinach? Tputstisin Móysisarineetsi kuk pakchiyam nda yasakana. Nllur tamapari ashiru mangshartawa. ¿Antaati Apanll anoo tputs ksaja napach? mang, tárangiya. Itaru, Níkodemsha kurakaa mang yámarangiya. Níkodem Parísiypanshuchimuntamta tputsi. Watatam sirú Isuspat psaan tsiyatarangu antamta tputsi. Ashirucha, Níkodemsha: Ichtaru, tputsee tuxiykeeruni, mashkuni, tsiyatssee ichinguru mazinayaruni, anumunsha natstatariniya. Natstayaruch, wanitarchi. Ndunnaa ashkuch, itsinsamaam pinasakiya. ¿Móysisarini anoo kamachtaranguwa? Ashiri Isusoo yasayanimani, tárangiya Níkodemu. Táyaru, apanllpansha urkari: Watsta; ¿mayaamsha átsha? Ndusha Isusoom wipunash kinapi atupsha shiyaya, tárangana. Móysisarinee wirkar napeerush natstangcha. ¿Nitaati Apanllee kuk kamanimapan Galileyashparee nllurtachiya át? Móysisarini kuk anoo ateeja, nda, mang, tárangiya kuraka.
Táyaru, tsiyatamaam tuwatspayarusin, kuraksha waptam ichingurusin kanaputaranganaya.
Ashiri yuwaa Isusoo putamaam xapoorangana anoo kamaneena.

ฟัง Wangarini 7