Johon 6
6
Jisute more hajar âdmiko jomsokeʹkoe
(Mothi 14:13-21; Mark 6:30-44; Luk 9:10-17)
1Niâ tayom Jisu Gâlil Ganganaʹ eṭaʹhate calone. Niâ Gangaho Tibiriâ Ganga metaʹako. 2Aima âdmi Âniaʹ taynom taynomte calolaʹ lagonako, karon rugiko cetanre Ânido cinhâ hisâbte jeko asarjo kâmi rikâlede anado angko lelledako. 3Jisudo Aiʹren celako saote miṭiʹ ḍâṛi cetanre rakapketeʹ duruʹne. 4Ana somai Jihudikoaʹ bacoaʹ porob sorre hiʹlena. 5Jisu koyoʹketeʹ lelkede aima âdmi Aiʹṭheʹ hijuʹkanako. Ânite Filip metakidie, "Nako âdmiko jomsokolaʹte abo akakhoiʹ piṭhâ kiringabo?" 6Filip purikkhai laʹte Ânite na katha metakidie, karon itâʹ cikiheʹ ana Âni baṛesane.
7Filipte Jisu metakidie, "Angko sanamkhoiʹ laʹte piṭhâ kiringlaʹ hoʹlekheʹ miʹhoraʹ miʹ bochornaʹ kâmi dinârteho oho hoʹa.#6:7 Na mane hoʹkana barso dinâr"
8Jisuren celako talare miʹhoraʹ nutum tahalentaya Andrio. Âni tahalene Simon Pitorren boiha. Andriote Jisu metakidie, 9"Naṛe miṭiʹ kâṭiʹ gidrâṭheʹ moreṭeʹ jao piṭhâ ar barya hako menaʹkinâ, kheʹ nâniʹ âdmiko talare niâdo itâʹ hoʹhaʹ?"
10Jisu menkede, "Âdmiko duruʹkope." Ana jagare aima ghas tahalena. Âdmiko ana cetanre duruʹnako. Aṛe korahopongi kombesi more hajar tahalena. 11Niâ tayom Jisu anako piṭhâ engeketeʹ Issor dhonnobad makidie ar ekeko duruʹlenako angko bhagketeʹ makeʹkoe. Analakagi Ânite ângkin hakoho makeʹkoe. Eke tinâʹ koikedako inâʹgi namkedako.
12Âdmiko laiʹbi jom tayom Jisute Aiʹren celako metakeʹkoe, "Aka kecaʹko sareʹ menaʹa anako miʹ saote jaorepe jate jahanaʹtigi bang nosṭoʹa." 13Âdmiko jom tayom ana moreṭeʹ piṭhânaʹ akako sareʹ tahalena celako ana jaoraketeʹ baroṭeʹ pâichâ pereʹkedako.
14Jisuoaʹ niâ asarjo kâmi lelketeʹ âdmiko menlaʹ lagonako, "Dhârtire eke nâbiaʹ hijuʹaʹ katha menaʹa Nâido sârigi Âni nâbikane." 15Niâte Jisu bujhukede, âdmikote Âni jorketeʹ angkoren raja banoilaʹte sabeilaʹ hijuʹkanako. Ana laʹte Ânido eskargi arho miʹ ḍâṛi khoiʹ ar miʹ ḍâṛi calongene.
Jisu daʹ cetante darane
(Mothi 14:22-33; Mark 6:45-52)
16Âyup tayom Jisuren celako ganganaʹ kandhare calonako, 17ar lâukâre deʹketeʹ Kofornâhum sohorre caloʹ laʹte ganga paromolaʹ lagonako. Ana somai nutgi tahalena, ar tâkhniho Jisu angkoṭhe bang hiʹkane. 18Aima jore hoi sane mente gangareho marang marang ḍheo rakaboʹsana. 19More cho kilomiṭâr lâukâ caloʹ tayom angko lelkedako, Jisu ganganaʹ daʹ cetante daraketeʹ angkoaʹ lâukâṭheʹ hijuʹkane. Niâ lelketeʹ celako aima botornako. 20Tâkhni Jisute angko metakeʹkoe, "Alo botoroʹape, naṛedo Ingkâning."
21Tâkhni angkote Âni lâukâre dejeilaʹ râjinako, ar angko akare caʹsanako lâukâ tâkhnigi ḍangare aṭona.
Jiui piṭhânaʹ bisoite upodes
22Pora din âdmiko bujhu darekedako je, laha din aṛe miṭiʹ lâukâ bâgiketeʹ ar eṭaʹ aka lâukâgi bang tahalena. Jisu Aiʹren celako suliʹ ana lâukâre bang deʹkane borong Aiʹren celako eskargi calongelenako. 23Kheʹ akare Probhu dhonnobad ma tayom âdmiko piṭhâ jomledako ana jaganaʹ sorre tâkhni Tibiriâ sohor khoiʹ koyekṭeʹ lâukâ hiʹna. 24Niâ laʹte âdmiko jâkhni lelkedako je, Jisu se Aiʹren celako ekeho aṛe bânuʹkoa tâkhni angko ana lâukâkore deʹketeʹ Jisu sendrai laʹte Kofornâhumre calonako. 25Aṛe pâhcuketeʹ angkote Jisu sendra namketeʹ metakidiako, "Guru, am tinsomai naṛe hiʹkanam?"
26Jisu uttor makede, "Ingte ape sârigi metapekâning, ape asarjo kâmi lelkadape mentigi je Ingâʹ khojdape anado bang, borong laiʹbi piṭhâ jom namkadape mentigi khojdape. 27Kheʹ akaṭaʹ jomaʹ nosṭongenhaʹ ana jomaʹ laʹtedo bestoketeʹ lab itâʹ? Akaṭaʹ jomaʹ bang nosṭoʹa borong ononto jiui emoʹe ana laʹtigi bestoʹpe. Ana jomaʹgi Âdmi Hoponte ape mapeheʹ, karon Baba Issor promanketeʹ uduʹkade je, Ânite niâ kâmi rikiaʹ odhikar kebol Inggi makâdinge."
28Niâte âdmikote Jisu kulikidiako, "Tahale Issoraʹ kâmi rikâlaʹte ale itâʹ rikiale?"
29Jisute angko metakeʹkoe, "Issorte eke kolkâdie âniaʹ cetanre pâtyugi hoʹkana Issoraʹ kâmi."
30Tâkhni angkote Âni kulikidiako, "Tahale ki emon asarjo kâmi Am rikimahaʹ akaṭaʹ lelketeʹdo alete Am pâtyu daremilehaʹ? Amdo itâʹ kâmidam? 31Aleren laharen âdmiko to sansun jagare manna#6:31 Niâdo miʹlakanaʹ jomaʹ nutumkana. Jâkhni Israyelko murubhumire tahalenako tâkhni Issorte Israyelko niâ jomaʹ maleʹkoe. jomledako. Pobitro Sastrore ol menaʹa, 'Issorte angko sorgo khoiʹ piṭhâ jomlaʹ makeʹkoe.'"
32Jisute angko metakeʹkoe, "Ingte ape sârigi metapekâning, sorgo khoiʹ je piṭhâ ape namledape anado Mosite ape bang makaʹpeye, kheʹ Ingren Babate sâriaʹ piṭhâ sorgo khoiʹ ape mapekane. 33Sorgo khoiʹ agro hiʹketeʹ dhârtiren âdmiko ekete jiui makoe Ânigie Issorren mauniʹ piṭhâdo."
34Âdmikote âni metakidiako, "Probhu, tahale ana piṭhâgi sanam somai ale malem."
35Jisute angko metakeʹkoe, "Ingging ana jiui piṭhâdo. Ekedo Ingṭheʹ hijuʹe ânido tisho bang ragejiâ. Ekedo Ing cetanre pâtyuʹe ânido ar tisho oho tetangiâ. 36Ingteto ape metakaʹpeing je, apete Ing lelkâdingape kheʹ taoreho bang pâtyukanape. 37Babate Ing akako mange anako sanam Ingṭheʹ hijuʹhaʹ. Eke Ingṭheʹ hijuʹe Ingte ânido tisho oho lagaing, 38karon Ing Ingâʹ icchâlaka kâmi rikilaʹtedo bang hiʹkâning, borong ekete Ing kolkâdinge Âniaʹ icchâ laka kâmi rikilaʹ sorgo khoiʹ agro hiʹkâning. 39Ekete Ing kolkâdinge Âniaʹ icchâ niâ je, ekeko Ânite Ing makâdinge angkoren miʹhorho jate Ingte bang atʹkoing borong mucitʹ dinre jiuitʹketeʹ rakapkoing. 40Ingren Babaoaʹ icchâ niâ ape talare ekekote hopontetʹ leleiako ar Âni cetanre pâtyuʹako angko jate ononto jiui namako. Ar Ingtigi angko mucitʹ dinre jiuitʹketeʹ rakapkoinghâʹ."
41Tâkhni Jihudi netako Jisuoaʹ biruddhe nâlislaʹ lagonako, karon Jisu menlede, "Sorgo khoiʹ aka piṭhâ agrohiʹkana Inggiying ana piṭhâ."
42Angko netako menlaʹ lagonako, "Nâi ki Josefren hopontetʹ Jisu bangkane? Nâiren engat ar bot ki abote bang cinhukinâbo. Tahale nâi kalkate mende, 'Ingdo sorgo khoiʹ agro hiʹkâning?'"
43Jisute angko metakeʹkoe, "Ape nije talare alo nâlisape. 44Ingren Baba, ekete Ing kolkâdinge Ânite bang âgukolekheʹ ekeho Ingṭheʹ bang hiʹdarenako. Ar Ingtigi ânido mucitʹ dinre jiuitʹketeʹ rakabiyinghâʹ. 45Nâbikoaʹ Boire ol menaʹa, 'Angkodo sanamkhoiʹ Issorṭheʹ khoiʹ cedaʹ namkohaʹ.' Ekeko Babaṭheʹ khoiʹ atenketeʹ cedaʹ namkadako angkogi Ingṭheʹ hijuʹkohaʹ. 46Eketeho Baba bang lelkâdiako, kebol eke Issorṭheʹ khoiʹ hiʹkane Ânitigi âni lelkadie. 47Ingte ape sârigi metapekâning, jahegi Ing cetanre pâtyuʹe âni tâkhnigi ononto jiui name."
48Ingging jiuiren piṭhâdo. 49Aperen laharen âdmiko sansun jagare manna jomledako, ar taoreho angko goiʹngekanako. 50Kheʹ niâgiâ ana piṭhâ akaṭaʹdo sorgo khoiʹ agro hiʹkana, jate ana jomketeʹ âdmiko goiʹ khoiʹ bacoʹako. 51Ingging ana jiuitʹ piṭhâ akaṭaʹdo sorgo khoiʹ agro hiʹkana. Niâ piṭhâ eke jomheʹ ânido cirokal laʹte jiui namheʹ. Ingâʹ hormogiâ ana piṭhâdo. Dhârtiren âdmi jate jiui namako analaʹte Ingdo Ingâʹ niâ hormo emoʹhuʹ."
52Niâ katha atenketeʹ Jihudiko talare torka turki ehopna. Angko menlaʹ lagonako, "Kalkate Nâi âdmi Aiaʹ hormo abo jomso dareboe?"
53Jisute angko metakeʹkoe, "Ingte ape sârigi metapekâning, judi ape Âdmi Hoponaʹ hormo bang jomape ar meyom bang nuyape tahaledo ape talare jiui bânuʹa. 54Jahe judi Ingâʹ hormo jom ar meyom nuyako tahale ânido ononto jiui name, ar Ingte âni mucitʹ dinre jiuitʹketeʹ rakabihuʹ. 55Ingâʹ hormogi hoʹkana sâri jomaʹ ar Ingâʹ meyomgi hoʹkana sâri nuiaʹ. 56Eke Ingâʹ hormo jome ar meyom nuie ânido Ingâʹ talare tahane ar Ingho âni talare tahaning. 57Jiuitʹ Babate Ing kolkâdinge ar Âni laʹtigi Ingdo jiuitʹ miningâ. Ṭhik analakagi ekete Ing jomenge âniho Ing talatigi jiuitʹ tahanheʹ. 58Niâdo ana piṭhâkana akaṭaʹdo sorgo khoiʹ agro hiʹkana. Aperen laharen âdmiko akaṭaʹ piṭhâ jomketeʹreho goiʹkanako niâdo ana lakanaʹ piṭhâdo bangkana. Niâ piṭhâdo eke jome ânido cirokallaʹte jiui name."
59Kofornâhumnaʹ somaj oraʹre cetʹoko somai Jisute niâ katha metaleʹkoe.
Âdmikoaʹ binpâtyu
60Âniren celako talaren aimahorgi niâ katha atenketeʹ menkedako, "Niâdo miṭiʹ kâṭhin cedaʹkana. Eke niâdo atang dareʹe?"
61Jisu nijeyaʹ monte bujhu darekede je, Aiʹren celako niâ bisoite nâlisdako. Analaʹte Ânitedo angko metakeʹkoe, "Niâ kathate ki ape âṛisoʹkanape? 62Tahole Âdmi Hopon lahate akare tahalene Ânido ana sorgore rakaboʹte lelekheʹ ape itâʹ menpehaʹ? 63Âdmiaʹ hormodo aka kâminaʹdo bangkana, Pobitro Attagi jiui emoʹe. Ingte ape akako katha metakaʹpeing anado atta ar jiuikana. 64Kheʹ ape talare emon ekeko menaʹkoa ekekotedo Ing bang pâtyungako." Ceklaʹbang Jisu palhe khoiʹ baṛesane, ekete bang pâtyuyako, ar ekete Âni sottrukoaʹ tire sabsoiheʹ. 65Analaʹte Ânido menkede, "Anate Ingte ape metapekâning je, Babate sukti bang makolekheʹ ekeho Ingṭheʹ bang hiʹdarenako."
Pitorte Probhu Jisu sikârkidie
66Jisuoaʹ niâ katha laʹte celako talare aimahorgi âcur canako ar Âni suliʹ calobano bondokedako. 67Niâlaʹte Jisute angko baroṭeʹ celako metakeʹkoe, "Apeho ki calogenlaʹ namdape?"
68Simon Pitorte Jisu metakidie, "Probhu, aledo ekeṭheʹ caʹlehaʹ? Amṭheʹgi to ononto jiuinaʹ katha menaʹa. 69Aledo pâtyukanale ar baṛe namkadale je, Amgiâm Issorren Âni Pobitro âdmi."
70Tâkhni Jisute angko metakeʹkoe, "Ingte ape baroṭeʹ ki bang bachoketeʹ engekaʹpeing? Othoco ape talare miṭiʹ diabol miniâ." 71Naṛedo Jisu Simon Iskariotren gidrâ Jihudaoaʹ katha mensane, karon ânitedo tayomte Jisu sabsoiheʹ. Ânido tahalene angko baroṭeʹ bhitârren miʹhor.
தற்சமயம் தேர்ந்தெடுக்கப்பட்டது:
Johon 6: EKL
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh
Johon 6
6
Jisute more hajar âdmiko jomsokeʹkoe
(Mothi 14:13-21; Mark 6:30-44; Luk 9:10-17)
1Niâ tayom Jisu Gâlil Ganganaʹ eṭaʹhate calone. Niâ Gangaho Tibiriâ Ganga metaʹako. 2Aima âdmi Âniaʹ taynom taynomte calolaʹ lagonako, karon rugiko cetanre Ânido cinhâ hisâbte jeko asarjo kâmi rikâlede anado angko lelledako. 3Jisudo Aiʹren celako saote miṭiʹ ḍâṛi cetanre rakapketeʹ duruʹne. 4Ana somai Jihudikoaʹ bacoaʹ porob sorre hiʹlena. 5Jisu koyoʹketeʹ lelkede aima âdmi Aiʹṭheʹ hijuʹkanako. Ânite Filip metakidie, "Nako âdmiko jomsokolaʹte abo akakhoiʹ piṭhâ kiringabo?" 6Filip purikkhai laʹte Ânite na katha metakidie, karon itâʹ cikiheʹ ana Âni baṛesane.
7Filipte Jisu metakidie, "Angko sanamkhoiʹ laʹte piṭhâ kiringlaʹ hoʹlekheʹ miʹhoraʹ miʹ bochornaʹ kâmi dinârteho oho hoʹa.#6:7 Na mane hoʹkana barso dinâr"
8Jisuren celako talare miʹhoraʹ nutum tahalentaya Andrio. Âni tahalene Simon Pitorren boiha. Andriote Jisu metakidie, 9"Naṛe miṭiʹ kâṭiʹ gidrâṭheʹ moreṭeʹ jao piṭhâ ar barya hako menaʹkinâ, kheʹ nâniʹ âdmiko talare niâdo itâʹ hoʹhaʹ?"
10Jisu menkede, "Âdmiko duruʹkope." Ana jagare aima ghas tahalena. Âdmiko ana cetanre duruʹnako. Aṛe korahopongi kombesi more hajar tahalena. 11Niâ tayom Jisu anako piṭhâ engeketeʹ Issor dhonnobad makidie ar ekeko duruʹlenako angko bhagketeʹ makeʹkoe. Analakagi Ânite ângkin hakoho makeʹkoe. Eke tinâʹ koikedako inâʹgi namkedako.
12Âdmiko laiʹbi jom tayom Jisute Aiʹren celako metakeʹkoe, "Aka kecaʹko sareʹ menaʹa anako miʹ saote jaorepe jate jahanaʹtigi bang nosṭoʹa." 13Âdmiko jom tayom ana moreṭeʹ piṭhânaʹ akako sareʹ tahalena celako ana jaoraketeʹ baroṭeʹ pâichâ pereʹkedako.
14Jisuoaʹ niâ asarjo kâmi lelketeʹ âdmiko menlaʹ lagonako, "Dhârtire eke nâbiaʹ hijuʹaʹ katha menaʹa Nâido sârigi Âni nâbikane." 15Niâte Jisu bujhukede, âdmikote Âni jorketeʹ angkoren raja banoilaʹte sabeilaʹ hijuʹkanako. Ana laʹte Ânido eskargi arho miʹ ḍâṛi khoiʹ ar miʹ ḍâṛi calongene.
Jisu daʹ cetante darane
(Mothi 14:22-33; Mark 6:45-52)
16Âyup tayom Jisuren celako ganganaʹ kandhare calonako, 17ar lâukâre deʹketeʹ Kofornâhum sohorre caloʹ laʹte ganga paromolaʹ lagonako. Ana somai nutgi tahalena, ar tâkhniho Jisu angkoṭhe bang hiʹkane. 18Aima jore hoi sane mente gangareho marang marang ḍheo rakaboʹsana. 19More cho kilomiṭâr lâukâ caloʹ tayom angko lelkedako, Jisu ganganaʹ daʹ cetante daraketeʹ angkoaʹ lâukâṭheʹ hijuʹkane. Niâ lelketeʹ celako aima botornako. 20Tâkhni Jisute angko metakeʹkoe, "Alo botoroʹape, naṛedo Ingkâning."
21Tâkhni angkote Âni lâukâre dejeilaʹ râjinako, ar angko akare caʹsanako lâukâ tâkhnigi ḍangare aṭona.
Jiui piṭhânaʹ bisoite upodes
22Pora din âdmiko bujhu darekedako je, laha din aṛe miṭiʹ lâukâ bâgiketeʹ ar eṭaʹ aka lâukâgi bang tahalena. Jisu Aiʹren celako suliʹ ana lâukâre bang deʹkane borong Aiʹren celako eskargi calongelenako. 23Kheʹ akare Probhu dhonnobad ma tayom âdmiko piṭhâ jomledako ana jaganaʹ sorre tâkhni Tibiriâ sohor khoiʹ koyekṭeʹ lâukâ hiʹna. 24Niâ laʹte âdmiko jâkhni lelkedako je, Jisu se Aiʹren celako ekeho aṛe bânuʹkoa tâkhni angko ana lâukâkore deʹketeʹ Jisu sendrai laʹte Kofornâhumre calonako. 25Aṛe pâhcuketeʹ angkote Jisu sendra namketeʹ metakidiako, "Guru, am tinsomai naṛe hiʹkanam?"
26Jisu uttor makede, "Ingte ape sârigi metapekâning, ape asarjo kâmi lelkadape mentigi je Ingâʹ khojdape anado bang, borong laiʹbi piṭhâ jom namkadape mentigi khojdape. 27Kheʹ akaṭaʹ jomaʹ nosṭongenhaʹ ana jomaʹ laʹtedo bestoketeʹ lab itâʹ? Akaṭaʹ jomaʹ bang nosṭoʹa borong ononto jiui emoʹe ana laʹtigi bestoʹpe. Ana jomaʹgi Âdmi Hoponte ape mapeheʹ, karon Baba Issor promanketeʹ uduʹkade je, Ânite niâ kâmi rikiaʹ odhikar kebol Inggi makâdinge."
28Niâte âdmikote Jisu kulikidiako, "Tahale Issoraʹ kâmi rikâlaʹte ale itâʹ rikiale?"
29Jisute angko metakeʹkoe, "Issorte eke kolkâdie âniaʹ cetanre pâtyugi hoʹkana Issoraʹ kâmi."
30Tâkhni angkote Âni kulikidiako, "Tahale ki emon asarjo kâmi Am rikimahaʹ akaṭaʹ lelketeʹdo alete Am pâtyu daremilehaʹ? Amdo itâʹ kâmidam? 31Aleren laharen âdmiko to sansun jagare manna#6:31 Niâdo miʹlakanaʹ jomaʹ nutumkana. Jâkhni Israyelko murubhumire tahalenako tâkhni Issorte Israyelko niâ jomaʹ maleʹkoe. jomledako. Pobitro Sastrore ol menaʹa, 'Issorte angko sorgo khoiʹ piṭhâ jomlaʹ makeʹkoe.'"
32Jisute angko metakeʹkoe, "Ingte ape sârigi metapekâning, sorgo khoiʹ je piṭhâ ape namledape anado Mosite ape bang makaʹpeye, kheʹ Ingren Babate sâriaʹ piṭhâ sorgo khoiʹ ape mapekane. 33Sorgo khoiʹ agro hiʹketeʹ dhârtiren âdmiko ekete jiui makoe Ânigie Issorren mauniʹ piṭhâdo."
34Âdmikote âni metakidiako, "Probhu, tahale ana piṭhâgi sanam somai ale malem."
35Jisute angko metakeʹkoe, "Ingging ana jiui piṭhâdo. Ekedo Ingṭheʹ hijuʹe ânido tisho bang ragejiâ. Ekedo Ing cetanre pâtyuʹe ânido ar tisho oho tetangiâ. 36Ingteto ape metakaʹpeing je, apete Ing lelkâdingape kheʹ taoreho bang pâtyukanape. 37Babate Ing akako mange anako sanam Ingṭheʹ hijuʹhaʹ. Eke Ingṭheʹ hijuʹe Ingte ânido tisho oho lagaing, 38karon Ing Ingâʹ icchâlaka kâmi rikilaʹtedo bang hiʹkâning, borong ekete Ing kolkâdinge Âniaʹ icchâ laka kâmi rikilaʹ sorgo khoiʹ agro hiʹkâning. 39Ekete Ing kolkâdinge Âniaʹ icchâ niâ je, ekeko Ânite Ing makâdinge angkoren miʹhorho jate Ingte bang atʹkoing borong mucitʹ dinre jiuitʹketeʹ rakapkoing. 40Ingren Babaoaʹ icchâ niâ ape talare ekekote hopontetʹ leleiako ar Âni cetanre pâtyuʹako angko jate ononto jiui namako. Ar Ingtigi angko mucitʹ dinre jiuitʹketeʹ rakapkoinghâʹ."
41Tâkhni Jihudi netako Jisuoaʹ biruddhe nâlislaʹ lagonako, karon Jisu menlede, "Sorgo khoiʹ aka piṭhâ agrohiʹkana Inggiying ana piṭhâ."
42Angko netako menlaʹ lagonako, "Nâi ki Josefren hopontetʹ Jisu bangkane? Nâiren engat ar bot ki abote bang cinhukinâbo. Tahale nâi kalkate mende, 'Ingdo sorgo khoiʹ agro hiʹkâning?'"
43Jisute angko metakeʹkoe, "Ape nije talare alo nâlisape. 44Ingren Baba, ekete Ing kolkâdinge Ânite bang âgukolekheʹ ekeho Ingṭheʹ bang hiʹdarenako. Ar Ingtigi ânido mucitʹ dinre jiuitʹketeʹ rakabiyinghâʹ. 45Nâbikoaʹ Boire ol menaʹa, 'Angkodo sanamkhoiʹ Issorṭheʹ khoiʹ cedaʹ namkohaʹ.' Ekeko Babaṭheʹ khoiʹ atenketeʹ cedaʹ namkadako angkogi Ingṭheʹ hijuʹkohaʹ. 46Eketeho Baba bang lelkâdiako, kebol eke Issorṭheʹ khoiʹ hiʹkane Ânitigi âni lelkadie. 47Ingte ape sârigi metapekâning, jahegi Ing cetanre pâtyuʹe âni tâkhnigi ononto jiui name."
48Ingging jiuiren piṭhâdo. 49Aperen laharen âdmiko sansun jagare manna jomledako, ar taoreho angko goiʹngekanako. 50Kheʹ niâgiâ ana piṭhâ akaṭaʹdo sorgo khoiʹ agro hiʹkana, jate ana jomketeʹ âdmiko goiʹ khoiʹ bacoʹako. 51Ingging ana jiuitʹ piṭhâ akaṭaʹdo sorgo khoiʹ agro hiʹkana. Niâ piṭhâ eke jomheʹ ânido cirokal laʹte jiui namheʹ. Ingâʹ hormogiâ ana piṭhâdo. Dhârtiren âdmi jate jiui namako analaʹte Ingdo Ingâʹ niâ hormo emoʹhuʹ."
52Niâ katha atenketeʹ Jihudiko talare torka turki ehopna. Angko menlaʹ lagonako, "Kalkate Nâi âdmi Aiaʹ hormo abo jomso dareboe?"
53Jisute angko metakeʹkoe, "Ingte ape sârigi metapekâning, judi ape Âdmi Hoponaʹ hormo bang jomape ar meyom bang nuyape tahaledo ape talare jiui bânuʹa. 54Jahe judi Ingâʹ hormo jom ar meyom nuyako tahale ânido ononto jiui name, ar Ingte âni mucitʹ dinre jiuitʹketeʹ rakabihuʹ. 55Ingâʹ hormogi hoʹkana sâri jomaʹ ar Ingâʹ meyomgi hoʹkana sâri nuiaʹ. 56Eke Ingâʹ hormo jome ar meyom nuie ânido Ingâʹ talare tahane ar Ingho âni talare tahaning. 57Jiuitʹ Babate Ing kolkâdinge ar Âni laʹtigi Ingdo jiuitʹ miningâ. Ṭhik analakagi ekete Ing jomenge âniho Ing talatigi jiuitʹ tahanheʹ. 58Niâdo ana piṭhâkana akaṭaʹdo sorgo khoiʹ agro hiʹkana. Aperen laharen âdmiko akaṭaʹ piṭhâ jomketeʹreho goiʹkanako niâdo ana lakanaʹ piṭhâdo bangkana. Niâ piṭhâdo eke jome ânido cirokallaʹte jiui name."
59Kofornâhumnaʹ somaj oraʹre cetʹoko somai Jisute niâ katha metaleʹkoe.
Âdmikoaʹ binpâtyu
60Âniren celako talaren aimahorgi niâ katha atenketeʹ menkedako, "Niâdo miṭiʹ kâṭhin cedaʹkana. Eke niâdo atang dareʹe?"
61Jisu nijeyaʹ monte bujhu darekede je, Aiʹren celako niâ bisoite nâlisdako. Analaʹte Ânitedo angko metakeʹkoe, "Niâ kathate ki ape âṛisoʹkanape? 62Tahole Âdmi Hopon lahate akare tahalene Ânido ana sorgore rakaboʹte lelekheʹ ape itâʹ menpehaʹ? 63Âdmiaʹ hormodo aka kâminaʹdo bangkana, Pobitro Attagi jiui emoʹe. Ingte ape akako katha metakaʹpeing anado atta ar jiuikana. 64Kheʹ ape talare emon ekeko menaʹkoa ekekotedo Ing bang pâtyungako." Ceklaʹbang Jisu palhe khoiʹ baṛesane, ekete bang pâtyuyako, ar ekete Âni sottrukoaʹ tire sabsoiheʹ. 65Analaʹte Ânido menkede, "Anate Ingte ape metapekâning je, Babate sukti bang makolekheʹ ekeho Ingṭheʹ bang hiʹdarenako."
Pitorte Probhu Jisu sikârkidie
66Jisuoaʹ niâ katha laʹte celako talare aimahorgi âcur canako ar Âni suliʹ calobano bondokedako. 67Niâlaʹte Jisute angko baroṭeʹ celako metakeʹkoe, "Apeho ki calogenlaʹ namdape?"
68Simon Pitorte Jisu metakidie, "Probhu, aledo ekeṭheʹ caʹlehaʹ? Amṭheʹgi to ononto jiuinaʹ katha menaʹa. 69Aledo pâtyukanale ar baṛe namkadale je, Amgiâm Issorren Âni Pobitro âdmi."
70Tâkhni Jisute angko metakeʹkoe, "Ingte ape baroṭeʹ ki bang bachoketeʹ engekaʹpeing? Othoco ape talare miṭiʹ diabol miniâ." 71Naṛedo Jisu Simon Iskariotren gidrâ Jihudaoaʹ katha mensane, karon ânitedo tayomte Jisu sabsoiheʹ. Ânido tahalene angko baroṭeʹ bhitârren miʹhor.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©️2025 Bible Students Fellowship of Bangladesh