Ozee 6
6
1Ka n kɛ pii kɔn nɛ:
Ka daa wɔ wusoo wɔ wo Dɛnaa Lawa li:
A din na á wɔ tɔtoɛ̃.
A din nə die wɔa busu nyɛɛ.
A din na á wɔ dɛ,
A din nə die a dagòã boe.
2Kànaa ka lɛawaa paa,
á re yiikoonaabaa koe wɔ la.
A sɔɔbaa ǹ wɔ li,
á re wɔ goɛ a wɔ kaa lon.
Wɔ yii á die goɛ̃ koo a din yɔrɔ-a.
3Ka daa wɔ ga Dɛnaa Lawa li,
ka n doa wɔ dɔ̃.
Dɛnaa Lawa a daa ke a sàabiɛ wa,
a n ka lɛ̀ a waa bɛ́ lɔn.
A n die die wɔ li ka la á ke kiɛ lɔn,
ka la giala nyɔmɔɔ á ke tán basɛ̃ lɔn.
4Efrayimu tɔrɔn lɛn,
man die ka biɛ lɔn?
Zudaa minin lɛn,
man die ka biɛ lɔn?
Kaa kɔn-narɛɛ lɛ n ka
baayɛlɛ a la a ti bɛ́ lɔn
a golee sawaa-n wa.
A n ka pele bɛ́ lɔn baayɛlɛ,
a golee kaa-n wa.
5Bɛ lɛ na á toa,
má maa boo gii-dalin dia,
ǹ nə́ daa boo dɔdɔrɔ ka ganaa,
má ka dɛ ka ma lɛ gɔ́ɔ̃ ǹ boon ne.
Maa kiri n foaã ka tɛ fúlu bɛ́ lɔn.
6 #
MAT 9.13; 12.7. Sii zɛnaa ka kɔn-narɛɛ nɛ,
bɛ á kɔɔ̃n ma ganaa
á la wúlu mànan kɛn manɛ.
Ma dɔ̃ Lawa lɛa,
bɛ á kɔɔ̃n ma ganaa
á la *wúlu màn tiɛ̃n kɛn manɛ.
Izirayeli minin man gɛ̀ dii
7Sɛnɛ, kasɛn,
ká lɛ kɔ kɔn la lɛ ziziɛ̃,
ka Aadã bɛ́ lɔn.
Ka ǹ ká ma sã.
8Galaati kiwi n min baraan
kiwi lɛa,
ǹ basa tumaa n mà lɛa kiwi lɛ nɛ.
9Ká wurumu kuru bɛ́ kuu
koe minin ganaa lɔn,
Lawa a wúlu-bɔlen kurun man nɛn
bɛ̀ ǹ minin dɛ Sisɛmu zii la miɛ̃.
Bɛa sii bɔbɔnɛɛ kɛ lɛ nɛ ǹ tá zɛnɛɛ.
10Izirayeli a kion kɛ nɛ,
má sii bɔbɔnɛɛn yɛ!
Efrayimu tɔrɔn kɛn nə́
kɔrɔbaa zɛnaa walan,
bɛ lɛ dɔ n die *gɔ̀ diɛ
Izirayeli minin tumaa ganaa.
11Zudaa minin lɛn,
manə n yɔrɔ boe die kiri we
ka dɔn ganaa,
bɛ á zɛnɛɛ,
bɛ̀ má maa minin giã ǹ gɔn zizi
kɛ kɔ ǹ la.
தற்சமயம் தேர்ந்தெடுக்கப்பட்டது:
Ozee 6: SCE2013
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
San Catholic Edition Bible © Bible Society of Burkina Faso, 2013.