YEƁ ZAPEE Danɓǝ ahe
Danɓǝ ahe
Ŋwǝǝ ɗerewol mai kan ge ɓo zah Ɓǝ'nyah Lukas. Ɓǝ ma pǝ ɗerewol Ɓǝ'nyah Lukas ye syee ge ɓo pǝ ɗerewol maiko. Ɗerewol Yeɓ Zapee kee ɓǝ iŋ Yesu mo tǝŋ kǝsyil yahuduen so mo myah ge pel wo sǝr daŋ. Tǝ'yak Matǝdaŋdaŋ mai Yesu mo faa ɓǝ gin ah nyi za syee mor ah ye joŋ yeɓ mai ne ra.
So Lukas a 'yah za kee ɗerewol nyẽe mo tǝra njaŋ za Kristu ara ye ka za mai moo maara zah pǝ ɓǝ sǝr goŋ Romanen ya. So a 'yah ka mo tǝra ɓǝ iŋ Kristu ur gin pǝ ɓǝ iŋ yahuduen ge, tǝbyaŋ ɓǝ iŋ yahuduen yo.
Dǝɓ gak woŋ ɗerewol Yeɓ Zapee camcam sai. Woŋ ah vaŋno vaŋno daŋ ɓyaŋki ne cok mai Ɓǝ'nyah Yesu mo cuu ge dai ɓo gŋ, so Eklesia mo kpii ɓo gŋ ta. Woŋ ah ra a naiko:
1. Tǝtǝŋ ɓǝ iŋ Kristu yaŋ Jerusalem fahfal mai mo kalko ge coksǝŋ.
2. Ɓǝ iŋ Kristu myah cok camcam sǝr Palestina.
3. Ɓǝ iŋ Kristu myah ge pel pǝɗǝkki, ŋhaa dai sǝr ma kah Mabii Mediterrania tǝkine yaŋ Rom daŋ.
Ɓǝ malii ah pǝ Yeɓ Zapee ako ye yeɓ Tǝ'yak Matǝdaŋdaŋ. Ɗǝr ge ne swah tǝ za iŋ ne comfĩi Pentekost yaŋ Jerusalem. Ako ye joŋ yeɓ ne Eklesia ne zaluu ma pel ah daŋ, a cuu fahlii nyi ra, a swaa ra ta.
Eklesia ma kǝpel mo tǝ cuura ɓǝ ɓe, a faara ɓǝ fẽene? Na kee ɓǝ cuu za camcam mo ŋwǝǝ ɓo pǝ Yeɓ Zapee ɓe, na lwaa mǝǝtǝluu ɓǝ mai mo cuura gŋ. A cuura ɓǝ Yesu nyi yahuduen tǝkine za ki daŋ. A cuura ɓǝ Yesu mai mo byaŋ, mo joŋ dǝɓlii mo so wǝ sǝr Palestina. Cẽecẽe Tǝ'yak Masǝŋ a zaŋ za syee mor ah ka mo cuura kpak Yesu, yeɓ ah ra tǝkine ɓǝ faa zah ah ra.
Woŋ ah mo woŋ lǝǝ ɓo a naiko
1. Zyeɓ suu ma kǝpel mor ga joŋ syedowal 1:1-26
a) Yesu pee za syee mor ahe, so faa mo byakra fan mai mo faako ɓǝ ah nyi ra 1:1-14
b) Kyeɓra dǝɓki kan pǝ cok Yudas 1:15-26
2. Joŋra syedowal yaŋ Jerusalem 2:1–8:3
3. Joŋra syedowal sǝr Yudea ne sǝr Samaria 8:4–12:25
4. Yeɓ Paulus
a) Paulus ge gwǝǝ patǝ vaŋno ahe 13:1–14:28
b) Tai malii yaŋ Jerusalem 15:1-35
c) Paulus ge gwǝǝ patǝ gwa ahe 15:36–18:32
d) Paulus ge gwǝǝ patǝ sai ahe 18:33–21:16
e) Paulus no pǝ daŋgai yaŋ Jerusalem, yaŋ Kaiseria ne yaŋ Rom 21:17–28:31
தற்சமயம் தேர்ந்தெடுக்கப்பட்டது:
YEƁ ZAPEE Danɓǝ ahe: MUAR
சிறப்புக்கூறு
நகல்
ஒப்பீடு
பகிர்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Bible Moundang © Alliance Biblique du Tchad, 1996.