Luk 20
20
Probhu Jisu ar dhormonetako
(Mothi 21:23-27; Mark 11:27-33)
1Miʹdin Jisute Mundirre âdmiko cedkosane ar manja khobor lâikosane. Emon somai marang purohitko ar dhormoren masṭarko, harme netako hiʹnako. 2Angkodo Jisu metakidiako, "Aka khomotate Am nako rikâdam ar ekete Am na khomota makaʹmie, ana ale metalem?"
3Uttorre Jisute angko metakeʹkoe, "Ingteho ape miṭiʹ katha kulipeing. Lâipese. 4Bâptisma maʹ odhikar Johon Issorṭheʹ khoiʹ namlede, Se âdmiṭheʹ khoi namlede?"
5Tâkhni angko nijeko talare niâ alaplaʹ lagonako, "Judi ale menale, 'Issorṭheʹ khoiʹ,' Tahale Âni mene apete Âni bang pâtyukâdiape ceklaʹ?" 6Kheʹ judi ale menale, "Âdmiṭheʹ khoiʹ," Tahale âdmikote abo dirite capatbokohaʹ, ceklaʹ bang angkote Johon nâbi mente pâtyuiko." 7Niâ laʹte angko menkedako, "Ana odhikar aka khoiʹ hiʹlena ale ana bang baṛeyale."
8Jisute angko metakeʹkoe, "Tahale Ingho bang mening, aka khomotate Ing nako rikâding."
Ânggurnaʹ khetre pâṭkoaʹ cetʹaʹ lopor
(Mothi 21:33-46; Mark 12:1-12)
9Niâ tayom Jisute âdmiko cedkolaʹte niâ cetʹaʹ lopor lâiokoe, "Miṭiʹ âdmi miṭiʹ ânggur khet rikâkede ar pâṭkoṭheʹ ana âdhi maketeʹ aima din laʹte bides cagene. 10Jo godaʹ somai holenkheʹ tayomte âni ana ânggur khetnaʹ jonaʹ bhag namlaʹte somai lakagi miṭiʹ kâmi âdmi pâṭkoṭheʹ kolkidie, kheʹ pâṭkote âni dalbaraketeʹ eken tite kolkidiako. 11Tâkhni ânite ar miṭiʹ kâmi âdmi kolkidie, kheʹ pâṭkote âniho dalkidiako ar opoman kidiako ar eken tite kolkidiako. 12Tayomte ânite tesar kâmi âdmi kolkidie, kheʹ pâṭkote âniho aima dalketeʹ tâṛyukidiâko.
13"Tâkhni ânggur khetʹni mâlik menkede, 'Itâ ciking? Accha, Ingte Ingren miṭiʹ dulârren gidrâ koleinghuʹ. Hoito angkote Âni sonmanei kohaʹ.' 14Kheʹ pâṭkote Âni lelketeʹ, miʹhorte ar miʹhor menjongsanako, Nigi tayomte khetʹ mâlik hoʹheʹ, khetʹ jate aboaʹgi hoʹa analaʹte hijuʹpe abote Âni goiʹ giriabo. 15Niâ mente angko Âni sabketeʹ khetʹna baherre ṭano idiketeʹ goiʹkidiâko.
Tâkhni Jisu baṛelaʹ koikede, "Nitoʹ ânggur khetʹren mâlik angko pâṭko cikâkoheʹ? 16Âni hiʹketeʹ angko goiʹ girikoheʹ ar ânggur khetʹ eṭaʹ hor âdhi makoheʹ."
Âdmiko Jisuoaʹ katha atenketeʹ menkedako, "Nengka bang hoʹman!" 17Tâkhni Jisu angko hate koyoʹketeʹ menkede, "Tahale niâ je katha pobitro sastrore ol menaʹa,
'Rajmistriko aka marang konanaʹdiri bâtilgiriledako, Anagi sanamkhoiʹ dorkarnaʹ diriketeʹ rakapna, niânaʹ mane itâ?'#Siringko 118:22
18Jahegi ana diri cetanre ujugoʹkohaʹ âni râputʹketeʹ ṭukrâ ṭukrâgenheʹ ar jeyaʹ cetanre ana diri ujugoʹhaʹ ânido gejergenheʹ."
19Inâ somaire ânren masṭarko ar marang purohitkote Jisu sabeilaʹ namkedako, karon angko bujhuledako je, niâ cetʹaʹ lopor Jisu angko biruddhegi menkade, kheʹ angkote âdmiko aima botorkosanako.
Ṭeks maʹaʹ bisoite cedaʹ
(Mothi 22:15-22; Mark 12:13-17)
20Ânren masṭarko ar marang purohitkote Jisu metʹ metʹte dohokidiako ar goenda kolkeʹkoako. Jisudo Aiaʹ nijeyaʹ kathanaʹ fadre girilaʹte angko goenda dhârmik âdmiaʹ bhanlaʹ lagonako, jate angkote Âni marang sasoniʹoaʹ khomota ar bicârnaʹ odhinre sabso dareyako. 21Analaʹte angko Âni metakidiako, "Guru, ale baṛeyale je, Am ja menam ar cedaʹ makoam ana ṭhik. Am sanam khoiʹgi soman metʹte lelkoam ar sâri lakagi Issoraʹ ḍaharnaʹ bisoite cedaʹ makoam. 22Accha, Mosiaʹ ân lakate Romio raja ki khajna mailaʹ ucit?"
23Kheʹ Jisu angkoaʹ calaki bujhunamketeʹ menkede, 24"Ing miṭiʹ rupânaʹ dinâr lelsongpe. Niâ cetanre chubi ar nutum ekeyaʹkana?"
Angko menkedako, "Romio rajaoaʹ!"
25Jisute angko metakeʹkoe, "Tahale akaṭaʹ Romio rajaoaʹkana anado rajagi maipe ar akaṭaʹ Issoraʹkana anado Issorgi maipe."
26Âdmiko samangre Jisu aka menlede anate goendako Âni Aiaʹ kathanaʹ fadre bang giri dare lidiako. Âniaʹ uttorre asarjoketeʹ angko thirnako.
Jiuitʹ rakab bisoite ceda
(Mothi 22:23-33; Mark 12:18-27)
27Suddukiko talakhoiʹ koekṭeʹ âdmi Jisuṭheʹ hiʹnako. Suddukido menako goiʹ khoiʹ jiuitʹ beretʹ mente itâʹgi bâʹniʹ. 28Angko hiʹketeʹ Jisu kuli kidiako, "Guru, Mosi abo laʹte niâ katha olketeʹ doholede je, begor gidrâ obosthare judi eke âdmi âniren girthân bâgiketeʹ judi âni gojoʹe, tahale âniren boihate âni reja baplaketeʹ aiʹren dadataʹ gusṭi rokkhaye. 29Bes manjagito, satṭeʹ boiha tahalenako. Palhe boiha baplaketeʹ begorgidrâtigi goiʹgene. 30Dosra boihate tâkhni âni râṛi baplakidie. 31Niâ tayom tesar boihate, niâ lakaketeʹ satṭeʹtigi miṭiʹ girthângi bapla kidiako ar angko sanamgi begor gidrâ janamtigi goiʹgenako. 32Mucitre âni rejaho goiʹ gene. 33Nitoʹ goiʹ khoiʹ jiuitʹ beretʹ tayom âni râṛi reja ekeren girthân hoʹheʹ? Karon satṭeʹ boiha tigito âni bapla lidiako?"
34Tâkhni Jisu menkede, "Niâ jugren âdmikogi baploʹako ar angkodo baplo mahoʹa. 35Kheʹ ekeko goiʹ khoiʹ jiuitʹ beretoʹkohaʹ ar samnenaʹ jugre joggo menketeʹ jeko saboʹkohaʹ, angko âdmikodo bang baploʹako ar baploho ma bang hoʹa. 36Angko ar bang goiʹ darenako, karon angko sorgodutko laka, goiʹ khoiʹ jiuitʹ beretʹkanako mente angkodo Issorren gidrâkanako. 37Joloʹ sengel jhâilânaʹ bisoite jeṭheʹ ol menaʹa, aṛe Mositeho uduʹkaʹkoe je, goiʹonkhoiʹ sâriaʹgi jiuitʹ beretako. Aṛe Mosi, Probhu Issor, Abrahamren Issor, Isahakren Issor ar Jakobren Issor mente ṭâhudie. 38Issor goiʹ âdmiren Issor bangkane, âni jiuitʹ âdmirengi Issor, karon âniaʹ napamtigi sanam âdmi baco tahenako."
39Tâkhni koekṭeʹ ânren masṭar menkedako, "Guru, Amdo ṭhikgi menkadam!" 40Angkote ar itâʹgi Jisu kulilaʹ sâhus bang namledako.
Mosihodo ekeren hoponkane?
(Mothi 22:41-46; Mark 12:35-37)
41Jisute angko ânren masṭarko metakeʹkoe, "Âdmiko kalkate menako je, Khrisṭokane Dâudren bongsodhor? 42Karon Siringkorenaʹ boiṛe Dâud nijegi menkade,
'Probhute ingren Probhu metakidie, ingâʹ jojma hatere durubob,'
43tindhâbiʹ bang ingte amren dusmânko amaʹ janga doheyaʹ jaga banokoing,#Siringko 110:1
44Dâudto Mosihote 'Probhu' mente ṭâhukâdie, tahale Mosi akalakaketeʹ Dâudren gusṭi hodareʹe?"
Ânren masṭarko somporke sotorko
(Mothi 23:1-36; Mark 12:38-40; Luk 11:37-54)
45Âdmiko jâkhni Jisuoaʹ katha atensanako tâkhni Jisute Aiʹren celako metakeʹkoe, 46"Dhormo masṭarko khoiʹ sabdhanoʹpe, angkodo jeleng jeleng lugricitʹriʹ sorogako, ar hâṭiâ bajarre âdmikoaʹ sonman namlaʹ namako. Ar angkodo somaj oraʹre marang marang jagare ar bhojnaʹ somai sonmannaʹ jagare duruʹlaʹ namako. 47Angkodo miʹhate âdmi lelsokolaʹte jeleng jeleng koijongako, armiʹhate râṛikoaʹ oraʹko dokholako. Nako âdmiaʹdo aima ḍer sâsti hoʹtakohaʹ."
தற்சமயம் தேர்ந்தெடுக்கப்பட்டது:
Luk 20: EKL
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh
Luk 20
20
Probhu Jisu ar dhormonetako
(Mothi 21:23-27; Mark 11:27-33)
1Miʹdin Jisute Mundirre âdmiko cedkosane ar manja khobor lâikosane. Emon somai marang purohitko ar dhormoren masṭarko, harme netako hiʹnako. 2Angkodo Jisu metakidiako, "Aka khomotate Am nako rikâdam ar ekete Am na khomota makaʹmie, ana ale metalem?"
3Uttorre Jisute angko metakeʹkoe, "Ingteho ape miṭiʹ katha kulipeing. Lâipese. 4Bâptisma maʹ odhikar Johon Issorṭheʹ khoiʹ namlede, Se âdmiṭheʹ khoi namlede?"
5Tâkhni angko nijeko talare niâ alaplaʹ lagonako, "Judi ale menale, 'Issorṭheʹ khoiʹ,' Tahale Âni mene apete Âni bang pâtyukâdiape ceklaʹ?" 6Kheʹ judi ale menale, "Âdmiṭheʹ khoiʹ," Tahale âdmikote abo dirite capatbokohaʹ, ceklaʹ bang angkote Johon nâbi mente pâtyuiko." 7Niâ laʹte angko menkedako, "Ana odhikar aka khoiʹ hiʹlena ale ana bang baṛeyale."
8Jisute angko metakeʹkoe, "Tahale Ingho bang mening, aka khomotate Ing nako rikâding."
Ânggurnaʹ khetre pâṭkoaʹ cetʹaʹ lopor
(Mothi 21:33-46; Mark 12:1-12)
9Niâ tayom Jisute âdmiko cedkolaʹte niâ cetʹaʹ lopor lâiokoe, "Miṭiʹ âdmi miṭiʹ ânggur khet rikâkede ar pâṭkoṭheʹ ana âdhi maketeʹ aima din laʹte bides cagene. 10Jo godaʹ somai holenkheʹ tayomte âni ana ânggur khetnaʹ jonaʹ bhag namlaʹte somai lakagi miṭiʹ kâmi âdmi pâṭkoṭheʹ kolkidie, kheʹ pâṭkote âni dalbaraketeʹ eken tite kolkidiako. 11Tâkhni ânite ar miṭiʹ kâmi âdmi kolkidie, kheʹ pâṭkote âniho dalkidiako ar opoman kidiako ar eken tite kolkidiako. 12Tayomte ânite tesar kâmi âdmi kolkidie, kheʹ pâṭkote âniho aima dalketeʹ tâṛyukidiâko.
13"Tâkhni ânggur khetʹni mâlik menkede, 'Itâ ciking? Accha, Ingte Ingren miṭiʹ dulârren gidrâ koleinghuʹ. Hoito angkote Âni sonmanei kohaʹ.' 14Kheʹ pâṭkote Âni lelketeʹ, miʹhorte ar miʹhor menjongsanako, Nigi tayomte khetʹ mâlik hoʹheʹ, khetʹ jate aboaʹgi hoʹa analaʹte hijuʹpe abote Âni goiʹ giriabo. 15Niâ mente angko Âni sabketeʹ khetʹna baherre ṭano idiketeʹ goiʹkidiâko.
Tâkhni Jisu baṛelaʹ koikede, "Nitoʹ ânggur khetʹren mâlik angko pâṭko cikâkoheʹ? 16Âni hiʹketeʹ angko goiʹ girikoheʹ ar ânggur khetʹ eṭaʹ hor âdhi makoheʹ."
Âdmiko Jisuoaʹ katha atenketeʹ menkedako, "Nengka bang hoʹman!" 17Tâkhni Jisu angko hate koyoʹketeʹ menkede, "Tahale niâ je katha pobitro sastrore ol menaʹa,
'Rajmistriko aka marang konanaʹdiri bâtilgiriledako, Anagi sanamkhoiʹ dorkarnaʹ diriketeʹ rakapna, niânaʹ mane itâ?'#Siringko 118:22
18Jahegi ana diri cetanre ujugoʹkohaʹ âni râputʹketeʹ ṭukrâ ṭukrâgenheʹ ar jeyaʹ cetanre ana diri ujugoʹhaʹ ânido gejergenheʹ."
19Inâ somaire ânren masṭarko ar marang purohitkote Jisu sabeilaʹ namkedako, karon angko bujhuledako je, niâ cetʹaʹ lopor Jisu angko biruddhegi menkade, kheʹ angkote âdmiko aima botorkosanako.
Ṭeks maʹaʹ bisoite cedaʹ
(Mothi 22:15-22; Mark 12:13-17)
20Ânren masṭarko ar marang purohitkote Jisu metʹ metʹte dohokidiako ar goenda kolkeʹkoako. Jisudo Aiaʹ nijeyaʹ kathanaʹ fadre girilaʹte angko goenda dhârmik âdmiaʹ bhanlaʹ lagonako, jate angkote Âni marang sasoniʹoaʹ khomota ar bicârnaʹ odhinre sabso dareyako. 21Analaʹte angko Âni metakidiako, "Guru, ale baṛeyale je, Am ja menam ar cedaʹ makoam ana ṭhik. Am sanam khoiʹgi soman metʹte lelkoam ar sâri lakagi Issoraʹ ḍaharnaʹ bisoite cedaʹ makoam. 22Accha, Mosiaʹ ân lakate Romio raja ki khajna mailaʹ ucit?"
23Kheʹ Jisu angkoaʹ calaki bujhunamketeʹ menkede, 24"Ing miṭiʹ rupânaʹ dinâr lelsongpe. Niâ cetanre chubi ar nutum ekeyaʹkana?"
Angko menkedako, "Romio rajaoaʹ!"
25Jisute angko metakeʹkoe, "Tahale akaṭaʹ Romio rajaoaʹkana anado rajagi maipe ar akaṭaʹ Issoraʹkana anado Issorgi maipe."
26Âdmiko samangre Jisu aka menlede anate goendako Âni Aiaʹ kathanaʹ fadre bang giri dare lidiako. Âniaʹ uttorre asarjoketeʹ angko thirnako.
Jiuitʹ rakab bisoite ceda
(Mothi 22:23-33; Mark 12:18-27)
27Suddukiko talakhoiʹ koekṭeʹ âdmi Jisuṭheʹ hiʹnako. Suddukido menako goiʹ khoiʹ jiuitʹ beretʹ mente itâʹgi bâʹniʹ. 28Angko hiʹketeʹ Jisu kuli kidiako, "Guru, Mosi abo laʹte niâ katha olketeʹ doholede je, begor gidrâ obosthare judi eke âdmi âniren girthân bâgiketeʹ judi âni gojoʹe, tahale âniren boihate âni reja baplaketeʹ aiʹren dadataʹ gusṭi rokkhaye. 29Bes manjagito, satṭeʹ boiha tahalenako. Palhe boiha baplaketeʹ begorgidrâtigi goiʹgene. 30Dosra boihate tâkhni âni râṛi baplakidie. 31Niâ tayom tesar boihate, niâ lakaketeʹ satṭeʹtigi miṭiʹ girthângi bapla kidiako ar angko sanamgi begor gidrâ janamtigi goiʹgenako. 32Mucitre âni rejaho goiʹ gene. 33Nitoʹ goiʹ khoiʹ jiuitʹ beretʹ tayom âni râṛi reja ekeren girthân hoʹheʹ? Karon satṭeʹ boiha tigito âni bapla lidiako?"
34Tâkhni Jisu menkede, "Niâ jugren âdmikogi baploʹako ar angkodo baplo mahoʹa. 35Kheʹ ekeko goiʹ khoiʹ jiuitʹ beretoʹkohaʹ ar samnenaʹ jugre joggo menketeʹ jeko saboʹkohaʹ, angko âdmikodo bang baploʹako ar baploho ma bang hoʹa. 36Angko ar bang goiʹ darenako, karon angko sorgodutko laka, goiʹ khoiʹ jiuitʹ beretʹkanako mente angkodo Issorren gidrâkanako. 37Joloʹ sengel jhâilânaʹ bisoite jeṭheʹ ol menaʹa, aṛe Mositeho uduʹkaʹkoe je, goiʹonkhoiʹ sâriaʹgi jiuitʹ beretako. Aṛe Mosi, Probhu Issor, Abrahamren Issor, Isahakren Issor ar Jakobren Issor mente ṭâhudie. 38Issor goiʹ âdmiren Issor bangkane, âni jiuitʹ âdmirengi Issor, karon âniaʹ napamtigi sanam âdmi baco tahenako."
39Tâkhni koekṭeʹ ânren masṭar menkedako, "Guru, Amdo ṭhikgi menkadam!" 40Angkote ar itâʹgi Jisu kulilaʹ sâhus bang namledako.
Mosihodo ekeren hoponkane?
(Mothi 22:41-46; Mark 12:35-37)
41Jisute angko ânren masṭarko metakeʹkoe, "Âdmiko kalkate menako je, Khrisṭokane Dâudren bongsodhor? 42Karon Siringkorenaʹ boiṛe Dâud nijegi menkade,
'Probhute ingren Probhu metakidie, ingâʹ jojma hatere durubob,'
43tindhâbiʹ bang ingte amren dusmânko amaʹ janga doheyaʹ jaga banokoing,#Siringko 110:1
44Dâudto Mosihote 'Probhu' mente ṭâhukâdie, tahale Mosi akalakaketeʹ Dâudren gusṭi hodareʹe?"
Ânren masṭarko somporke sotorko
(Mothi 23:1-36; Mark 12:38-40; Luk 11:37-54)
45Âdmiko jâkhni Jisuoaʹ katha atensanako tâkhni Jisute Aiʹren celako metakeʹkoe, 46"Dhormo masṭarko khoiʹ sabdhanoʹpe, angkodo jeleng jeleng lugricitʹriʹ sorogako, ar hâṭiâ bajarre âdmikoaʹ sonman namlaʹ namako. Ar angkodo somaj oraʹre marang marang jagare ar bhojnaʹ somai sonmannaʹ jagare duruʹlaʹ namako. 47Angkodo miʹhate âdmi lelsokolaʹte jeleng jeleng koijongako, armiʹhate râṛikoaʹ oraʹko dokholako. Nako âdmiaʹdo aima ḍer sâsti hoʹtakohaʹ."
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh