Johon 7
7
Jirusalemre maonaʹ Jisuoaʹ upodes
1Niâ tayom Jisu Gâlil disâmnaʹ talare âcur beroʹla lagone. Jihudi netate Âni gojeilaʹ namsanako mente Ânido Jihudiâ disâmre bang caʹla namlede.
2Tâkhni Jihudikoaʹ ḍhakonaʹ porobnaʹ somai hiʹngelena. 3Tâkhni Jisuren boihakote Âni metakidiako, "Niâ jaga bâgiketeʹ Jihudiâre cangen, jate am jeko kâmidam ana amren celako lelnamako. 4Judi jahegi koiako âdmite âni baṛeimanako tahale ânido baiketeʹ itâʹgi bang rikie. Am jâkhni niâko kâmi rikâdam tâkhni dhârtiniʹ âdmiko samanere nijegi udugob." 5Asolredo Jisuren boihakoho Âni cetanredo bang pâtyuʹsanako.
6Tâkhni Jisute angko metakeʹkoe, "Ingâʹ somai nitho âuri hijuʹa, kheʹ apeyaʹto osomai mente itâʹgi bânuʹa. 7Dhârtiren âdmite ape bang ghinâ darepeyako kheʹ Ing ghinângako, karon Ingdo angkoaʹ bisoite niâ sakkho maʹing je, angkoaʹ sanam kâmigi kharapgitakoa. 8Apegi porobre caʹpe. Ingâʹ somai nitho âuri puronoʹa mente Ingdo nitdo oho caʹing." 9Niâko katha menketeʹ Jisu Gâlilrigi tahangene.
10Kheʹ Âniren boihako porobre ca tayom Âniho aṛe cane, sorasorido bang kheʹ baiketeʹ cane. 11Porobnaʹ somaire Jihudi netakodo Jisuoaʹ khojla lagonako ar menlaʹ lagonako, "Âni âdmido akare?"
12Bhiṛ talare âdmiko Âni somporke gangante aloconelaʹ lagonako. Aima âdmi menkedako, "Ânido miṭiʹ manja âdmikane." Abar ekekodo menkedako, "Ânitedo âdmiko bhulukokane." 13Kheʹ Jihudi netakoaʹ botorte ekegi sorasoriketeʹ Âniaʹ bisoite itâʹgi bang menledako.
Bhojnaʹ somai Probhu Jisuoaʹ cedaʹ
14Ana porobnaʹ majhamâjhi somai jâkhni hona tâkhni Jisu Mundirre caketeʹ cetʹokolaʹ lagone. 15Jihudi netako asarjonako ar menlaʹ lagonako, "Nâi âdmi jahanaʹ cetaʹ bang engeketeʹ kalkate niâko somporke baṛeye?"
16Jisute angko metakeʹkoe, "Ingte je cetʹa makoing ana Ingâʹ nijeyaʹdo bangkana, kheʹ Issorte Ing kolkâdinge, Âniaʹgiâ. 17Judi jahegi Âniaʹ icchâ palonlaʹ namako tahale ânido bujhu dareʹheʹ je, niâ cetaʹ Issorṭheʹ khoiʹ hiʹkana, se Ing nije khoiʹ mending. 18Je nije khoiʹ katha mene ânido aiaʹ nijeyagi prosongselaʹ kurumuṭie, kheʹ jete kolkâdinge, jahe judi Âniaʹ prosongselaʹ kurumuṭie tahale ânido sottobâdigie ar âniaʹ monre jahanlakanaʹ cholonagi bânuʹtaia. 19Mosite ki ape ân bang makaʹpeye? Kheʹ ape talare ekegi ana ân bang palonkadako. Tahale ceklaʹ apete Ing gojenglaʹ kurumuṭudape?"
20Âdmiko menkedako, "Am kharap attate namkaʹmie, ekete am goiʹ girimlaʹ kurumuṭudako?"
21Jisute angko metakeʹkoe, "Ingdo miṭiʹ asarjonaʹ kâmikâding, ar analaʹte ape sanamkhoiʹ asarjokanape. 22Mosite ape sunnot#7:22 Sunnotnaʹ mane hoʹkana Jihudikoaʹ miṭiʹ onusṭhan je onusṭhanre harta getʹ hoʹa. pelaʹte niom makapeye, ar ana sunnot ape jiruʹaʹ dinreho rikiape. Obosso na niom Mosiṭheʹ khoiʹdo bang hiʹkâniʹ kheʹ laharen âdmikoṭheʹ khoiʹ hiʹkâniʹ. 23Mosiaʹ ân bang râpud laʹte judi jiruʹaʹ dinreho kâṭiʹ kora gidrâkoaʹ sunnot rikâ jutuʹa, tahale Ingte jiruʹaʹdinre miṭiʹ âdmi manjakâdiying mente ape Ing cetanre edrenkanape ceklaʹ? 24Barhenaʹ cehara lelketeʹ alo bicârape borong neilakaketeʹ bicârpe.
25Tâkhni Jirusalemren koekṭe âdmi menkedako, "Je netakote gojeilaʹ namsanako, Nâido ki Âni âdmi bangkane? 26Kheʹ Ânito khulâsatigi katha mende ar angko netatedo Âni itâʹgi bang metaikanako. Tahale sâriaʹgi ki angko baṛe darekadako je, ni âdmigi Khrisṭokane? 27Kheʹ aboto baṛeyabo Nâi akare khoiʹ hiʹkane. Kheʹ Khrisṭo jâkhni hijuʹheʹ tâkhni ekeho oho baṛeyako Ânido akare khoiʹ hijuʹheʹ."
28Niâtayom Jisute Mundirre cetʹoko somai jore jore menkede, "Ape monepe je, Ingho baṛengape, ar Ing akare khoiʹ hiʹkâning anaho baṛeyape. Kheʹ Ingdo nije khoiʹdo bang hiʹkâning, sâriyiʹ Issorte Ingdo kolkâdinge. 29Ânido apete bang baṛeyape kheʹ Ingte Ânido baṛeing, karon Ingdo âniṭheʹ khoiʹ hiʹkâning ar Ânitigi Ing kolkâdinge."
30Nate angko âdmite Jisu sabeilaʹ namkedako, kheʹ tâkhniho Âniaʹ somai bang hokana mente ekeho Âniaʹ hormore ti bang maledako. 31Tahale âdmiko talaren aima horgi Jisu cetanre pâtyunako ar menkedako, "Nigito aima asarjo kâmi rikâlede. Khrisṭo hiʹketeʹ nâi khoiʹ ki bisi asarjo kâmi rikiheʹ?"
32Âdmiko je Jisu somporke niâko sanam katha men beradako ana Forisiko aten namkedako. Tâkhni marang purohit ar Forisikote Jisu sabei laʹte koekṭeʹ kormocâriko kolkeʹkoako. 33Jisu menkede, "Ingdo ar ḍher din ape talare bânungâ. Niâtayom jete Ing kolkâdinge Ing âniṭheʹ cagenhuʹ. 34Apete Ing senrangpehaʹ kheʹ bang namengape ar Ing jeṭheʹ tahanhuʹ ape aṛe hiʹho bang darenape."
35Jisuoaʹ niâ katha atenkete Jihudi netako nijeyaʹ talare loporlaʹ lagonako, "Nâi âdmi akare caʹheʹ je, abote Âni sendraketeʹ oho nameiabo? Ojihudi talare je Jihudiko pasno menaʹkoa, Âni ki aṛe caketeʹ Ojihudiko cetʹokoheʹ? 36Âni je menkede, 'Apete Ing sendrangpehaʹ kheʹ bang namengape, ar Ing jeṭheʹ tahanhuʹ ape aṛe oho hiʹ darenape,' niâ kathanaʹ manedo itâ?"
Jisu jiuitʹ daʹnaʹ bisoite menkede
37Porobnaʹ mucitʹ dingi tahalena marang din. Ana din Jisu tengoketeʹ jore jore menkede, "Jahegi judi tetangiâ tahale ânido Ingṭheʹ hiʹketeʹ nuketeʹ caʹmane. 38Je Ing cetanre pâtyuako, Pobitro Sastronaʹ katha laka âniaʹ ontor khoiʹ jiuitʹ daʹna ganga âtuʹtigi tahanhaʹ."
39Jisu cetanre pâtyuketeʹ jete Pobitro Atta nameikohaʹ âni Pobitro attaoaʹ bisoite Jisu niâ katha menkede. Pobitro atta tâkhniho bang ma hokana karon tâkhniho Jisu Aiaʹ mohima bang âcur namkade.
Âdmiko talare motnaʹ omil
40Niâko sanam katha atenketeʹ âdmiko talaniʹ koekṭeʹ menkedako, "Sâriaʹgi nigie âni nâbi."
41Eṭaʹonkhoiʹ menkedako, "Nigie Khrisṭo."
Kheʹ ekekodo kulikedako, "Khrisṭo ki Gâlil oncol khoiʹ hijuʹheʹ? 42Pobitro Sastro ki bang menkade, Dâud je ṭolare tahansane ana Bethlehemre ar âniaʹ bongsorigi Khrisṭodo janamoʹheʹ?"
43Nengkaketeʹgi âdmiko talare Jisuoaʹ bisoi laite miṭiʹ motnaʹ omil lelnamna. 44Koekṭeʹte Jisu sabeilaʹ namkedako kheʹ ekegi Âniaʹ hormore ti bang maledako.
45Mundirren ekeko kormocâri kolholena angkodo marang purohit ar Forisikoṭheʹ âcur hiʹnako. Tâkhni angkote angko kulikeʹkoako, "Ânido ceklaʹ bang âgukâdiape?"
46Angko kormocâriko menkedako, "Âni âdmi alkaketeʹ katha mene ar ekeho tinreho bang menkadako."
47Niâte Forisikote angko jogeiʹko metakeʹkoako, "Apeho ki ṭhakongenape?" 48Netako talaniʹ se Forisiko talaniʹ ekegito Âni cetanre bang pâtyulenako. 49Kheʹ neko je sadharon âdmiko, nengkoto Mosiaʹ ân bang baṛeyako, nengko cetanre sarap menaʹa.
50Nikodim, je lahate Jisuṭheʹ calene, ânido tahalene nengko Forisiko talani miʹhor. 51Ânido menkede, "Jaheyaʹ mocanaʹ katha bang atenketeʹ ar âni itâʹ rikâkade ana bang baṛeketeʹ jahegi sâsti manaʹ bebostha ki Mosiaʹ ânre menaʹa?"
52Forisikote Nikodim metakidiako, "Amho ki Gâlil khoiʹ hiʹkanam? Pobitro Sastrore sendraketeʹ lelpe, Gâlilre eke nâbiaʹgi janamnaʹ katha bânuʹa." 53Niâtayom âdmiko akoaʹ oraʹre cagenako.
தற்சமயம் தேர்ந்தெடுக்கப்பட்டது:
Johon 7: EKL
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh
Johon 7
7
Jirusalemre maonaʹ Jisuoaʹ upodes
1Niâ tayom Jisu Gâlil disâmnaʹ talare âcur beroʹla lagone. Jihudi netate Âni gojeilaʹ namsanako mente Ânido Jihudiâ disâmre bang caʹla namlede.
2Tâkhni Jihudikoaʹ ḍhakonaʹ porobnaʹ somai hiʹngelena. 3Tâkhni Jisuren boihakote Âni metakidiako, "Niâ jaga bâgiketeʹ Jihudiâre cangen, jate am jeko kâmidam ana amren celako lelnamako. 4Judi jahegi koiako âdmite âni baṛeimanako tahale ânido baiketeʹ itâʹgi bang rikie. Am jâkhni niâko kâmi rikâdam tâkhni dhârtiniʹ âdmiko samanere nijegi udugob." 5Asolredo Jisuren boihakoho Âni cetanredo bang pâtyuʹsanako.
6Tâkhni Jisute angko metakeʹkoe, "Ingâʹ somai nitho âuri hijuʹa, kheʹ apeyaʹto osomai mente itâʹgi bânuʹa. 7Dhârtiren âdmite ape bang ghinâ darepeyako kheʹ Ing ghinângako, karon Ingdo angkoaʹ bisoite niâ sakkho maʹing je, angkoaʹ sanam kâmigi kharapgitakoa. 8Apegi porobre caʹpe. Ingâʹ somai nitho âuri puronoʹa mente Ingdo nitdo oho caʹing." 9Niâko katha menketeʹ Jisu Gâlilrigi tahangene.
10Kheʹ Âniren boihako porobre ca tayom Âniho aṛe cane, sorasorido bang kheʹ baiketeʹ cane. 11Porobnaʹ somaire Jihudi netakodo Jisuoaʹ khojla lagonako ar menlaʹ lagonako, "Âni âdmido akare?"
12Bhiṛ talare âdmiko Âni somporke gangante aloconelaʹ lagonako. Aima âdmi menkedako, "Ânido miṭiʹ manja âdmikane." Abar ekekodo menkedako, "Ânitedo âdmiko bhulukokane." 13Kheʹ Jihudi netakoaʹ botorte ekegi sorasoriketeʹ Âniaʹ bisoite itâʹgi bang menledako.
Bhojnaʹ somai Probhu Jisuoaʹ cedaʹ
14Ana porobnaʹ majhamâjhi somai jâkhni hona tâkhni Jisu Mundirre caketeʹ cetʹokolaʹ lagone. 15Jihudi netako asarjonako ar menlaʹ lagonako, "Nâi âdmi jahanaʹ cetaʹ bang engeketeʹ kalkate niâko somporke baṛeye?"
16Jisute angko metakeʹkoe, "Ingte je cetʹa makoing ana Ingâʹ nijeyaʹdo bangkana, kheʹ Issorte Ing kolkâdinge, Âniaʹgiâ. 17Judi jahegi Âniaʹ icchâ palonlaʹ namako tahale ânido bujhu dareʹheʹ je, niâ cetaʹ Issorṭheʹ khoiʹ hiʹkana, se Ing nije khoiʹ mending. 18Je nije khoiʹ katha mene ânido aiaʹ nijeyagi prosongselaʹ kurumuṭie, kheʹ jete kolkâdinge, jahe judi Âniaʹ prosongselaʹ kurumuṭie tahale ânido sottobâdigie ar âniaʹ monre jahanlakanaʹ cholonagi bânuʹtaia. 19Mosite ki ape ân bang makaʹpeye? Kheʹ ape talare ekegi ana ân bang palonkadako. Tahale ceklaʹ apete Ing gojenglaʹ kurumuṭudape?"
20Âdmiko menkedako, "Am kharap attate namkaʹmie, ekete am goiʹ girimlaʹ kurumuṭudako?"
21Jisute angko metakeʹkoe, "Ingdo miṭiʹ asarjonaʹ kâmikâding, ar analaʹte ape sanamkhoiʹ asarjokanape. 22Mosite ape sunnot#7:22 Sunnotnaʹ mane hoʹkana Jihudikoaʹ miṭiʹ onusṭhan je onusṭhanre harta getʹ hoʹa. pelaʹte niom makapeye, ar ana sunnot ape jiruʹaʹ dinreho rikiape. Obosso na niom Mosiṭheʹ khoiʹdo bang hiʹkâniʹ kheʹ laharen âdmikoṭheʹ khoiʹ hiʹkâniʹ. 23Mosiaʹ ân bang râpud laʹte judi jiruʹaʹ dinreho kâṭiʹ kora gidrâkoaʹ sunnot rikâ jutuʹa, tahale Ingte jiruʹaʹdinre miṭiʹ âdmi manjakâdiying mente ape Ing cetanre edrenkanape ceklaʹ? 24Barhenaʹ cehara lelketeʹ alo bicârape borong neilakaketeʹ bicârpe.
25Tâkhni Jirusalemren koekṭe âdmi menkedako, "Je netakote gojeilaʹ namsanako, Nâido ki Âni âdmi bangkane? 26Kheʹ Ânito khulâsatigi katha mende ar angko netatedo Âni itâʹgi bang metaikanako. Tahale sâriaʹgi ki angko baṛe darekadako je, ni âdmigi Khrisṭokane? 27Kheʹ aboto baṛeyabo Nâi akare khoiʹ hiʹkane. Kheʹ Khrisṭo jâkhni hijuʹheʹ tâkhni ekeho oho baṛeyako Ânido akare khoiʹ hijuʹheʹ."
28Niâtayom Jisute Mundirre cetʹoko somai jore jore menkede, "Ape monepe je, Ingho baṛengape, ar Ing akare khoiʹ hiʹkâning anaho baṛeyape. Kheʹ Ingdo nije khoiʹdo bang hiʹkâning, sâriyiʹ Issorte Ingdo kolkâdinge. 29Ânido apete bang baṛeyape kheʹ Ingte Ânido baṛeing, karon Ingdo âniṭheʹ khoiʹ hiʹkâning ar Ânitigi Ing kolkâdinge."
30Nate angko âdmite Jisu sabeilaʹ namkedako, kheʹ tâkhniho Âniaʹ somai bang hokana mente ekeho Âniaʹ hormore ti bang maledako. 31Tahale âdmiko talaren aima horgi Jisu cetanre pâtyunako ar menkedako, "Nigito aima asarjo kâmi rikâlede. Khrisṭo hiʹketeʹ nâi khoiʹ ki bisi asarjo kâmi rikiheʹ?"
32Âdmiko je Jisu somporke niâko sanam katha men beradako ana Forisiko aten namkedako. Tâkhni marang purohit ar Forisikote Jisu sabei laʹte koekṭeʹ kormocâriko kolkeʹkoako. 33Jisu menkede, "Ingdo ar ḍher din ape talare bânungâ. Niâtayom jete Ing kolkâdinge Ing âniṭheʹ cagenhuʹ. 34Apete Ing senrangpehaʹ kheʹ bang namengape ar Ing jeṭheʹ tahanhuʹ ape aṛe hiʹho bang darenape."
35Jisuoaʹ niâ katha atenkete Jihudi netako nijeyaʹ talare loporlaʹ lagonako, "Nâi âdmi akare caʹheʹ je, abote Âni sendraketeʹ oho nameiabo? Ojihudi talare je Jihudiko pasno menaʹkoa, Âni ki aṛe caketeʹ Ojihudiko cetʹokoheʹ? 36Âni je menkede, 'Apete Ing sendrangpehaʹ kheʹ bang namengape, ar Ing jeṭheʹ tahanhuʹ ape aṛe oho hiʹ darenape,' niâ kathanaʹ manedo itâ?"
Jisu jiuitʹ daʹnaʹ bisoite menkede
37Porobnaʹ mucitʹ dingi tahalena marang din. Ana din Jisu tengoketeʹ jore jore menkede, "Jahegi judi tetangiâ tahale ânido Ingṭheʹ hiʹketeʹ nuketeʹ caʹmane. 38Je Ing cetanre pâtyuako, Pobitro Sastronaʹ katha laka âniaʹ ontor khoiʹ jiuitʹ daʹna ganga âtuʹtigi tahanhaʹ."
39Jisu cetanre pâtyuketeʹ jete Pobitro Atta nameikohaʹ âni Pobitro attaoaʹ bisoite Jisu niâ katha menkede. Pobitro atta tâkhniho bang ma hokana karon tâkhniho Jisu Aiaʹ mohima bang âcur namkade.
Âdmiko talare motnaʹ omil
40Niâko sanam katha atenketeʹ âdmiko talaniʹ koekṭeʹ menkedako, "Sâriaʹgi nigie âni nâbi."
41Eṭaʹonkhoiʹ menkedako, "Nigie Khrisṭo."
Kheʹ ekekodo kulikedako, "Khrisṭo ki Gâlil oncol khoiʹ hijuʹheʹ? 42Pobitro Sastro ki bang menkade, Dâud je ṭolare tahansane ana Bethlehemre ar âniaʹ bongsorigi Khrisṭodo janamoʹheʹ?"
43Nengkaketeʹgi âdmiko talare Jisuoaʹ bisoi laite miṭiʹ motnaʹ omil lelnamna. 44Koekṭeʹte Jisu sabeilaʹ namkedako kheʹ ekegi Âniaʹ hormore ti bang maledako.
45Mundirren ekeko kormocâri kolholena angkodo marang purohit ar Forisikoṭheʹ âcur hiʹnako. Tâkhni angkote angko kulikeʹkoako, "Ânido ceklaʹ bang âgukâdiape?"
46Angko kormocâriko menkedako, "Âni âdmi alkaketeʹ katha mene ar ekeho tinreho bang menkadako."
47Niâte Forisikote angko jogeiʹko metakeʹkoako, "Apeho ki ṭhakongenape?" 48Netako talaniʹ se Forisiko talaniʹ ekegito Âni cetanre bang pâtyulenako. 49Kheʹ neko je sadharon âdmiko, nengkoto Mosiaʹ ân bang baṛeyako, nengko cetanre sarap menaʹa.
50Nikodim, je lahate Jisuṭheʹ calene, ânido tahalene nengko Forisiko talani miʹhor. 51Ânido menkede, "Jaheyaʹ mocanaʹ katha bang atenketeʹ ar âni itâʹ rikâkade ana bang baṛeketeʹ jahegi sâsti manaʹ bebostha ki Mosiaʹ ânre menaʹa?"
52Forisikote Nikodim metakidiako, "Amho ki Gâlil khoiʹ hiʹkanam? Pobitro Sastrore sendraketeʹ lelpe, Gâlilre eke nâbiaʹgi janamnaʹ katha bânuʹa." 53Niâtayom âdmiko akoaʹ oraʹre cagenako.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh