मत्ती जानकारी
जानकारी
लिखणु आल़ा : मती
पौढ़णु आल़ै : यहूदी मसीह
रौहणु आल़ा : इस्राएली
ऐ लगभग 80-90 ईस्वी मौंझ़ै न लिखुदा ती।
मती रा खुशी रा समाद ऐ शुभ सन्देश देआ सा कि यीशु मसीह ही सौ मुक्तिदाता सा ज़ुणिरी ऐणै री भविष्यवाणी हुई ती। परमेश्वरै पराणै नियमा न हज़ार बौर्ष पैहलै आपणै लोका न केरुऐदै वायदै बै तेई मुक्तिदाता रै ज़रियै पूरै केरै। ऐ खुशी रा समाद सिर्फ़ यहूदी लोकै री तैंईंयैं नैंई ऑथि, ज़ौखै यीशु पैदा हुआ होर तेइरा पालन पोषण केरू, पर दुनिया री तैंईंयैं सा।
मती रै खुशी रै समादा बै बड़ी साबधानी सैंघै इंतज़ाम केरूदा सा। ऐथा री शुरूआत मसीह रै जन्मा न होआ सा, तैबै तेईन बपतिस्मा होर परीक्षा रा वर्णन सा, होर तैबै गलील प्रदेशा न प्रचार, शिक्षा होर बीमारी ठीक केरनै री सेवा रा वर्णन सा। ऐथा न बाद ऐई खुशी रै समादा न यीशु री गलीला न यरूश्लेम शैहरा रा सफ़र होर यीशु री ज़िंदगी री आखरी हफ्ते री घटना रा वर्णन सा। ज़ुणीन तेइरा क्रूसा पैंधै च़ढ़ना होर ज़िन्दा होंणा सा।
ऐई खुशी रै समादा न यीशु बै एक महान गुरू रै रूपा न रिहाऊ सा। तेइरी शिक्षा बै पौंज़ हिस्से न बौंडी सका सी।
(1) पहाड़ी उपदेश ज़ो स्वर्ग राज्य रै लोका रै चरित्र, कर्तब्य खास अधिकार होर आखरी आशा न जुड़ीदी सा (अध्याय 5-7)
(2) बारा च़ेले बै सेवा री तैंईंयैं त्यार केरना (अध्याय 10)
(3) स्वर्गा रै राज्य रै बारै न उदाहरण (अध्याय 13)
(4) शिष्यता रै बारै न शिक्षा (अध्याय 18)
(5) स्वर्ग राज्य रै ऐणै रै बारै न होर ऐणु आल़ै ज़ुगा रै बारै न आखरी शिक्षा (अध्याय 24, 25)
रूप रेखा
खानदान होर यीशु मसीह रा जन्म मत्ती 1:1-2:23
यूहन्ना बपतिस्मा देणु आल़ै रा सेवा रा कोम मत्ती 3:1-12
यीशु रा बपतिस्मा होर परीक्षा मत्ती 3:1-12
गलीला न यीशु री लोका री सेवा मत्ती 4:12-18:25
गलीला न यरूश्लेम शैहरा तैंईंयैं सफ़र मत्ती 19:1-20:34
यरूश्लेम शैहरा न आखरी सप्ताह मत्ती 21:1-27:66
प्रभु यीशु रा ज़िन्दा होंणा होर तेई हेरिणा मत्ती 28:1-20
தற்சமயம் தேர்ந்தெடுக்கப்பட்டது:
मत्ती जानकारी: KFX-NT
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
This work is licensed under Creative Commons Attribution-ShareAlike 4.0 License.