रोम सहरतोर 10

1मावोर विस्वसिरिर! नावा इस्रयेल लोकुरिन देवुळि पिसिह कीयि इनजोर, नावा पूरा जीवाताहि विचर कीसि, इद पोल्‍लोतेनाह्‌क देवुळतुन अमेसा पार्तना कीसोरेन मह्‌नन. 2देवुळतुन माळलाहि, ओरा पका जिद मन्ह्‌ता इनजोर, नना ऊळतन.#बळयिर 21:20 मति ओर देवुळ वेहता अग़दुन पुनोर. 3-4बह इतेके, देवुळि लोकुरिन बेद्रम सेतेमतोर कीस्ता इनजोर, ओर पुनोर. पुनवाह्‌कु, ओरु मोसानाङ अडोङ केंजिसि ताकतेके, देवुळि माक सेतेमतोर इनदग़ा इनजोर, विचर कीस्तोर. मति किर्स्तु मयेनाह्‌क मोक आसि, पाळ्नाङ अडोन मारिह कीसि, अद अग़दुन बंद कीतोग़.#3:21-23; 7:1-4; 11:7; गलातितोर 3:24; 4:5 कीसि, लोकुर सेतेमतोर आयलाहि, विस्वसता अग़ तोहतोग़. मति इद अग़दे, इस्रयेलतोर ताकोम इन्ह्‌तोर.#9:31

देवुळि तन्क केयवालोर सबेटोरिने पिसिह कीस्ता

5सास्त्रमतेमोसाल बह रासतोग़ इतेके, बोर बोर अडोङ माळसोरे पिसलाह ऊळिह्‌तोर, ओरिह्‌क सबे अडोन, बेदिने चुकवालेवा माळ पोयतग़ा.#लैव्यव्यवस्था 18:5; नहेम्याल 9:29; यहेजकेल 20:11,13,21; पिलिपितोर 3:9 6-8मति बोर बोर विस्वस कीसि सेतेमतोर आयलाह ऊळिह्‌तोर,#9:30 ओरा लोप्पा मोसाल इद्रम वेहतोग़ इतेके, देवुळता पोल्‍लो नियगा मन्ह्‌ता, इतेके नीवा जीवातगा, नीवा तोडटगा मन्ह्‌ता. अदिनेनाह्‌क “माक पिसिह केवाल किर्स्तुन ततलाहि देवुळदीपतगाबोग़ तग़्ङ पग़यनोग़?” इनजोर इनमाटु. बह इतेके किर्स्तु कुदि माक पिसिह कीयलाहि, इद बूमतगा वातोग़. अद्रमे ओसो “किर्स्तुन हामुरताह तेग़्किह कीयलाह, हानादीपते बोग़ रेग पग़यनोग़?” इनजोर वने मीट इनमाटु; #व्यवस्थाविवरण 30:12-14 बह इतेके, देवुळिये किर्स्तुन हामुरतग्डाह तेग़्किह कीता. अदिनेनाह्‌क देवुळता मुनेह सेतेमतोर आयलाह, माक बाताले कीया पोयो, सिरप विस्वस कीयना अचोने. इंजेके माट इद कबुरतुन पोकुर कीयलाह आतोम. 9अद कबुर इद्रम इतेके, येसुये नावा सामि इनजोर, निमा नीवा तोडटे कबुल आसि,#मत्याल 10:32; लूकाल 12:8; 1 कुरिंततोर 12:3; पिलिपितोर 2:11; 1 योहन 4:15 देवुळि ओन हामुरतग्डाहि जीवा अर्हता इनजोर, नीवा जीवाताहि विस्वस कीतेक अचोन, देवुळि नीक पिसिह कीयग़ा.#बळयिर 16:31; रोम सहरतोर 4:24-25; 1 पत्रु 1:21 10बोग़े आयि, आपुना जीवाताहि विस्वस कीतेकेने, ओग़ देवुळता मुनेह सेतेमतोग़ आस्तोग़. अद्रमे आपुना तोडटे कबुल आतेकेने, ओग़ तना पापमता सिक्साताहि पिसिह्‌तोग़. 11देवुळता सास्त्रमतगा वने, इद्रम रासतद मन्ह्‌ता: “किर्स्तुन विस्वस केवाल बोग़े मनेग़, ओग़ मेसेह्‌ने आयोग़ आयनोग़.” #यशायाह 28:16; रोम सहरतोर 9:33 12विस्वस केवालोर यहुदिर मनिर, ओसो बोर दुस्रा जाततोर मनिर, कतमतोरा सामि इतेके येसुये! ओन केयवालोर सबेटोरिन, ओग़ पका बेस ऊळिह्‌तोग़.#बळयिर 10:36; रोम सहरतोर 3:21-23,29 13बोर बोर सामिनु दया कीम इनजोर केयिह्‌तोर, ओर सबेटोर पिसनुर, #योएल 2:32; बळयिर 2:21 इनजोर रासतद मन्ह्‌ता.

14मति बोर लोकुर किर्स्तुन विस्वस केवोर, ओर बह केयेर? ओरिह्‌क ओना पोल्‍लोतुन बोग़े एव्सिह केवालेवा, ओर बह विस्वस केवेर?#यशायाह 52:15; रोम सहरतोर 15:20-21; इपिसुसतोर 4:21 ओरगा बोग़े अनवालेवा, किर्स्तुना कबुर बह एवयग़ा?#बळयिर 8:31; तीतुस 1:1-4 15लोहवालोर लेवेके, ओरगा बोग़ दायनोग़?#बळयिर 13:3; रोम सहरतोर 15:24; 3 योहन 6-8 अदिनेनाह्‌क देवुळता सास्त्रमतगा इद्रम रासतद मन्ह्‌ता: बेसता कबुरतुन तवालोर वायनदिन ऊळिसि, बेचोन गिर्दा वास्ता! #यशायाह 52:7 इनजोर देवुळता कबुरतोग़ यसयाल वेहतोग़.#इपिसुसतोर 6:15 अद्रमे देवुळि तना कबुरतोरिन पोकुर कीयलाहि लोहताये. 16मति केंजतोरग्डाहि उच्वुर अद बेसता कबुरतुन विस्वस केवोर.#3:3 इदिने यसयाल इतोग़, “ए सामि! माट वेहतद कबुरतुन बोग़ाय विस्वस कीतोग़ा?” #यशायाह 53:1; योहन 12:38 इनजोर इतोग़. 17इद्रमलेह्‌का लोकुर किर्स्तुना बेसता कबुरतुन केंजतेकेने, विस्वस कीया पग़यह्‌तोर.#गलातितोर 3:2,5; 1 तिसलुनितोर 2:13; इब्रितोर 4:2 बोग़ाय अद कबुरतुन पोकुर कीतेकेने, ओर केंजिह्‌तोर.

18पया इस्रयेल लोकुर इद कबुरतुन केंजोरा? आयो, ओर केंजतोरे. देवुळता सास्त्रमतगा इद्रम रासतद मन्ह्‌ता:

ओरा कबुर पूरा बूममेंड एवता.

ओरा पोल्‍लो दुनियाता कोड एवनाह पोकुर आता, # देवुळताङ पाटाङ 19:4; रोम सहरतोर 1:19-20; कुलुसितोर 1:6-8

इनजोर रासतद मन्ह्‌ता. अद्रमे ओर निटम केंजतोरे. 19केंजिसाय ओरिह्‌क तेळियोया? तेळियह्‌ताये! मुनेन मोसाना सास्त्रमते रासतपु, देवुळि इस्रयेल लोकुरिन इद्रम इता:

“दुस्राङ जातिनोरिह्‌क बर्कत ईसि, मीवा जीवा कर्वनाह कीकन.

नाक पुनवोरिह्‌क देय्वा ईसि, मियगा कोटुल पुटिह कीकन,” # व्यवस्थाविवरण 32:21; रोम सहरतोर 11:11,14

इनजोर देवुळि इता. 20मोसाना पेग़्केडोग़ यसयाल, (दुस्राङ जातिनोरा लोप्पा रासिह्‌पा,) देवुळता दीराते इद्रम रासतोग़:

नाक पर्ह्‌कवोरु, नाक दोर्किह कीतोर.

नाक पुनदलाह ऊळवोरु, नाक पुनदलाह आतोर, # यशायाह 65:1; रोम सहरतोर 9:30

इनजोर रासतोग़. 21इस्रयेल लोकुरा लोप्पा बार, देवुळि इद्रम इता: “नयगा मल्स वायिर इनजोर, वेल्‍लाय जोम ओरा अग़ ऊळतन. मति ओर कैंगम आसि, नावा पोल्‍लोतुन केंजोर,” #यशायाह 65:2 इता, इनजोर यसयाल रासतोग़.

தற்சமயம் தேர்ந்தெடுக்கப்பட்டது:

रोम सहरतोर 10: माडियाबाय्बल

சிறப்புக்கூறு

பகிர்

நகல்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

माडिया गोंड पवित्र सास्त्रम பற்றி மேலும் அறிக