Salm 26

Urnaí an Duine Neamhurchóidigh

1 Le Dáiví.

Tabhair breithiúnas ar mo shon, a Thiarna,

óir shiúil mé ar shlí an ionracais,

agus bhí mo dhóchas sa Tiarna gan staonadh.

2Déan mo phromhadh, a Thiarna, agus mo thástáil;

scrúdaigh mʼáranna agus mo chroí;

3Óir bíonn do bhuan-ghrá os comhair mo shúl,

agus bím ag siúl de réir dʼfhírinne.

4Ní bhím i bhfochair lucht éithigh

ná ní ghabhaim i gcomhluadar na gcluanairí.

5Is gráin liom tionól na n‑urchóideach,

agus ní shuím i bhfarradh na n‑éagráifeach.

6Ním mo lámha san ionracas, a Thiarna,

agus gabhaim mór-thimpeall dʼaltóra.

7Bíonn altú buíochais dá chanadh agam,

agus dʼéachtaí go léir dá n‑aithris agam.

8Thug mé taitneamh, a Thiarna, do dʼáras,

don áit a gcónaíonn do ghlóir.

9Ná sciob mé chun siúil leis na peacaigh

ná mʼanam le lucht doirte fola;

10Is dream iad a mbíonn an urchóid ina lámha acu,

agus is lomlán a ndeaslámh de bhreabanna.

11Ach caithimse mo shaol go hionraic:

fuascail mé agus nocht dom do thrócaire.

12Tá mo chosa ina seasamh ar an réidh;

molfaidh mé an Tiarna sna tionóil.

தற்சமயம் தேர்ந்தெடுக்கப்பட்டது:

Salm 26: ABN2012

சிறப்புக்கூறு

நகல்

ஒப்பீடு

பகிர்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

Salm 26
இலிருந்து பிரபலமான வேதாகம வசனங்கள்