Luk 21
21
Rangeʹ râṛiaʹ dan
(Mothi 12:41-44)
1Jâkhni Jisu Mundirre tahalene, inre Âni lelkede dhuni âdmiko dan baksore angkoaʹ dan dohodako. 2Ar Âni lelkede je, miṭiʹ rangeʹ râṛi barya siki paisa dohokede. 3Tâkhni Jisute Aiʹren celako metakeʹkoe, "Ingte ape sârigi metapekâning, ni rangeʹ râṛi eṭaʹ sanamko khoiʹ aima ḍher dohokede, 4Karon eṭaʹ sanamkogi akoaʹ bâṛti ṭhep paisa khoiʹ dan kadako, kheʹ ni rejaoaʹ obhab tahenreho baco tahan laʹte âniaʹ aka tahalena ananaʹ sanamaʹgi dan baksore dohokede."
Jug caboʹreyaʹ cinhâko
(Mothi 24:1-35; Mark 13:1-31)
5Ar jâkhni koekṭeʹ âdmi Mundirnaʹ bisoite alocona sanako je, "Tinâʹ sundri diri ar Issoraʹ uddessote maonaʹ danna jiniskote dalan kalka sajo hokana!" Tâkhni Jisu menkede,
6"Apegi niâko sanam leldape, emon somoi hijuʹhaʹ, jâkhni niânaʹ miṭiʹ diri eṭaʹ armiṭiʹ diri cetanre oho tahanhaʹ, sanamgi dhongso caboʹhaʹ."
7Angkote Âni kulikidiako, "E Guru, niâko ghoṭonado tisoʹ ghoṭoʹhaʹ? Ar aka cinhât lelketeʹ ale bujhu dareʹlehaʹ je, niâko sanam ghoṭoʹaʹ somoi hiʹkana?"
8Uttore Jisu menkede, "Sabdhan, eketeho jate bang bhulupeyako, karon aima âdmi ingâʹ nutum engeketeʹ hijuʹkohaʹ, menheʹ je, 'Ingi Mosiho, ana somai hiʹkana, apete angko alo panjakoape. 9Ar ape jâkhnigi larhâi ar bidrohonaʹ katha aten namape, tâkhni alo botoroʹape, karon palhe niâko sanam ghoṭoʹhaʹ, kheʹ tâkhnigi je mucit somai anado bang."
10Inâ tayom Jisute angko metakeʹkoe, "Jât biruddhe jât ar rajjonaʹ biruddhe rajjo larhâioʹkohaʹ. 11Aima jagare marang bhumikompo ar akal ar mohamari hoʹhaʹ. Niâ bâgiketeʹ sermare botoranaʹ ghoṭona ghoṭoʹa ar marang cinhât lelnamoʹhaʹ.
12Kheʹ niâko sanam ghoṭoʹ lahare âdmiko ape cetanre ti dohekohaʹ ar ottacar pekohaʹ, ape cetanre ottacar kohaʹ, somaj oraʹre ar jelkhanare bharopekohaʹ. Ingâʹ nutum laʹte ape rajaṭheʹ ar sasoniʹkoṭheʹ idipekohaʹ. 13Anate Ingâʹ bisoite raja ar sasoniʹkoṭheʹ sakkho maʹlaʹte sujuk nampehaʹ. 14Otoeb laha khoiʹ alo cintuʹape je itâʹ uttor maʹpehaʹ. 15Karon ingte ape emon katha ar emon gen mapehuʹ je, aperen sutruko ekeho potirod se uttor bang ma dareʹako. 16Ar aperen âyâ baba, boiha ar mesrako, gate ar apeyaʹ oraʹren eṭaʹ âdmiko ape laite bissâs ghatokketeʹ ape sabso pekohaʹ, emon ki aperen jahegi goiʹ girikoyakohaʹ. 17Ar Ingaʹ nutum laʹte ape sanam ghrinâpekohaʹ. 18Kheʹ apeyaʹ bohoʹnaʹ miṭiʹ upho bang nosṭoʹtapeya. 19Judi ape sahoketeʹ tahenape, tahale apeyaʹ jiui lab pehaʹ.
20Ar ape Jâkhni lelpehaʹ je sonnokote Jirusalem gherokadako, tâkhni bujhipehaʹ je ana dhongsonaʹ somai sorre hiʹgekana. 21Ana somai ekeko Jihudiâre tahankohaʹ angkodo jate burute nir caʹmako. Ekeko sohor talare tahankohaʹ angkodo jate sohornaʹ barhete nir caʹmako. Ekeko ṭolare tahankohaʹ angkodo sohorte jate bang caʹmako. 22Karon tâkhni sâstinaʹ somai, pobitro sastrore ja ol menaʹa anako purunaʹ somai. 23Botor, ekeko ana dinkore hamal hormo tahankohaʹ ar ekekote gidrâko koramnaʹ toa khaokokohaʹ angko gidrâoaʹ ar engataʹ aima kosṭo hoʹtakohaʹ karon tâkhni dhârtire aima marang kosṭo ar nako jâtko cetanre Issoraʹ aima edre hijuʹhaʹ. 24Âdmikodo taloarnaʹ aghatte gojoʹkohaʹ ar bundiketeʹ sanam jâtkoṭheʹ enge hoʹhaʹ, ar Ojihudikoaʹ somai bang purunoʹ dhâbiʹ Jirusalemdo Ojihudikoṭheʹ lebetʹsoʹkohaʹ.
25Ar sing cando, cando ar ipilko talare aima cinhâ lel namoʹhaʹ, ar dhârtiren sanam jât kosṭo namkohaʹ ar angkodo ganga ar ḍheonaʹ saṛe atenketeʹ botorte aima osthiroʹkohaʹ. 26Botorte ar dhârtire akako ghoṭoʹa ananaʹ katha bhabnaketeʹ âdmiko oggenoʹako, karon sermanaʹ sanam sukti hilu rakaboʹhaʹ. 27Ar ana somai sanamkhoiʹte Âdmi Hopon marang sukti ar mohimate bâdri cetante hijuʹte lel nameikohaʹ. 28Kheʹ niâko sanam ghoṭonako surugenreho bohoʹ rakapketeʹ tengo tahanpe karon apeyaʹ bacoaʹ somai sorre hiʹgekantapeya.
29Ar Ânite angko cedoko laʹte miṭiʹ cetʹaʹ lopor menkede, "Loa dare ar eṭaʹ dareko lelpe. 30Jâkhni anariaʹ sakam orogoʹa, tâkhni ana lelte ape bujhu dareʹpehaʹ je, garam din sorre hiʹgekana. 31Analakagi jâkhni ape lelape niâko ghoṭona ghoṭoʹkana tâkhni baṛe dareʹape je, Issora rajjodo sorre hiʹgekana.
32Ingte ape sârigi metapekâning, tin dhâbiʹ niâ sanam ghoṭona bang ghoṭoʹhaʹ indhâbiʹ niâ kalniʹ âdmikodo oho caboʹako. 33Sorgo ar dhârti cabagenhaʹ kheʹ Ingâʹ katha tisho bang caboʹa.
Sanam somai sapṛo tahenpe
34"Kheʹ apedo nijeyaʹ bisoite sabdhan tahanpe. Jate jom nu, matal ar jiuinaʹ cintâte apeyaʹ mon bang hamaloʹtapeya ar ana din saṭlaka fad laka ape cetanre hiʹketeʹ oho ujugoʹman. 35Miṭiʹ fad laka ana dindo dhârtiren sanam âdmiko cetanre hijuʹhaʹ. 36Kheʹ apedo sanam somai sabdhan tahanpe ar koijongpe, jate akako ghoṭona ghoṭoʹa anako parom laʹte sukti namape ar Âdmi Hopon samangre tengo darenape."
37Ar Ânite sanam dingi Mundir bhitrire cedkosane, ar dinâm nindâ somai barhere caketeʹ Joitun nutumnaʹ burure kaṭesane. 38Ar Âniaʹ katha aten laʹte sanam âdmi aima setaʹre Mundirre caʹsanako.
தற்சமயம் தேர்ந்தெடுக்கப்பட்டது:
Luk 21: EKL
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh
Luk 21
21
Rangeʹ râṛiaʹ dan
(Mothi 12:41-44)
1Jâkhni Jisu Mundirre tahalene, inre Âni lelkede dhuni âdmiko dan baksore angkoaʹ dan dohodako. 2Ar Âni lelkede je, miṭiʹ rangeʹ râṛi barya siki paisa dohokede. 3Tâkhni Jisute Aiʹren celako metakeʹkoe, "Ingte ape sârigi metapekâning, ni rangeʹ râṛi eṭaʹ sanamko khoiʹ aima ḍher dohokede, 4Karon eṭaʹ sanamkogi akoaʹ bâṛti ṭhep paisa khoiʹ dan kadako, kheʹ ni rejaoaʹ obhab tahenreho baco tahan laʹte âniaʹ aka tahalena ananaʹ sanamaʹgi dan baksore dohokede."
Jug caboʹreyaʹ cinhâko
(Mothi 24:1-35; Mark 13:1-31)
5Ar jâkhni koekṭeʹ âdmi Mundirnaʹ bisoite alocona sanako je, "Tinâʹ sundri diri ar Issoraʹ uddessote maonaʹ danna jiniskote dalan kalka sajo hokana!" Tâkhni Jisu menkede,
6"Apegi niâko sanam leldape, emon somoi hijuʹhaʹ, jâkhni niânaʹ miṭiʹ diri eṭaʹ armiṭiʹ diri cetanre oho tahanhaʹ, sanamgi dhongso caboʹhaʹ."
7Angkote Âni kulikidiako, "E Guru, niâko ghoṭonado tisoʹ ghoṭoʹhaʹ? Ar aka cinhât lelketeʹ ale bujhu dareʹlehaʹ je, niâko sanam ghoṭoʹaʹ somoi hiʹkana?"
8Uttore Jisu menkede, "Sabdhan, eketeho jate bang bhulupeyako, karon aima âdmi ingâʹ nutum engeketeʹ hijuʹkohaʹ, menheʹ je, 'Ingi Mosiho, ana somai hiʹkana, apete angko alo panjakoape. 9Ar ape jâkhnigi larhâi ar bidrohonaʹ katha aten namape, tâkhni alo botoroʹape, karon palhe niâko sanam ghoṭoʹhaʹ, kheʹ tâkhnigi je mucit somai anado bang."
10Inâ tayom Jisute angko metakeʹkoe, "Jât biruddhe jât ar rajjonaʹ biruddhe rajjo larhâioʹkohaʹ. 11Aima jagare marang bhumikompo ar akal ar mohamari hoʹhaʹ. Niâ bâgiketeʹ sermare botoranaʹ ghoṭona ghoṭoʹa ar marang cinhât lelnamoʹhaʹ.
12Kheʹ niâko sanam ghoṭoʹ lahare âdmiko ape cetanre ti dohekohaʹ ar ottacar pekohaʹ, ape cetanre ottacar kohaʹ, somaj oraʹre ar jelkhanare bharopekohaʹ. Ingâʹ nutum laʹte ape rajaṭheʹ ar sasoniʹkoṭheʹ idipekohaʹ. 13Anate Ingâʹ bisoite raja ar sasoniʹkoṭheʹ sakkho maʹlaʹte sujuk nampehaʹ. 14Otoeb laha khoiʹ alo cintuʹape je itâʹ uttor maʹpehaʹ. 15Karon ingte ape emon katha ar emon gen mapehuʹ je, aperen sutruko ekeho potirod se uttor bang ma dareʹako. 16Ar aperen âyâ baba, boiha ar mesrako, gate ar apeyaʹ oraʹren eṭaʹ âdmiko ape laite bissâs ghatokketeʹ ape sabso pekohaʹ, emon ki aperen jahegi goiʹ girikoyakohaʹ. 17Ar Ingaʹ nutum laʹte ape sanam ghrinâpekohaʹ. 18Kheʹ apeyaʹ bohoʹnaʹ miṭiʹ upho bang nosṭoʹtapeya. 19Judi ape sahoketeʹ tahenape, tahale apeyaʹ jiui lab pehaʹ.
20Ar ape Jâkhni lelpehaʹ je sonnokote Jirusalem gherokadako, tâkhni bujhipehaʹ je ana dhongsonaʹ somai sorre hiʹgekana. 21Ana somai ekeko Jihudiâre tahankohaʹ angkodo jate burute nir caʹmako. Ekeko sohor talare tahankohaʹ angkodo jate sohornaʹ barhete nir caʹmako. Ekeko ṭolare tahankohaʹ angkodo sohorte jate bang caʹmako. 22Karon tâkhni sâstinaʹ somai, pobitro sastrore ja ol menaʹa anako purunaʹ somai. 23Botor, ekeko ana dinkore hamal hormo tahankohaʹ ar ekekote gidrâko koramnaʹ toa khaokokohaʹ angko gidrâoaʹ ar engataʹ aima kosṭo hoʹtakohaʹ karon tâkhni dhârtire aima marang kosṭo ar nako jâtko cetanre Issoraʹ aima edre hijuʹhaʹ. 24Âdmikodo taloarnaʹ aghatte gojoʹkohaʹ ar bundiketeʹ sanam jâtkoṭheʹ enge hoʹhaʹ, ar Ojihudikoaʹ somai bang purunoʹ dhâbiʹ Jirusalemdo Ojihudikoṭheʹ lebetʹsoʹkohaʹ.
25Ar sing cando, cando ar ipilko talare aima cinhâ lel namoʹhaʹ, ar dhârtiren sanam jât kosṭo namkohaʹ ar angkodo ganga ar ḍheonaʹ saṛe atenketeʹ botorte aima osthiroʹkohaʹ. 26Botorte ar dhârtire akako ghoṭoʹa ananaʹ katha bhabnaketeʹ âdmiko oggenoʹako, karon sermanaʹ sanam sukti hilu rakaboʹhaʹ. 27Ar ana somai sanamkhoiʹte Âdmi Hopon marang sukti ar mohimate bâdri cetante hijuʹte lel nameikohaʹ. 28Kheʹ niâko sanam ghoṭonako surugenreho bohoʹ rakapketeʹ tengo tahanpe karon apeyaʹ bacoaʹ somai sorre hiʹgekantapeya.
29Ar Ânite angko cedoko laʹte miṭiʹ cetʹaʹ lopor menkede, "Loa dare ar eṭaʹ dareko lelpe. 30Jâkhni anariaʹ sakam orogoʹa, tâkhni ana lelte ape bujhu dareʹpehaʹ je, garam din sorre hiʹgekana. 31Analakagi jâkhni ape lelape niâko ghoṭona ghoṭoʹkana tâkhni baṛe dareʹape je, Issora rajjodo sorre hiʹgekana.
32Ingte ape sârigi metapekâning, tin dhâbiʹ niâ sanam ghoṭona bang ghoṭoʹhaʹ indhâbiʹ niâ kalniʹ âdmikodo oho caboʹako. 33Sorgo ar dhârti cabagenhaʹ kheʹ Ingâʹ katha tisho bang caboʹa.
Sanam somai sapṛo tahenpe
34"Kheʹ apedo nijeyaʹ bisoite sabdhan tahanpe. Jate jom nu, matal ar jiuinaʹ cintâte apeyaʹ mon bang hamaloʹtapeya ar ana din saṭlaka fad laka ape cetanre hiʹketeʹ oho ujugoʹman. 35Miṭiʹ fad laka ana dindo dhârtiren sanam âdmiko cetanre hijuʹhaʹ. 36Kheʹ apedo sanam somai sabdhan tahanpe ar koijongpe, jate akako ghoṭona ghoṭoʹa anako parom laʹte sukti namape ar Âdmi Hopon samangre tengo darenape."
37Ar Ânite sanam dingi Mundir bhitrire cedkosane, ar dinâm nindâ somai barhere caketeʹ Joitun nutumnaʹ burure kaṭesane. 38Ar Âniaʹ katha aten laʹte sanam âdmi aima setaʹre Mundirre caʹsanako.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh